Ésuk

04:00-10:59

Ésuk iku pérangan wektu wiwitan ing sawijining dina. Sajeroning kabudayan Indonésia, ésuk wujud wektu wiwit saka tengah wengi nganti watara tabuh 10.00. Wektu ésuk miwiti wektu sajeroning sadina, sadurungé wektu awan, soré lan wengi.

Wayah ésuk mawa pedhut
Srengéngé ing wayah ésuk

Ing kabudayan Éropah lan Amérikah Sarékat, makna ésuk nisa diwiwiti saka subuh nganti awan. Nanging bisa uga wiwit saka tengah wengi nganti awan. Sajeroning kabudayan sing migunakaké siklus wektu 12 jam, périodhe tengah wengi nganti awan iki sinebut ante meridiem, A.M., a.m., utawa am.

Sajeroning kabudayan Jawa, wektu ésuk iki dipérang manèh dadi:

  • Jago kluruk sepisanan, watara tabuh 03.00
  • Bedhug telu (Subuh, watara tabuh 04.00
  • Jago kluruk pindho, watara tabuh 04.30
  • Jago kluruk ping telu, watara tabuh 05.00
  • Saput lemah, watara tabuh 05.30
  • Byar watara tabuh 06.00
  • Gumatel, watara tabuh 09.00
  • Pecat Sawed, watara tabuh 10.00
  • Wisan gawé, watara tabuh 10.00

Tumindak sing apik ing wayah ésuk besut

Wayah ésuk nalika tangi turu awak kerep krasa lungkrah, saéngga apiké supaya badan tetep séhat lan siyap makarya ana sawatara kabiyasaan utawa tumindak sing apik sing perlu diayahi saben ésuk, ya iku: 1. Tangi turut nalika awak isih krsa lungkrah aja langsung tumindak sing abot, nanging apiké nindakaké senam peregangan otot-otot luwih dhisik. Peregangan pérangan awak kaya driji, otot sikil, geger, gulu lan pérangan awak liyané. Tumrap sing nganut agama Islam peregangan iki uga bisa diayahi sinambi nglakoni ngibadah salat subuh. 2. Ngombé banyu putih sadurungé sarapan. 3. Sarapan sing sugih kandhutan protèin. 4. Ulah raga ésuk. 5. Ngombé kopi secamgkir kanggo ngundhakaké konsèntrasi[1].

Réferènsi besut

Pranala njaba besut