Walter Sydney Adams
Walter Sydney Adams inggih punika salah satunggaling astronom saking Amérika ingkang miyos wonten ing tanggal 20 Dhésèmber 1876 lan séda ing tanggal 11 Mèi 1956.
| Walter Sydney Adams | |
|---|---|
 Walter Sydney Adams | |
| Lair | 20 Dhésèmber 1876 Antioch, Syria |
| Pati | Mèi 11, 1956 (umur 79) Pasadena, California |
| Bangsa | United States |
| Alma mater | Dartmouth College |
| Bebungah | Gold Medal of the Royal Astronomical Society (1917) Henry Draper Medal (1918) Bruce Medal (1928) |
| Karièr ngèlmiah | |
| Babagan | astronomy |
| Institutions | Mount Wilson Observatory |
Biografi
besutWalter Sydney Adams miyos wonten ing Antioch, Turki saking tiyang sepuhipun Lucien Harper Adams kaliyan Nancy Dorrance Francis Adams,[1] lan lajeng dipunbeto pindhah dhateng Amérikah Sarékat wonten ing taun 1885.[2] Piyambakipun lulus saking Dartmouth College ing taun 1898, lajeng piyambakipun nerasaken sekolahipun wonten ing Jerman. Sasampunipun wangsul malih dhateng Amérikah Sarékat, piyambakipun miwiti padamelanipun ing babagan astronomi lan puncak kariripun inggih nalika piyambakipun dados direktur Mount Wilson Observatory.
Pokok studinipun ingkang paling dipunremeni inggih punika kanggé nliti ing babagan spektrum lintang. Piyambakipun makarya wonten ing spektroskopi srengéngé lan lajeng manggihaken malih gegayutan ing antawisipun garis spektrum lan magnitudo mutlak saking satunggaling lintang. Piyambakipun saged nedahaken spektrum ingkang saged dipun-ginakaken kanggé nemtokaken punapa satunggaling lintang ingih kalebet lintang raksasa utawi lintang kerdil. Ing taun 1915, piyambakipun miwiwti sinau bab pengampingipun Sirius lan manggihaken dhata, sanajan ta ukuranipun namung sakedhik langkung ageng saking bumi, nanging rainipun lintang punika langkung padhang per ékan ambanipun tinimbang srengengé lan punika minangka massanipun srengéngé ingkang ageng. Minangka satunggaling lintang salajengipun lajeg lintang punika dipunkenal dados lintang kerdil kanthi cahya warna pethak. Sesarengan kaliyan Theodore Dunham, piyambakipun saged manggihaken wontenipun karbon dioksida ingkang kiyat wonten ing infra abrit saking spektrum Venus.
Adams séda ing yuswa 79 taun wonten ing Pasadena, California.
Penghargaan
besutWalter Sydney Adams sampun naté pikantuk kathah penghargaan saking kathah lembaga, ing antawisipun inggih kados makaten:
- Gold Medal of the Royal Astronomical Society ing taun 1917.
- Henry Draper Medal saking National Academy of Sciences ing taun 1918.[3]
- Anggota Kehormatan saking American Academy of Arts and Sciences (1922[4]
- Bruce Medal ing taun 1928.
- Henry Norris Russell Lectureship ing taun 1947.
- Nama satunggaling asteroid, inggih punika 3145 Walter Adams.
- Satunggaling nama kawah wonten ing Mars.
- Kawah Adam wonten ing bulan inggih dipunparingi namanipun piyambakipun sesarengan kaliyan John Couch Adams lan Charles Hitchcock Adams.
Cathetan suku
besut- ↑ http://www.amphilsoc.org/mole/view?docId=ead/Mss.B.Ad19-ead.xml#bioghist
- ↑ F.J.M. Stratton. "Walter Sydney Adams. 1876-1956." Biographical Memoirs of Fellows of the Royal Society, Vol. 2. (Nov., 1956), pp. 1-18.
- ↑ "Henry Draper Medal". National Academy of Sciences. Dibukak ing 19 February 2011.
- ↑ "Book of Members, 1780-2010: Chapter A" (PDF). American Academy of Arts and Sciences. Dibukak ing 6 April 2011.
- Asimov's Biographical Encyclopedia of Science and Technology, Isaac Asimov, Doubleday & Co., Inc., 1972, ISBN 0-385-17771-2.
- F. Wesemael, A comment on Adams' measurement of the gravitational redshift of Sirius B Royal Astronomical Society, Quarterly Journal (ISSN 0035-8738), 26, Sept. 1985, 273-278