Sébastien Bourdais

Sébastien Bourdais
Sébastien Bourdais
	Bourdais taun 2007
Lair	28 Fèbruari 1979 (umur 45); Le Mans, Prancis
Sejarah karier dalam ajang Formula Satu
Kewarganegaraan	Prancis
Taun aktif	Cithakan:F1–Cithakan:F1
Tim	Scuderia Toro Rosso
Jumlah lomba	27
Juara dunya	0
Menang	0
Podium	0
Total poin	6
Posisi pole	0
Lap tercepat	0
Balapan Kapisanan	Grand Prix Ostrali 2008
Balapan Pungkasan	Grand Prix Jerman 2009
Klasemen 2009	P19 (2 pts)

Sébastien Olivier Bourdais^[1] (lair ing Le Mans, Prancis, 28 Fèbruari 1979; umur 45 taun) inggih punika satunggaling mantan pembalap Formula 1 asal Perancis. piyambakipun naté kagabung kaliyan tim Scuderia Toro Rosso saking Australia 2008 dumugi Jerman 2009. Bourdais piyambak minangka pembalap paling suksès wonten ing sajarah ing ajang Champ Car, kanthi cathetan prèstasi menangaken sekawan gelar juara donya Champ Car saking taun 2004 dumugi taun 2007, lan ugi dados juara pungkasan ajang Champ Car sadèrèng ajang balapan mau manunggal kaliyan IndyCar Series ing taun 2008.

Sapunika Bourdais balapan wonten ing Seri Le Mans sesarengan tim Peugeot Sport. Piyambakipun wangsul ugi dhateng ajang IndyCar kanthi dados pembalap paruh wekdal kanggé tim Lotus-Dragon Racing kanthi spesialisasi kanggé mandhap ing trèk-trèk kanthi karakter sirkuit jalanan (non-oval).^[2]

Pagesangan pribadi

Sebastien Bourdais miyos saking kulawarga pembalap. Bapakipun, Patrick Bourdais, minangka satunggaling pembalap turing, rèli pagunungan, lan sports car nalika timuripun, lajeng remen kebut - kebutan ingkang rama mau nurun dhateng Bourdais dumugi pungkasanipun ingkang rama mangéstoni putranipun saperlu mandhap ing ajang balapan.

Bourdais palakrama kaliyan pacaripun, Claire wonten ing wulan Mèi 2006. Adicara palakrama dipunadani wonten ing Gréja Katedral ing kutha Le Mans. Wonten ing resèpsi, rawuh kanca - kanca Bourdais anatwisipun bosipun wonten ing ajang Champ Car, Paul Newman, ugi rawuh ketua DPRD Le Mans lan walikota Le Mans. Wonten ing pista resèpsinipun, Bourdais ngawontenaken pista koktail. Pasangan Bourdais lan Claire kaparingan 2 putra inggih punika Emma ingkang miyos ing Dhésèmber 2006 lan Alexander ingkang miyos ing taun 2009.

Sapunika manajer Sebastien Bourdais inggih punika Nicolas Todt ingkang minangka putra saking Jean Todt, Présidhèn FIA sapunika.

Balapan Junior

Karting

Bourdais miwiti petualangan balapanipun wonten ing yuswa 10 taun wonten ing ajang gokart. Wonten ing éra 1990-an, piyambakipun sampun pengalaman nglamapahi kompetisi wonten ing manéka kejuaraan gokart, kanthi préstasi menangaken Maine Bretagne League taun 1991 lan Kejuaraan Kadet Prancis taun 1993. Bourdais ugi dados péranganing tim Sologne Karting ingkang menangaken ajang Le Mans 24 hours karting championship wonten ing sirkuit Alain Prost kanthi migunakaken sasis Merlin lan kanthi tenaga mesin Atomic.

Formula junior

Bourdais lajengg nglajengaken lelampahanipun dhateng ajang single seater taun 1995 kanthi finish ing P9 wonten ing ajang Formula Campus. Lajeng piyambakipun pindhah dhateng ajang Formula Renault Prancis sadanguning 2 taun kanthi kasil dados runner up wonten ing taun 1997 sasampuning menangaken 4 pérangan balapan lan gangsal pole. Wonten ing taun 1998 piyambakipun menangaken 5 balapan lan dados Rookie of the Year ing Formula 3 Perancis. Piyambakipun lajeng dados juwara nasional Perancis wonten ing taun 1999 kanthi menangaken 8 pérangan lan 3 pole position.

