Siren

Wonten ing mitologi Yunani, Siren utawi ‘’’Seirenes’’’ (Basa Yunani : Σειρῆνας) punika makluk legendaris, kalebet kaum Naiad (salah satunggaling kaum nimfa ingkang gesang wonten ing toya) ingkang gesang wonten ing sagara ^[1]. Mapan wonten ing pulo ingkang anama Sirenum Scopuli, utawi miturut tradisi ingkang bènten wonten ing tanjung Pelorum, pulo Anthemusa, pulo Sirenusian celak kaliyan Paistum, utawi ing Capreae. Sedaya punika papan ingkang kaubengi kaliyan watu karang lan tebing. Siren nembangaken tetembangan ingkang memikat hati saéngga damel para pelayar ingkang mireng terbuai lan nabrak karang dumugi ambles.

Siren punika para putri Akhelous ^[2](kaliyan Terpsikhore, Melpomene, utawi Sterope) utawi Porkhis. Miturut sumber, kados Homeros, cacahipun sadaya kirang langkung antawisipun kalih dumugi gangsal. Wonten ugi ingkang nyebataken bilih cacahipun punika sanga. Nama-nama individual punika kados ta :

Aglaofonos utawi Aglaope
Leukosia
Ligeia
Molpe
Parthenope
Pisinoe utawi Peisinoë
Raidne
Teles
Thelksiepiea utawi Thelksiope utawi Thelksinoe

Miturut manéka vèrsi, Siren punika kanca dolananipun Persefone nalika taksih alit.

Medalipun

Syrenka ing Warsawa

Ing Yunani wiwitanipun Siren dipunlukisaken minangka peksi kanthi kepala ageng lan suku ingkang wonten sisikipun. Kadang kala dados bayangan memedi singa. Lajeng Siren kagambaraken minangka wanita kanthi sukunipun peksi, nembé ngginakaken piranti musik, mliginipun Harpa. “Suda”, Ensiklopedia abad ke-10, ngandharaken bilih wujud Siren saking dhadha manginggil kados Manuk Gréja. Déné pérangan ngandhap punika wanita utawi kadang kala dipungambaraken minangka peksi alit kanthi praupan wanita. Kapilihing wujud peksi amargi kaluwihanipun peksi inggih punika swantunipun ingkang merdu. Lajeng na,ika masa salajengipun Siren kadang kala kagambaraken minangka wanita ayu, ugi putri duyung. Wonten ing manéka basa (kadosSpanyol, Perancis, Italia, Polen, utawi Portugis) tembung ingkang kaginakaken kanggé merujuk ing puteri duyung inggih punika “Siren”, “Sirena”, “Syrena”, utawi “Sereia”.

Pepanggihan kaliyan Siren

Odisseus lan para Siren

Kisah pepanggihan kaliyan para Siren kacariyosaken ing kisah Odisseia. Kala punika nalika Odisseus kedah ngliwati pasisir ingkang kathah karangipun lan dinggèni déning para Siren. Lajeng paring dhawuh marang sadaya awak kapan supados nutup talinganipun ngginakaken lilin supados boten mireng swantunipun Siren. Piyambakipun boten nutup talinganipun amargi penasaran kaliyan swantunipun para Siren. Nalika mireng dados mberontak lan paring dhawuh supados ngiculi tali ingkang kaginakaken kanggé naleni awakipun piyambak. Nanging para awak kapal boten purun, nembé dipuniculi nalika sampun tebih saking Siren ^[1].^[3]

Sanèsipun

Saking nama "siren" dipunandhapaken nama salah satunggaling bangsa saking kéwan ingkang menyusui (Mammalia), Sirenia, kalebet duyung (Dugong dugon) lan sapi laut.

Ugi pirsani

Cathetan suku

↑ ^a ^b [1] Archived 2021-05-18 at the Wayback Machine., Air mata duyung (dipunakses tanggal 4 Fèbruari 2013).
↑ [2]^{[pranala mati permanèn]}, 12 Mahluk Mitologi dengan Wajah Cantik Tetapi Mematikan (dipunakses tanggal 4 Fèbruari 2013).
↑ Homeros, Odisseia 12.39

[siren1-1] [1] Archived 2021-05-18 at the Wayback Machine., Air mata duyung (dipunakses tanggal 4 Fèbruari 2013).

[siren2-2] [2]^{[pranala mati permanèn]}, 12 Mahluk Mitologi dengan Wajah Cantik Tetapi Mematikan (dipunakses tanggal 4 Fèbruari 2013).

[3] Homeros, Odisseia 12.39

[1]

[2]

[3]