Soerjadi Soerjadarma
Laksamana Udara Soerjadi Soerjadarma (lair ing Banyuwangi, Jawa Timur, 6 Dhésèmber 1912 – pati ing Jakarta, 16 Agustus 1975 ing umur 62 taun[1]) inggih punika Kepala Staf TNI Angkatan Udara saking taun 1946 dumugi taun 1962.[2]
| Soerjadi Soerjadarma | |
|---|---|
 | |
| Mantri Kebudayaan dan Pariwisata Republik Indonesia 3 | |
| Linggih 24 Fèbruari 1966 – 28 Maret 1966 | |
| Présidhèn | Soekarno |
| Kang sadurungé | Hidajat Martaatmadja |
| Kang sawisé | S.H. Simatupang |
| Rerincèn dhiri | |
| Lair | 6 Dhésèmber 1912 Banyuwangi, Jawa Timur, Hindia Nèderlan |
| Pati | Agustus 16, 1975 Jakarta |
| Bangsa | Indonésia |
Nalika 1 September 1945 piyambakipun dipuntugasaken mbentuk AURI déning Présidhèn Soekarno lan dipunangkat minangka KASAU (Pisanan) nalika 9 April 1946. Nalika 18 Pebruari 1960, kejawi dados KASAU jabatanipun dipuninggilaken dados Mantri/Kastaf AURI.
Suryadi Suryadarma minangka pendiri lan Bapak AURI – boten namung gadhah peran ing ngembangaken donya dirgantara wonten ing babagan kemiliteran, nanging ugi minangka pelopor ing penerbangan komersial. Boten kumalangkung manawi dipunngendikakaken, Suryadarma sampun dadosaken dirgantara minangka péranganing gesangipun.
Biografi
besutPeriode Pra-Kamardikan
besutSuryadarma sampun pengalaman wiwit Perang Donya II. Piyambakipun minangka 1 saking 40 bumiputera ingkang katampi wonten ing Akademi Militer Walanda (KMA) ing Breda, Walanda, saderengipun PD II nalika éra Hindia Walanda. Piyambakipun katampi minangka navigator nanging Suryadarma langkung gadhah bakat dados penerbang nanging boten dipunkeparengaken amargi piyambakipun pribumi. Suryadarma gadhah segudang pengalaman kanthi kagayut wonten ing operasi-operasi udara AU Walanda, mliginipun nalika Walanda kepepet déning invasi Jepang nalika wiwitan taun 1940. Piyambakipun misuwur babagan kekendelanipun minangka navigator (minangka letnan penerbang intai) kanthi tiga pesawat pembom Glenn Martin B-10, ingkang ngebom armada Jepang ing Tarakan tanpa migunakaken fighter escort nalika tanggal 13 Pebruari 1942. Kelompokipun kasil ngebom kapal penjelajah (cruiser) Jepang, nanging lajeng dipunserang déning pesawat-pesawat Zero, saéngga namung bomber ingkang dipunpiloti Suryadarma ingkang saged kondur déné kanthi kaanan risak. Amargi jasanipun, Pamarentah Walanda nganugrahi Medals for Distinguished Service During Combat kanggé Jan Lukkien ingkang dados Komandan Skawadron éwadéné sajatosipun peran Suryadarma ageng sanget wonten ing pamendhetan kaputusan kaliyan Kapten Lukkien, Maret 1942.[3]
Masa Pénsiun
besutSasampunipun pénsiun manéka aktivitas lan karemenan dipunlaksanakaken kados ta mbeburu lan nembak, koleksi batuan mineral/mulia, nyerat, koleksi perangko, maos lan sanès-sanèsipun. Nyandhak yuswa angka 63 taun, kesehatanipun wiwit mandhap lan ngidhap gerah komplikasi liver. Nalika minggu kaping kalih Agustus 1975, Suryadarma wiwit dipunrawat wonten ing Griya Sakit Husada, Jakarta antawis satunggal minggul.
Pungkasanipun, saking kersaning Gusti Suryadarma tolar donya pukul 05.45 WIB nalika dinten Sabtu tanggal 16 Agustus 1975. Jenazahnipun lajeng dipunsemayamaken wonten ing griya duka lan ing Markas Besar TNI AU jalan Gatot Subroto. Pasareyanipun dipunlaksanakena nalika 17 Agustus pukul 13.00 WIB wonten ing Pasareyan Umum Karet, Jakarta kanthi upacara militèr kanthi Inspektur Upacara KASAU Marsekal TNI Saleh Basarah.
Cathetan suku
besut- ↑ "Surjadi Suryadarma Perintis TNI-AU". Diarsip saka sing asli ing 2010-12-08. Dibukak ing 2013-02-17.
- ↑ "Archive copy". Diarsip saka sing asli ing 2013-04-11. Dibukak ing 2013-02-17.
{{cite web}}: CS1 maint: archived copy as title (link) - ↑ http://tni-au.mil.id/content/sejarah-tni-angkatan-udara
| Didhisiki déning: - |
{{{jabatan}}} 1946-1962 |
Diganti déning: Omar Dhani |