Perang Pasifik

Perang Pasifik
	Péranganing Perang Donya II
	; Pesawat Amérika Sarékat mabur ing sadhuwuring kapal perang Jepang, Mikuma, kang kobong.
Titimangsa	7 Juli 1937-9 September 1945
Pernah	Asia, Samodra Pasifik, kpuloan lan nagara-nagara sabengé.
Asil	Kamenangan Sakuthu
Péhak kang perang
Republik Cina Amérika Sarékat (1941) Karajan Manunggal (1941) Barkas:Flag of Ostrali.svg Ostrali (1941) Netherlands (1941) Selandia Baru (1941) Kanadha (1941) Uni Soviet (1945)	Kamaharajan Jepang
Pangarep
Chiang Kai-shek Franklin D. Roosevelt; Winston Churchill; Josef Stalin (1945)	Hideki Tojo Isoroku Yamamoto

Perang Pasifik, kang dikenal ing Jepang kanthi jeneng Perang Asia Timur Raya (大東亜戦争) lan ing Tiongkok minangka Perang Perlawanan Terhadap Agresi Jepang) (kang-Ri zhanzheng), kadadéan ing Samodra Pasifik, pulo-puloné, lan ing Asia. Konflik iki kadadéan antara taun 1937 lan 1945, nanging prastawa-prastawa kang luwih wigati kadadéan sawisé 7 Dhésèmber 1941, nalika Jepang nyerang Amérika Sarékat sarta wewengkon-wewengkon kang dikuwasani Britania Raya lan akèh nagara liyané.

Perang iki diwiwiti luwh dhisik saka Perang Donya II ya iku ing tanggal 8 Juli 1937 déning sawijining insiden kang karan Insiden Kreteg Marco Polo Prastawa mau ngobaraké paprangan antara Tiongkok karo Jepang.Konflik antara Jepang lan Tiongkok lan sawatara prastawa lan serangané kang wigati uga dadi péranganing perang mau. Perang iki kadadéan antara Jepang lan pihak Sakuthu (kalebu Tiongkok, Amérika Sarékat, Britania Raya, Filipina, Australia, Walanda lan Niu Selan). Uni Soviet kasil ngalahaké Jepang ing taun 1939, lan tetep nétral nganti 1945, nalika mainaké peranan wigati ing pihak Sakuthu ing mangsa-mangsa pungkasan perang.

Thailand, sawisé dijajah ing taun 1941, dipeksa gabung karo pihak Jepang. Jerman Nazi lan Italia uga sekuthu Jepang, lan angkatan laut-é ngayahi operasi ing Samodra Pasifik lan Hindia antara taun 1940 lan 1945.

Antara taun 1942 lan 1945, ana papat wewengkon otorita Sakuthu kang perang nglawan Jepang: Tiongkok, wewengkon Samodra Pasifik, Asia Kidul-wétan lan wewengkon Pasifik Kidul-kulon.

Perang Pasifik rampung ing tanggal 15 Agustus 1945 lan prejanjèn nyerahé Jepang ditanpakasmani déning wakil saka sekuthu ya iku Jendral Douglas McArthur lan Jepang diwakili déning Mamoru Shigemitsu ing sadhuwuring kapal USS Missouri

Akibat Perang Pasifik

Sawetara akibat saka Perang kang kadadéan antara taun 1937 nganti 1945 iki:

Kekalahan agawé Jepang kélangan wewengkon jajahan kaya déné Manchuria, Koréa, Asia Kidul-wétan lan laladan mandat ing kapuloan Pasifik kang diwènèhaké ing pungkasan Perang Donya I.
Sawetara nagara kang sadurungé dijajah déning nagara-nagara Éropa kasil mardika kaya Indonésia.
Kaisar Jepang kélangan status minangka déwa. Amérika Sarékat minangka pamenang perang ing Pasifik ora kepéngin ngadhili Hirohito, kaisar Jepang wektu semana. Amérika Sarékat mbutuhaké laladan penyangga (buffer) kanggo nahan arus prabawa kuminisme amarga Ruslan wis tekan kawasan wétan Asia.
Jepang ora diidinaké duwé angkatan perang, kajaba wadyabala béla dhiri.