Wikipédia

Péterséli

Péterséli ya iku tetuwuhan saka kulawarga Apiaceae ⁄ Umbelliferae (kulawarga wortel).[1] Tethukulan kang sinebut Parsley ing basa Inggris iki minangka jejanganan, lan bisa uga kanggo bumbu.[2] Péterséli duwé mupangat kanggo kasarasan. Iki uga duwé praupan kaya déné slédri.

Wedharan

besut

Jenengé saka basa Yunani 'Petroselinum' kang ngacu marang pakulinan uripé ing papan kang akèh watu.[3] Tembung Petros tegese watu. Iki dipitayani asalé saka tlatah Mediterania banjur nyebar ing bawana Eropa. Tethukulan iki bisa tuwuh ing dharatan cendhèk.[4] Wit péterséli tagak lan ana cawang. Iki bisa tuwuh nganti 60 sèntimèter.[5] Oyodé tipis lan vertikal, Wohé wujudé bundher lan wernané klawu kaijonan. Kembangé werna kuning-kaijonan lan bisa malih putih nalika mekrok wutuh. Dheweke duwé 8-20 kelopak.[6] Bibit tuwuhan iki bisa disemai ing lemah langsung nalika pungkasan mangsa adhem  nganti wiwitan mangsa panas. Nalika dideleng, rupané mempèr slédri, ananging ukur godhong péterséli luwih cilik, luwih brintik ananging bonggolé gedhé.[7] Gandané péterséli ora nyengak banget.

Piguna

besut

Wong Yunani lan Romawi kuna migunakaké godhongé minangka panyedhep lan hiasan ing panganan.[8] Péterséli minangka bahan utama kanggo nggawe saos péterséli, campuran salad[9] bahan kanggo sop lan olah-olahan iwak.[10] Godhongé bisa dienggo hiasan lan dipangan langsung.

Godhong péterséli duwé mupangat kanggo antiseptik saluran kemih, anti inflamasi, ngobati saluran pencernaan, hipertensi, lelara jantung. Karotenoid iki kang ngurangi faktor sing ningkatake risiko lelera jantung kayara peradhangan kronis, tekanan getih, lan kolesterol LDL sing dhuwur.[11]

Mupangat liya kaya ta:

  • Ngontrol gula getih. Kandhutan myricetin  ing péterséli bisa mudhunake gula getih lan resistensi insulin. myricetin  uga duwé piguna kanggo andiradhang lan mudhunaké lemak getih.[12]
  • Nyegah watu ginjel
  • Ngatur siklus menstruasi[13]
  • Nyegah kanker
  • Nyegah dhiabetes
  • Ningkatake kesehatan jantung
  • Nyegah peradhangan
  • Nguwatake sistem kekebalan awak
  • Anti inflamasi ing awak[14]
  • Ningkatake kasarasan balung.[15]
  • Mudhunaké risiko ambéyen.[16]

Kandhutan kimia

besut

Péterséli ngandhut energi 50 kilo kalori, protein 3,7 gram, karbohidrat 9 gram, lemak 1 gram, kalsium 193 miligram, fosfor 84 miligram, dan zat besi 4 miligram. Sakliyané iku péterséli uga ngandhut vitamin A 8230 IU, vitamin B1 0,11 miligram lan vitamin C 193 miligram.[17] Péterséli ngandhut  asam askorbat, karotenoid, flavonoid, apiole, senyawa terpenoic, kumarin, fenilpropanoid, ftalida, tokoferol, lan furanocoumarins. Godhongé akèh ngandhut vitamin (A, C, dan K), β-karoten, sarta lutein, zeaxanthin, folat, kolin, niasin, lan asam pantotenat. Sakliyané godhong, perangan oyod iki minangka sumber akèh mineral kaya ta mineral (Ca, K, Mg, B, P, Fe, Na, Zn, F, Mn, lan Se).

Gladri

besut
  •  
    Godhong péterséli
  •  
    Kembang péterséli
  •  
    Nandur péterséli
  •  
    Oyod péterséli

Kapustakan

besut
  1. ↑ "Plants Profile for Petroselinum crispum (parsley)". plants.usda.gov. Dibukak ing 2020-08-19.
  2. ↑ "Petroselinum crispum (parsley)". www.cabi.org. Dibukak ing 2020-08-19.
  3. ↑ "Petroselinum Crispum - an overview ScienceDirect Topics". www.sciencedirect.com. Dibukak ing 2020-08-19.
  4. ↑ "Petroselinum crispum Online Atlas of the British and Irish Flora". www.brc.ac.uk (ing basa Inggris). Diarsip saka sing asli ing 2019-06-10. Dibukak ing 2020-08-19.
  5. ↑ "Petroselinum crispum - Useful Tropical Plants". tropical.theferns.info. Dibukak ing 2020-08-19.
  6. ↑ "Parsley (Petroselinum crispum): growing, planting, caring". www.groww.fr (ing basa Inggris). Dibukak ing 2020-08-19.
  7. ↑ "Ini Cara Membedakan Seledri, Peterseli dan Daun Ketumbar". kumparan (ing basa Indonesia). Dibukak ing 2020-08-19.
  8. ↑ "parsley Description, Uses, & Facts". Encyclopedia Britannica (ing basa Inggris). Dibukak ing 2020-08-19.
  9. ↑ berkata, Espe (2016-10-26). "Aneka Jenis Rempah (Herbs) dan Bumbu Khas Makanan Barat". ResepKoki (ing basa Indonesia). Dibukak ing 2020-08-19.
  10. ↑ "Petroselinum crispum 'Aphrodite'". BBC Gardeners' World Magazine (ing basa Inggris). Dibukak ing 2020-08-19.
  11. ↑ "Manfaat Peterseli yang Baik untuk Kesehatan • Hello Sehat". Hello Sehat (ing basa Indonesia). 2020-04-01. Dibukak ing 2020-08-19.
  12. ↑ "Ternyata Ini Bedanya Daun Peterseli dengan Daun Ketumbar dan Seledri". SehatQ (ing basa Indonesia). Diarsip saka sing asli ing 2020-08-19. Dibukak ing 2020-08-19.
  13. ↑ JawaPos.com (2019-06-03). "6 Manfaat Minum Seduhan Daun Peterseli Untuk Kesehatan". JawaPos.com (ing basa Indonesia). Dibukak ing 2020-08-19.
  14. ↑ "7 Manfaat Kesehatan Daun Peterseli Jika Rajin Dikonsumsi, Salah Satunya Berat Badan Turun! - Semua Halaman - Nakita". nakita.grid.id (ing basa Indonesia). Dibukak ing 2020-08-19.
  15. ↑ Liputan6.com (2017-07-06). "9 Manfaat Peterseli yang Perlu Kamu Tahu". liputan6.com (ing basa Indonesia). Dibukak ing 2020-08-19.
  16. ↑ Nov 2018, ditulis olehdr Melyarna Putri07; Wib, 16:30. "Daun Parsley, si Penghias Makanan, Adakah Gizinya?". klikdokter.com. Dibukak ing 2020-08-19.{{cite web}}: CS1 maint: numeric names: authors list (link)
  17. ↑ "Parsley - Manfaat, Dosis, & Efek Samping". HonestDocs (ing basa Indonesia). Dibukak ing 2020-08-19.
Dijupuk saka "https://jv.wikipedia.org/w/index.php?title=Péterséli&oldid=1668648"