Takerharjo, Solokuro, Lamongan

Takerharjo, minangka sawijining dhusun kang dumunung ing Kacamatan Selokuro, Kabupatèn Lamongan, Provinsi Jawi Wétan, Indonésia.

Géografi

Dusun Takerharjo wewatesan karo dhusun Banyubang sisih lor, Kabupatèn Gresik ing sisih wétan lan sisih kidul, déné ing sisih kulon wewatesan karo dhusun Solokuro, Kacamatan Solokuro.

Déning masarakat saindenging dhusun, Takerharjo mau Takeran utawi Keran.

Kocap kacarita Takerharjo asalé saka tembung Takeran lan rejo (basa Jawa) kang ateges piranti kanggo naker lan rame.

Kandhane sahibul hikayat, biyèn ing laladan sakupenge SD Inpres saikine, wong lumrahé dol tinuku beras kang ukurane ditemtokake kanthi takeran. Akèh wong kang teka ing laladan iku saperlu adol lan dol tinuku beras. Wewengkon iku candhaké sinebut Takerharjo, kang ateges kurang luwih papan panggonan dol tinuku beras kang rame.

Isih kandhane sahibul hikayat, jaman biyèn ada sawijining pangeran Majapahit kanthi gelar Panji tumuju Demak. Ing tengahing lelungane, ing wewengkon kang saikine sinebut Takerharjo iku, pangeran nandhang lara lan tilar donya. Jasad pangeran pungkasané dikubur ing kono.

Kanggo ngrumat lan jaga kuburan pangeran, sapérangan abdi lan pengawal, kang kacarita ing antarané ditengeri Plontang, pungkasané manggon ing wewengkon iku, ya iku ing pucuk kulon papan panggènan kang saikine dadi kuburan désa.

Ing papan panggonan mau, biyene ana sawijining masjid, kang sisa-sisa pondasine samar-samar, saikine isih bisa dideleng ing antarané alang-alang lan suket.

Kuburan Mbah Plontang mapan ing pucuk kulon kuburan désa, dhene kuburan Panji, ana ing sisih lor désa Takerharjo.

Masjid Miftahul Jannah Takerharjo-Solokuro-Lamongan

Lembaga Wiyata

Taman Kanak-kanak

1. TK Aisyiyah Bustanul Athfal Takerharjo
2. TK Muslimat NU Tanwirul Ma'arif Takerharjo
3. TK Dharma Wanita Petiyen
4. TK Muslimat Darul Ulum Petiyen

Sekolah Dasar / Madrasah Ibtidaiyah

1. SDN Takerharjo II Petiyen
2. MI Muhammadiyah Takerharjo
3. MI Tanwirul Ma'arif Takerharjo
4. MI Darul Ulum Petiyen

Sekolah Menengah Pertama / Madrasah Tsanawiyah

1. MTs Muhammadiyah Takerharjo
2. MTs Tanwirul Ma'arif Takerharjo
3. MTs Darul Ulum Petiyen

Sekolah Menengah Atas / Madrasah Aliyah

1. MA Muhammadiyah 8 Takerharjo