Formula 3000

Sasampuning sukses wonten ing Formula Junior, Bourdais kagabung dhateng tim Prost Junior ing ajang Formula 3000 Internasional (sapunika dados Seri GP2). Piyambakipun finish wonten ing posisi 9 klasemen umum kanthi raihan 1 pole lan 1 podium. Mangsa 2001 Bourdais pindhah dhateng tim DAMS lan menangaken balapan pisananipun ing F3000 wonten ing Silverstone, Northamptonshire. Piyambakipun lajeng pindhah tim malih taun 2002, sakmennika kaliyan Super Nova Racing, lan saged pikantuk 3 kemenangan lan 7 pole position. Piyambakipun lajeng ngawonaken Giorgio Pantano kanthi selisih 2 poin sasampuning Tomas Enge, ingkang sajatosipun dados juara umum, dipunnyatakaken kénging diskualifikasi sasampuning gagal wonten ing tés doping.^[3]

Champ Car World Series

Sebastien Bourdais ing Long Beach 2005.

Sasampun boten wonten tim F1 ingkang minat dhateng Bourdais, piyambakipun lajeng milih mendhet dalan radikal: pindhah dhateng ajang Champ Car (CART) ing Amérikah Sarékat (AS). Kanthi bab punika, ateges Bourdais sami kaliyan mantan juara-juara F3000 kados Juan Pablo Montoya lan Bruno Junqueira ingkang ugi mandhap ing ajang CART. Wonten ing CART piyambakipun kagabung kaliyan tim Newman-Haas Racing kanggé mangsa 2003. Wonten ing St. Petersburg, Florida, Bourdais dados rookie CART pisanan wiwit Nigel Mansell ingkang saged ngrebut pole position wonten ing balapan debutipun. Nanging, piyambakipun gagal dadosaken posisi pole-nipun dados sawijining kamenangan amargi gagal finish.^[4] Mlebet balapan kaping 4 ingkang dipunadani wonte ing Inggris (Brands Hatch), Sebastien Bourdais saged pikantuk kemenangan pisananipun sasampuning mimpin sadanguning 95 lap.^[5] Kemenangan ingkang sanès kadadosan wonten ing EuroSpeedway Lausitzring.^[6] Lan wonten ing pungkasaning mangsa, Bourdais saged dumunung ing P4 klasemen pungkasan, kanthi 5 finish podium, kalebet kemenangan dominan ing Cleveland lan runner up ing Mexico City. Piyambakipun ugi pikantuk gelar Rookie of the Year wonten ing mangsa debutipun mau.

Formula 1

Arrows lan Renault

Taun 2002 Bourdais pikantuk kesempatan tés mobil F1 kaliyan tim Arrows, lajeng napakasmani kontrak kanthi wekdal tigang taun kaliyan tim mau.^[7] Nanging nalika wulan Agustus, tim Arrows bangkrut. Lajeng wulan Dhésèmber wonten ing taun ingkang sami, piyambakipun nindakaken tés kaliyan Renault ing Jerez, nanging kawon kaliyan kanca sanagaranipun, Franck Montagny ingkang lajeng kasil kapilih minangka test driver resmi Renault.^[3] Rumor nyebutaken, kasingkiripun Bourdais déning Montagny minangka akibat Bourdais boten purun napakasmani kontrak manajemén kaliyan Flavio Briatore.

