Puter

Puter
Setatus konservasi
	Cumbon
Klasifikasi ngèlmiah (disputed)
Karajan:	Animalia
Filum:	Chordata
Klas:	Aves
Ordho:	Columbiformes
Famili:	Columbidae
Génus:	Streptopelia
Spésies:	S. risoria
Jeneng binomial
	Streptopelia risoria; (Linnaeus, 1758)

Manuk Puter utawa The Ringneck Dove (manuk dara kalungan), Ring Dove (manuk dara ali-ali), lan Barbary Dove, Streptopelia risoria, ya iku manuk omahan saka kulawarga manuk dara (Columbidae). Manuk puter wis dadi ingon ingoné manungsa watara 2000-3000 taun amarga lulut (ora giras), gampang rumatané, lan uripé dawa (nganti 12 taun).

Pérangané

Manuk Puter duwèni ukuran kira-kira sak kepelan tangan, dawané udakara 30 cm (endhas tekan buntut), wuluné soklat enom ing kiwa-tengen endhas lan telih, lan malih dadi klawu ing arah buntut lan uga kang paling kas duwé kalung warna ireng ing gulu.

Papan uripé

Ing alam, puter lumrahé tinemu ing sawah lan tegalan kaya déné deruk.

Pakané

Kayadéné lumrahé manuk dara, manuk iki pakané kaya déné jagung, pari, otek/jewawut, canthel lan kacang-kacangan.

Pigunané

Amarga sipaté kang luliut lan ora giras sarta gampang diingu, manuk puter digunakaké peternak kutut kanggo ngengkremi lan momong piyik kutut.

Piyik kang umur 2 dina
Puter putih
A pair of Ringneck Doves