Sucipto Hadi Purnomo
Sucipto Hadi Purnomo iku Dhosèn Jurusan Basa lan Sastra Jawa ing Fakultas Basa lan Seni Universitas Negeri Semarang (FBS) kelairan Trikoyo, Jaken, Pati, 6 Agustus 1972. Saliyané dadi dhosèn, Sucipto sing sregeb nulis iki uga pinercaya dadi Kepala UPT Humas ing Universitas Negeri Semarang.
| Sucipto Hadi Purnomo | |
|---|---|
 Sucipto (pinggir tengen nganggo busana bathik), bebarengan karo panampa Bebungah Rancagé 2012 liyané | |
| Lair | Sucipto Hadi Purnomo Agustus 6, 1972 Kabupatèn Pathi, Jawa Tengah |
| Bangsa | Indonesia |
| Pakaryan | Dosèn |
| Kondhang ing | Sastrawan |
Minangka jurnalis Sucipto naté dadi redhaktur Tabloid Yunior koran Suara Merdeka lan ngisi rubrik budaya Sang Pamomong, lembar mirunggan basa lan kabudayan Jawa.
Sucipto uga mimpin Lembaga Kajian lan Pengembangan Pendidikan (LKP2) ing Semarang lan Sekretaris Forum Basa Media Massa Jawa Tengah, sarta wiwit taun 2006 mimpin Organisasi Pengarang Sastra Jawa (OPSJ). Anggota Sanggar Seni Paramesthi iki aktif nulis, sajeroning basa Jawa lan basa Indonésia. Saliyané nulis karangan ngenani kabudayan, pendhidhikan, lan fitur, Sucipto uga nulis geguritan lan lakon kethoprak.
Sucipto sing lair saka kulawarga guru ing Pathi Jawa Tengah iki miwit cilik ngudi kawruh ing Sekolah Pendhidhikan Guru ing Rembang, banjur nerusaké mersudi èlmu ing IKIP Semarang (saiki dadi Universitas Negeri Semarang).
Sucipto iku kagolong wong sing lembah manah, kacetha saka komentaré nalika nampa Bebungah Sastra Rancagé 2012 ing kampus UNNES Semarang:
| Jujur harus saya katakan, saya tak begitu pantas menerima bebungah ini. Lebih-lebih jika mengingat sejumlah nama besar yang telah mendapatkan anugerah ini padha taun-taun sebelumnya. Anehnya, penghargaan justru diberikan ketika saya merasa makin menjauh dari orbit sastra Jawa. Karena itu, saya pun memahaminya sebagai sebuah panggilan untuk kembali mengkhidmati jalan estetis dan manusiawi ini |
[1].
Karya besut
Karangan Sucipto sumebar ing koran lan kalawarti kaya Suara Merdeka, Kompas, Panjebar Semangat, Damar Jati, lan Jayabaya.
Carita sinambungé sajeroning basa Jawa dhialèk Pathi, Saridin Mokong, diamot ing koran Suara Merdeka edisi Muria punjul kaping 500. Irah-irahan iki malah didadèkaké jeneng kasewelasan Persipa Pathi: Laskar Saridin Mokong. Sucipto nulis buku Wong Jawa (Kok) Ora Ngapusi (2008), Belajar Dusta di Sekolah Kita (2008), Ketoprak: Siasat Hidup di Antara Tradisi dan Modernitas (kang arep terbit).