Rosiana Silalahi
Rosiana Silalahi duwé jeneng dawa Rosiana Magdalena Silalahi (lair ing Pangkal Pinang, Bangka Belitung, 26 Sèptèmber 1972; umur 51 taun).[1] Rosiana ya iku présènter pawarta lan Pamimpin Rédaksi Liputan 6 SCTV.[1]
Babad slira besut
Rosiana dadi anak wuragil saka sadulur kang cacahé lima.[1] Rosiana iku anak saka pasangan L.M. Silalahi (alm) lan Ida Hutapea.[1] Rosiana seneng ing donyaning jurnalistik wiwit dhèwèké isih SMA.[1] Wektu sekolah ing SMA Ursula, Rosi seneng mèlu kagiyatan èkstrakurikulèr majalah dinding lan aktif ing kalawarti sekolah, Serviant.[1]
Sawisé SMA, Rosi mèlu selèksi panampaan mahasiswa anyar pawiyatan luhur negri.[1] Nanging Rosi ora ketampa ing Jurusan Komunikasi FISIP Univèrsitas Indonésia (UI), Rosi mung ditampa ing pilihan kang nomer loro ya iku Jurusan Sastra Jepang Fakultas Sastra UI.[1] Sanajan mangkono, Rossi isih tetep kepéngin dadi wartawan.[1]
Karir Rosi wiwit sangsaya misuwur sawisé Ira Koesno lan Arief Suditomo metu saka SCTV.[1] Rosi dadi salah sijiné saka enem jurnalis TV ing Asia kang éntuk kasempatan kanggo mimpin wawancara kanthi èkslusif Présidhèn AS George Bush ing Gedung Putih, Washington DC, Amérikah Sarékat nalika taun 2003.[1] Jeneng Rosi sangsaya misuwur sawisé éntuk gelar Pembawa Acara Talk Show Paling Favorit lan Pembawa Acara Pawarta/Current Affair Paling Favorit vèrsi Panasonic Award taun 2004.[1] Setaun sawisé iku, Rosi uga éntuk gelar paling favorit kanggo kategori Présènter Pawarta (Curent Affairs) ing ajang Panasonic Award 2005 kang dianakaké nalika sasi Dhésèmber 2005.[1] Sadurungé iku, sasi November 2005, Rosi éntuk kalungguhan dadi pemimpin rédhaksi Liputan 6.[2] Nalika Pemilu 2004, Rosi uga nggawé program ‘Kotak Suara' kang mbahas ngenani money politics saéngga dhèwèké menangaké bebungah ‘Indonésia Journalist Board' ing taun 2004.[3] Nalika taun 2007, Rosi éntuk gelar Pembawa Acara Pawarta/Current Affair Paling Favorit ing ajang Panasonic Award 2007.[4]
Cathetan sikil besut
- ↑ a b c d e f g h i j k l m Profil Archived 2008-01-16 at the Wayback Machine. di KapanLagi.com](diundhuh tanggal 14 Juli 2011)
- ↑ Menang, Rosianna M. Silalahi Mundur ke Belakang Layar(diundhuh tanggal 14 Juli 2011)
- ↑ Rosiana Silalahi Boyong Dua Penghargaan Archived 2008-01-28 at the Wayback Machine.(diundhuh tanggal 14 Juli 2011)
- ↑ >Panasonic Award 2007 Sisakan Wajah Lama(diundhuh tanggal 14 Juli 2011)
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |