Ralph Linton
Ralph Linton iku antropolog saka Amérikah Sarékat. Dhèwéké miwiti pawiyatan tataran sarjana ing bidang préhistori arkéologi. Ing Pennsylvania, Linton dilairké ing kulawarga Quaker kang manggon ing Philadélphia. Linton sekolah ing Quaker lan nerusaké ing kampus Swartmore.[1] Salah sijiné S. Troter nggawa Linton ing ékskavasi arkéologi ing New Mexico lan Colorado (1912-1916), Guatemala (1912-1913) lan New Jersey (1915). Linton éntuk gelar BA ing arkéologi ing taun 1916. Dhèwéké dadi murid Franz Boas.[2] Kerja lapangané ing kepuloan Marquesas bagian wétan saka Kapuloan Polinésia antara taun 1920-1922. Panalitèné iku ngasilaké puluhan karya tulis, salah sijiné kanthi sesirah The Tanala, A Hill Tribe of Madagascar taun 1933. Sabanjuré, Linton nyambut gawé minangka asistén kurator ing The Field Museum of Natural History ing Chicago.[1] Ora namung ngintegrasi ngèlmu-ngèlmu ing antropologi, Linton uga nglakoni integrasi ngèlmu-ngèlmu liyané ing antropologi lan inisiatif nulis bareng karo ahli-ahli biologi, psikologi, psikoanalisa, géografi, sosiologi, démografi, ékonomi, lan ngèlmu pulitik.[2]
| Ralph Linton | |
|---|---|
| Lair | 27 Fèbruari 1893 Philadelphia, Pennsylvania |
| Pati | Dhésèmber 24, 1953 (umur 60) New Haven, Connecticut |
| Warga nagara | Amérikah Sarékat |
| Alma mater | University of Pennsylvania, Universitas Kolumbia |
| Kondhang ing | The Study of Man (1936) The Tree of Culture (1955) |
| Bebungah | Viking Fund Medal (1951) |
| Karièr ngèlmiah | |
| Babagan | Antropologi budaya |
| Institutions | Field Museum, University of Wisconsin–Madison, Yale University |