Pulo Pamana

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Pulo Pamana inggih salah satunggaling pulo alit ing Indonèsia ingkang dumunung ing sisih kilèn radi kidul saking Pulo Rote.^[1] Ing cathetan administratipipun, Pulo Pamana kalebet wewengkon Kacamatan Rote Kidul-kulon, Kabupatèn Rote Ndao, Provinsi Nusa Tenggara Timur, Indonèsia. Pulo Pamana kalebet salah satunggaling pulo ingkang paling kidul ing wewengkon Indonèsia.^[2]

Pulo Pamana ugi misuwur kanthi sebatan Pulo Pamana Besar, utawi Pulo Pomaneh, Pulo Pomana-Besar, ugi Pomana.^[1] Pulo Pamana mapan wonten ing titik koordinat 8°22'0" N saha 122°18'0" E ing DMS (Degrees Minutes Second) utawi-8.39997 saha 122,3 (ing dderajat desimal). Titik UTM-ipun wonten ing VL27 saha titik referensi JOG (Joint Operation Graphics) nipun mapan wonten ing SC51-02. Pulo Pamana punika gadhah kaanan siti ingkang rata, langkung alit saking landas kontinen, saha dipunkiteri kaliyan toya ingkang inggil. Topografi ing pulo Pamana inggih gadhah siti kanthi wikid radi ngombak kanthi arah miringipun kirang langkung saking 3-16 %.

Pulo-pulo ingkang mapan ing sakiteripun

Pulo-pulo ingkang mapan ing sakiteripun Pulo Pamana inggih punika:

Oost Doffer kanthi jarak kirang langkung 5 km
Pulo Pamana ketjil, tebihipun kirang langkung 5 km saking Pulo Pamana
Pulo Pomana kecil, tebihipun saking Pulo Pamana inggih kirang langkung 5 km
Pulo Pomana ketjil, jarakipun saking Pulo Pamana ugi 5 km
Pulo Pulubesar, kanthi jarak kirang langkung 11 km saking Pulo Pamana

Iklim

Iklim ingkang dipunraosaken déning masarakat Pulo Pamana inggih punika iklim kering ingkang kénging pangaribawa angin mangsa. Dangunipun mangsa kemaro ing Pulo Pamana ugi dangu kadosiklim saha mangsa-mangsa ingkang dipunraosaken ing pulo-pulo sanès ing sakiteripun Pulo Pamana inggih punika kirang langkung 7 sasi saking sasi Mèi dumugi sasi Novèmber. Déné mangsa udan namung sekdhep, langkung cekak tinimbang mangsa kemaronipun, inggih punika namung saged 5 sasi dangunipun, ingkang kadadosan saking sasi Dhésèmber ngantos sasi April. Déné suhu udara rata-rata ingkang kadadosan inggih 27,6 drajat Celcius, kanthi suhu maksimum rata-rata 29 drajat Celcius, saha suhu minimum rata-rata 26,1 drajat celcius.

Cathetan suku

↑ ^a ^b [1] Archived 2012-10-24 at the Wayback Machine. (dipunundhuh tanggal 24 Oktober 2012)
↑ [2] (dipunundhuh tanggal 24 Oktober 2012)

[internet_1-1] [1] Archived 2012-10-24 at the Wayback Machine. (dipunundhuh tanggal 24 Oktober 2012)

[internet_2-2] [2] (dipunundhuh tanggal 24 Oktober 2012)

[1]

[2]