Ratu tikus iku sawijining istilah kanggo sawenèh tikus kang buntute pepuletan lan kecenceng bareng amarga sawenèh alesan kang ayakè bisa njalari bebundhet kuwi, kaya déné anané rambut utawa jat kang pliket. cacahé tikus kang bisa kecenceng bareng kuwi manéka warna, bisa sithik, uga bisa nganti paling akèh 30. Miturut sujarahé, fenoména iki asring digayutaké marang Jerman, papan asalé lapuran-lapuran kang ana ngenani bab kuwi. Kaanèhan kaya ratu tikus iki arang-arang dumadi saéngga kala-kala akèh kang nganggep yèn iki amung bab kriptid, nanging ana sawenèh kadadéan modhèren kang bisa dibuktèkaké kanthi tenanan. Fénomena kang padha uga bisa dumadi marang rodhèn cilik liyané kaya tikus alas lan bajing.

Ratu tikus ing musiyum ilmiah Mauritianum Altenburg, Jerman

Ing folklor, ratu tikus iki digayutaké marang sawenèh manéka warna piandel and asring dianggep jlajat, mligi digayutaké marang pageblug.

Asal mula jenengé besut

 
"Roi des rats" tinemu ing taun 1986 ing Vendée

Istilah asli basa Jerman, Rattenkönig, iku dadi tembung silihan kang ing basa Inggris dadi ratu tikus, lan ing basa Prancis dadi roi des rats. Istilah mau, asliné ora minangka ngrujuk marang tikus, nanging marang wong-wong kang uripé amung nunut wong liya. Konrad Gesner ing Historia animalium (1551–58) mratèlaké: "Ana panemu yèn saya tuwa tikus sangsaya gedhé tur kuwat dalah dipakani déning enomané; tikus iku kang ingaran ratu tikus." Martin Luther mratèlaké: "wusana, iya ta Paus, ratuning para tikus kang mapan paling luhur." Sabanjuré, istilah iku ngrujuk marang sawijining ratu kang lungguh ana ing singasana brendhèlan buntut  .[1]

Ancangan liya mratèlaké yèn jeneng kuwi ing basa Prancis satemené rouet de rats (utawa rodha tikus kang muter, brendhèlan buntuté dadi rujiné rodha kuwi),lan istilah kuwi suwi-suwih ngalih dadi roi de rats.[1]

Sajarah besut

 
Ratu Tikus

Lapuran kang paling kawitan ngenani ratu tikus iku saka taun 1564.[1] Fenoména iki tansaya suda nalika tikus soklat (Rattus norvegicus) saya suwi saya akèh ngluwihi tikus ireng (R. rattus) kang musna ing abad angka 18.[citation needed] Akèh-akèhé prastawa kang wis kadadéan iki dumadi marang tikus ireng.

Siji-sijiné tetemon kang nyembèt tikus sawah (R. rattus brevicaudatus) dumadi ing wulan March tanggal 23, taun 1918, ing BogorJawa, nalika sawijining ratu dumadi sepuluh tikus enom tinemu.[citation needed] Kaanèhan kang amèh padha uga dilapuraké dumadi marang jinis liya: ing April 1929, sawenèh tikus alas enom (Apodemus sylvaticus) dilapuraké ing Holstein, Jerman; lan ing wulan Juni 2013 sawijining "ratu bajing" dumadi enem bajing kang isih urip kecenceng bareng amarga ana pulut saka wit pinus tinemu ing Regina, Saskatchewan, lan kéwan-kéwan mau dipisahaké ditulungi karo sawijining dhokter kéwan.[2]

Sawenèh jinis ratu tikus kang uwis diakoni sumimpen ana ing musiyum. Musiyum Mauritianum ing Altenburg (Thuringia) minangka nduwé "ratu tikus" paling kondhang kang uwis dimumifikasi, kang tinemu ing taun 1828 ing prapèné sawijining tukang giling ing Buchheim. Ratu tikus iku dumadi tikus cacah akèh, ana 32. Ratu tikus kang diawètaké nganggo alkohol, dipamèraké ing musiyum ing Hamburg, Göttingen, Hamelin, lan Stuttgart. Musiyum Zooloogia Tartu Ülikooli (Musiyum Zoology ing Tartu, Éstonia) uga nduwé sawijining jinis. Ing taun 1930 ing Niu Selan, tinemu ratu tikus kang dipamèraké ana ing musiyum Otago Museum ing Dunedin, dumadi sawenèh tikus ireng enom kang buntuté kecenceng rambut jaran.[3]

Sawijining ratu tikus kang tinemu déning sawijining wong tani, P. van Nijnatten, taun 1963 ing Rucphen, Walanda, kaya kang dibabar déning ahli kriptozoologi, M. Schneider, dumadi pitung tikus. Gambar-gambar X-ray nuduhaké sawenèh kapal kang ana ing frakturé buntut saka tikus-tikus mau, mratandhani yèn kéwan-kéwan iki bisa meger cukup suwi kanthi buntuté kecenceng.[4]

Weweruhan iki dadi saya arang akir-akir iki. Ing taun 2005 ana weweruhan kang dilapuraké saka wong tani Éstonia ing wewengkon Võrumaa.[5]

Miturut kang uwis tau diudharaké, ana sawenèh tetemon ratu tikus; gumantung miturut sumberé, cacahé kang dilapuraké ana udakara 35 lan 50 tetemon.[citation needed]

Rujukan besut

  1. a b c Hart, Martin (1982).
  2. McDonald, Alyssa (2013-06-11).
  3. "Rat King" Archived 2006-10-04 at the Wayback Machine..
  4. "Rat king Rucphen".
  5. Miljutin A (2007).