Shakira
| Shakira | |
|---|---|
 | |
| Pratélan latar wuri | |
| Jeneng lair | Shakira Isabel Mebarak Ripoll |
| Génre | Latin pop, Rock en español, pop rock, alternative, world, dance, urban |
| Pakaryan | Penyanyi-penulis lagu, musisi, prodhuser rekaman, philanthropist, penari, aktris |
| Piranti | Vokal, gitar, harmonika,[1] drum, perkusi |
| Mangsa akarya | 1990–saiki |
| Labèl | Sony Music Colombia (1990—1996) Columbia (1996—2000) Epic (2000—saiki) Live Nation Artists (2008—saiki) |
| Sana jaringan | www.shakira.com |
Shakira Isabel Mebarak Ripoll (lair ing Kolombia, 2 Fèbruari 1977; umur 47 taun) kondhang karo jeneng Shakira (ʃəkɪərə /, Spanyol: [tʃakiɾa] atawa [ʃakiɾa]), ya iku penyanyi saka Kolombia, penulis lagu, musisi, prodhuser rekaman, penari, dhèwèké lair lan gedhé ning Barranquilla, Kolombia, Wanita kang kondhang dadi musisi, bintang filem lan penari iki populer liwat album Laundry Service, karo hit kang kondhang ning tlatah nagara liyané Whenever, Wherever lan single Underneath Your Clothes (2001), Debut albumé, Magia (Magic) nalika taun 1991 dirilis nalika umuré nembé 15 taun.[2] Meski album mau ora olih atur sapala saka para panggemaré, Shakira tetep ngelajutaké profesiné dadi penyanyi, lan ngrilis album manèh ya iku Peligro (Danger) nalika taun 1993, lan akiré olih atur sapala kang lumayan apik sapa panggermaré.[2] Nanging nalika iku dhèwèké kudu ngerampungaké sekolahé lan istirahat saka donya hiburan.[2]
Shakira bali manèh ning dunya musik karo rilisé ya iku album kang judhulé Pies Descalzos (Bare Feet), album iku dirilis nalika taun 1996.[2] Nyusul sawisé iku Dónde están los ladrones? (ririlis nalika taun 1998), MTV Unplugged (dirilis nalika taun 2000), Laundry Service utawa Servicio de Lavanderia (dirilis nalika taun 2001), Live & Off the Record- En Vivo Y En Privado (dirilis nalika taun 2004) Fijación Oral Vol. 1 (dirilis nalika taun 2005), Oral Fixation Vol. 2 (dirilis nalika taun 2005) lan albumé kang paling anyar ya iku Oral Fixation Tour: Live from Miami (dirilis nalika taun 2007).[2]
Shakira tau uga main akting ning Telenovela Kolombia, kaya ta telenovela kang judhulé EL OASIS (diputer nalika taun 1996) lan meranaké karakter Luisa Maria.[2] Ora namung iku, dhèwèké uga tau mbintangi filem DARE TO LOVE ME, ya iku filem babagan musisi Carlos Gardel, kang dirilis nalika taun 2007.[2] Babagan kauripan pribadiné, dhèwèké tau njalin gayutan karo Antonio de la Rúa, anak saka Présidhèn Argentina, Fernando de la Rúa.[2] Kisahé Shakira karo Antonio tau dadi headline surat khabar ning Amérika Latin nalika sasi Maret taun 2001, amarga resmi dadi.[2] Taun 2011, ora namung ahli ning babagan nyipta tembang, dhèwèké wiwit nyoba bisnis parfum.[2] Parfumé kang pisanan dijenengi S by Shakira Eau Florale.[3]
Diskografi
besut- 1991: Magia
- 1993: Peligro
- 1996: Pies Descalzos
- 1997: The Remixes
- 1998: ¿Dónde Están Los Ladrones?
- 2000: MTV Unplugged
- 2001: Laundry Service
- 2001: Servicio de Lavanderia
- 2002: Laundry Service: Washed & Dried
- 2002: Grandes Éxitos
- 2004: Live & Off the Record
- 2005: Fijación Oral Vol. 1
- 2005: Oral Fixation Vol. 2
- 2009: She Wolf/Loba
- 2010: Sale El Sol
Cathetan suku
besut- ↑ Baltin, Steve "Shakira Trots Out 'Mongoose'". Rolling Stone. November 11, 2002. Retrieved January 6, 2007.
- ↑ a b c d e f g h i j biografi Shakira dipununduh tanggal 26 Juli 2011
- ↑ berita shakira dipununduh tanggal 26 Juli 2011