Statistik

Mangsa dhateng mangsa

Mangsa	Sèri	Tim	Lomba	Pole	Menang	Poin	Klasemèn
1995	French Formula Renault Campus	?	?	0	0	?	ke-9
1996	Formula Renault Perancis	?	?	0	0	?	ke-7
1997	Formula Renault Perancis	La Filière	18	5	4	172	ke-2
1998	Formula Tiga Perancis	La Filière	22	0	0	98	ke-6
	Formula Tiga Inggris	La Filière	1	0	0	0	NC
	Grand Prix Makau	Equipe de France	1	0	0	N/A	NC
	Masters of Formula Three	?	1	0	0	N/A	ke-20
1999	Formula Tiga Perancis	La Filière	20	3	8	229	Juara
	Le Mans 24 Jam kelas GTS	Larbre Compétition	1	0	0	N/A	NC
	Grand Prix Makau	Equipe de France	1	0	0	N/A	NC
	Masters of Formula Three	?	1	0	0	N/A	ke-10
2000	Formula 3000	Gauloises Formula	10	1	0	9	ke-9
	Le Mans 24 Jam kelas LMP 900	Pescarolo Sport	1	0	0	N/A	ke-4
	Seri Le Mans Amérika kelas LMP	Pescarolo Sport	1	0	0	13	ke-53
2001	Formula 3000	DAMS	12	1	1	26	ke-4
	Le Mans 24 Jam kelas LMP 900	Pescarolo Sport	1	0	0	N/A	ke-4
	Seri Le Mans Amérika kelas LMP 900	Pescarolo Sport	1	0	0	18	31st
	FIA Sportscar Championship SR1 class	Pescarolo Sport	2	0	0	0	NC
2002	Formula 3000	Super Nova Racing	12	6	3	56	Juara
	Le Mans 24 Jam kelas LMP 900	Pescarolo Sport	1	0	0	N/A	ke-10
	FIA Sportscar Championship kelas SR1	Pescarolo Sport	3	1	2	55	ke-4
2003	CART Champ Car World Series	Newman/Haas Racing	18	5	3	159	ke-4
2004	Champ Car World Series	Newman/Haas Racing	14	8	7	369	Juara
2004	Le Mans 24 Jam kelas LMP 1	Pescarolo Sport	1	0	0	N/A	NC
2005	Champ Car World Series	Newman/Haas Racing	13	6	6	348	Juara
	International Race of Champions	N/A	4	2	1	46	ke-5
	IndyCar Series	Newman/Haas Racing	1	0	0	18	ke-28
	Seri Le Mans Amérika kelas GT1	Larbre Compétition	1	0	0	0	NC
	Rolex Sports Car Series (24 Hours of Daytona) kelas DP	Newman Racing	1	0	0	6	ke-89
2006	Champ Car World Series	Newman/Haas Racing	14	6	7	387	Juara
	Seri Le Mans Amérika kelas GT2	Multimatic Motorsports Team Panoz	2	0	1	45	ke-18
	Rolex Sports Car Series (24 Hours of Daytona) DP class	Doran Racing	1	0	0	3	ke-108
2007	Champ Car World Series	Newman/Haas/Lanigan Racing	14	6	8	364	Juara
2007	Le Mans 24 Jam kelas LMP1	Team Peugeot Total	1	1	0	N/A	ke-2
2008	Formula Satu	Scuderia Toro Rosso	18	0	0	4	ke-17
2009	Formula Satu	Scuderia Toro Rosso	9	0	0	2	ke-19
	Le Mans 24 Jam kelas LMP1	Team Peugeot Total	1	0	0	N/A	ke-2
	Seri Le Mans Amérika kelas LMP1	Team Peugeot Total	1	0	0	26	ke-23
	Superleague Formula	Sevilla FC	8	1	2	253¹	ke-9¹
2010	Superleague Formula	Olympique Lyonnais	10	0	1	235²	ke-18²
	Le Mans 24 Jam kelas LMP1	Team Peugeot Total	1	1	0	N/A	NC
	Seri Le Mans kelas LMP1	Team Peugeot Total	1	1	1	18	ke-21
	Seri Le Mans Amérika kelas LMP1	Team Peugeot Total	1	0	0	N/A	NC
	V8 Supercar Championship Series	Tekno Autosports	2	0	0	N/A	NC
2011	IndyCar Series	Dale Coyne Racing	3	0	0	44	ke-27
	Le Mans 24 Jam kelas LMP1	Team Peugeot Total	1	0	0	N/A	ke-2
	Seri Le Mans LMP1	Peugeot Sport Total	1	0	0	N/A	NC

¹ Kalebet poin ingkang dipuncathetaken pembalap Sevilla FC ingkang sanès.
² Kalebet poin ingkang dipuncathetaken pembalap Lyon ingkang sanès.

