Thalita Latief (duwé jeneng dawa Thalita Annemarie Latief; lair ing Jakarta, 6 Dhésèmber 1988; umur 35 taun)[1], iku juru main sinétron kang asalé saka Indonésia.[1] Jenengé wiwit misuwur nalika Thalita dadi bintang ing sinétron kang judhulé Putri.[1] Sinétron iki disiyaraké ing SCTV salah sijiné stasiun tivi swasta ing Indonésia.[1]

Thalita Annemarie Latief
PakaryanMahasiswi
Artis
Penyanyi
Présènter
Model
Taun aktif2005 - saiki
Dhuwur164 cm (5 ft 5 in)
BojoDennis
Wong tuwaRiki Latief (bapa)
Elisabeth (ibu)

Karir besut

Thalita Latief iku anak kang wuragil saka sadulur kang cacahé loro.[1] Thalita Latief iku anak saka pasangan Riki Latief lan Elisabeth.[1] Thalita pancèn wis main ing donyaning hiburan Indonésia nalika isih sekolah ing bangku SD, ya iku nalika dadi bintang iklan wafer Tango lan Taro snack.[1] Thalita Latief banjur dadi sémifinalis GADIS Sampul taun 2003 lan dadi Juara I Modhèl Kawanku 2004.[1] Thalita Latief uga tau dadi bintang prodhuk iklan Wafer Tanggo, Gery Salut.[1] Saliyané iku, Thalita uga tau dadi bintang vidéo klip grup musik Saykoji ("So what gitu loh"), ADA Band ("Kau Auraku"), lan Bondan ("Bunga").[1]

Thalita nduwé awak kang dhuwuré 164 cm lan aboté 46 kg.[1] Thalita Latief miwiti perané lumantar sinétron kang judhulé Keong Mas prodhuksi MD Entertainment.[1] Sinétron kang nggawé jenengé misuwur ya iku sinétron kang judhulé Putri.[1] Ing sinétron iki Thalita Latief main bareng karo Desy Ratnasari.[1] Sinétron-sinétron kang dibintangi Thalita Latief ya iku Kiamat, Aku Bukan Aku, Cinta Remaja, lan Peluk Aku 3 Menit.[1]

Thalita uga tau dadi présènter acara on the spot kang disiyaraké ing Trans 7.[1] Ing acara iki Thalita bareng karo Ruben Onsu.[1]

Thalita Latief uga duwé single kang judhulé Aw Aw Awas (2009) lan Semua Berubah (2010).[2]

Cathetan sikil besut

  1. a b c d e f g h i j k l m n o p q selebriti.kapanlagi.com(diundhuh tanggal 10 Agustus 2011)
  2. cumicumi.com Archived 2011-06-11 at the Wayback Machine.(diundhuh tanggal 10 Agustus 2011)