Le Mans: Mangsa ke mangsa

Taun	Kelas	Ban	Tim	Mobil	Kanca setim	Kanca setim	Posisi	Posisi kelas
1999	GTS	Cithakan:Michelin	Larbre Compétition	Porsche 911 GT2	Jean-Pierre Jarier	Pierre de Thoisy	Ret	Ret
2000	LMP 900	Cithakan:Michelin	Pescarolo Sport	Courage C52	Olivier Grouillard	Emmanuel Clérico	4	4
2001	LMP 900	Cithakan:Michelin	Pescarolo Sport	Courage C60	Jean-Christophe Boullion	Laurent Rédon	13	4
2002	LMP 900	Cithakan:Michelin	Pescarolo Sport	Courage C60	Jean-Christophe Boullion	Franck Lagorce	10	9
2004	LMP1	Cithakan:Michelin	Pescarolo Sport	Courage C60	Emmanuel Collard	Nicolas Minassian	Ret	Ret
2007	LMP1	Cithakan:Michelin	Team Peugeot Total	Peugeot 908 HDi FAP	Stéphane Sarrazin	Pedro Lamy	2	2
2009	LMP1	Cithakan:Michelin	Team Peugeot Total	Peugeot 908 HDi FAP	Stéphane Sarrazin	Franck Montagny	2	2
2010	LMP1	Cithakan:Michelin	Team Peugeot Total	Peugeot 908 HDi FAP	Simon Pagenaud	Pedro Lamy	Ret	Ret
2011	LMP1	Cithakan:Michelin	Team Peugeot Total	Peugeot 908	Simon Pagenaud	Pedro Lamy	2	2

Cathetan suku

↑ "Sebastien Bourdais". news.bbc.co.uk. 2009-03-02. Dibukak ing 2013-03-18.
↑ "Legge, Bourdais join Lotus Dragon". 16 January 2012.
↑ ^a ^b "Who's Who: Sebastien Bourdais". F1Fanatic.co.uk. 2007. Dibukak ing 2013-03-19.
↑ "Full Weekend Times & Results". Diarsip saka sing asli ing 2008-11-20. Dibukak ing 2013-03-18.
↑ Full Weekend Times & Results
↑ "Full Weekend Times & Results". Diarsip saka sing asli ing 2008-11-20. Dibukak ing 2013-03-18.
↑ "The Official Formula 1 Website". Diarsip saka sing asli ing 2007-12-19. Dibukak ing 2013-03-19.

Pranala njaba

(ing basa Prancis) Situs resmi
(ing basa Prancis) Le Site des Fans de Sébastien Bourdais Archived 2009-04-21 at the Wayback Machine.
Statistik karier

[1] "Sebastien Bourdais". news.bbc.co.uk. 2009-03-02. Dibukak ing 2013-03-18.

[2] "Legge, Bourdais join Lotus Dragon". 16 January 2012.

[bourdaisf1fbio-3] "Who's Who: Sebastien Bourdais". F1Fanatic.co.uk. 2007. Dibukak ing 2013-03-19.

[4] "Full Weekend Times & Results". Diarsip saka sing asli ing 2008-11-20. Dibukak ing 2013-03-18.

[5] Full Weekend Times & Results

[6] "Full Weekend Times & Results". Diarsip saka sing asli ing 2008-11-20. Dibukak ing 2013-03-18.

[7] "The Official Formula 1 Website". Diarsip saka sing asli ing 2007-12-19. Dibukak ing 2013-03-19.

[1]

[2]

[3]

[4]

[5]

[6]

[7]

Sébastien Bourdais
Bourdais taun 2007
Lair	(1979-02-28) 28 Fèbruari 1979 (umur 45) Le Mans, Prancis
Sejarah karier dalam ajang Formula Satu
Kewarganegaraan	Prancis
Taun aktif	Cithakan:F1–Cithakan:F1
Tim	Scuderia Toro Rosso
Jumlah lomba	27
Juara dunya	0
Menang	0
Podium	0
Total poin	6
Posisi pole	0
Lap tercepat	0
Balapan Kapisanan	Grand Prix Ostrali 2008
Balapan Pungkasan	Grand Prix Jerman 2009
Klasemen 2009	P19 (2 pts)