ꦌꦱ꧀ꦕꦶꦚ꧀ꦕꦲꦸ
ꦗꦮ
|
ꦌꦱ꧀ꦕꦶꦚ꧀ꦕꦲꦸ ꦲꦸꦠꦮꦶ ꦲꦱꦿꦶꦁ ꦢꦶꦥꦸꦤ꧀ꦱꦼꦧꦠ꧀ ꦌꦱ꧀ꦕꦩ꧀ꦕꦲꦺꦴ ꦲꦶꦁꦒꦶꦃ ꦥꦸꦤꦶꦏ ꦱꦭꦃ ꦱꦠꦸꦁꦒꦭ꧀ꦭꦶꦁ ꦗꦶꦤꦶꦱ꧀ ꦲꦺꦴꦩ꧀ꦧꦺꦤ꧀-ꦲꦺꦴꦩ꧀ꦧꦺꦤ꧀ ꦲꦶꦁꦏꦁ ꦱꦼꦒꦼꦂ ꦫꦲꦺꦴꦱ꧀ꦱꦶꦥꦸꦤ꧀ ꦲꦶꦁꦏꦁ ꦢꦶꦥꦸꦤ꧀ꦢꦩꦼꦭ꧀ ꦱꦏꦶꦁ ꦕꦶꦚ꧀ꦕꦲꦸ ꦲꦶꦗꦺꦴ ꦲꦸꦠꦮꦶ ꦕꦶꦚ꧀ꦕꦲꦸ ꦲꦶꦉꦁ ꦭꦗꦼꦁ ꦢꦶꦥꦸꦤ꧀ꦱꦸꦏꦤꦶ ꦱꦤ꧀ꦠꦼꦤ꧀ ꦲꦶꦁꦏꦁ ꦱꦩ꧀ꦥꦸꦤ꧀ ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦲꦸꦒꦶ ꦱꦒꦼꦢ꧀ ꦢꦶꦥꦸꦤ꧀ꦮꦶꦩ꧀ꦧꦸꦃꦲꦶ ꦌꦱ꧀ ꦩꦤꦮꦶ ꦔꦼꦂꦱꦏ꧀ꦏꦏꦼꦤ꧀ ꦲꦸꦚ꧀ꦗꦸꦏ꧀ꦏꦤ꧀ ꦲꦱꦽꦥ꧀. ꦕꦶꦚ꧀ꦕꦲꦸ ꦲꦶꦗꦺꦴ ꦥꦶꦪꦩ꧀ꦧꦏ꧀ ꦲꦶꦒꦶ ꦢꦶꦥꦸꦤ꧀ꦮꦱ꧀ꦠꦤꦶ ꦢꦭꦸꦩ꧀ꦩꦤ꧀. ꦏꦗꦮꦶ ꦱꦒꦼꦢ꧀ ꦢꦢꦺꦴꦱ꧀ ꦠꦩ꧀ꦧ ꦤꦭꦶꦏ ꦔꦼꦭꦏ꧀, ꦌꦱ꧀ꦕꦶꦚ꧀ꦕꦲꦸ ꦥꦸꦤꦶꦏ ꦥꦲꦺꦢꦃꦲꦶꦥꦸꦤ꧀ ꦲꦸꦒꦶ ꦱꦒꦼꦢ꧀ ꦢꦩꦼꦭ꧀ ꦥꦣꦫꦤ꧀ ꦭꦁꦏꦸꦁ ꦲꦱꦽꦥ꧀ ꦧꦺꦴꦠꦼꦤ꧀ ꦧꦼꦤ꧀ꦠꦺꦂ.
ꦧꦲꦤ꧀-ꦧꦲꦤ꧀ꦤꦶꦥꦸꦤ꧀
besutꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦧꦼꦠꦃꦲꦏꦼꦤ꧀ ꦏꦁꦒꦺ ꦢꦩꦼꦭ꧀ ꦢꦸꦢꦸꦃ ꦌꦱ꧀ꦕꦶꦚ꧀ꦕꦲꦸ ꦲꦶꦁꦏꦁ ꦢꦶꦥꦸꦤ꧀ꦢꦩꦼꦭ꧀ ꦱꦏꦶꦁ ꦱꦤ꧀ꦠꦼꦤ꧀ ꦲꦶꦁꦒꦶꦃ ꦥꦸꦤꦶꦏ ꦏꦢꦺꦴꦱ꧀ ꦩꦏꦠꦼꦤ꧀:[1]
- ꦕꦶꦚ꧀ꦕꦲꦸ ꦲꦶꦗꦺꦴ 250 ꦒꦿꦩ꧀
- ꦱꦤ꧀ꦠꦼꦤ꧀ 1,5 ꦭꦶꦠꦼꦂ ꦲꦶꦁꦏꦁ ꦢꦶꦥꦸꦤ꧀ꦢꦩꦼꦭ꧀ ꦱꦏꦶꦁ 1 ꦮꦸꦠꦶꦂ ꦏ꧀ꦭꦥ
- ꦲꦸꦪꦃ ꦱꦕꦼꦏꦥ꧀ꦥꦶꦥꦸꦤ꧀
- ꦫꦺꦴꦤ꧀ ꦥꦤ꧀ꦝꦤ꧀ ꦮꦔꦶ 1 ꦊꦩ꧀ꦧꦂ
- ꦱꦸꦱꦸ ꦏꦼꦤ꧀ꦛꦼꦭ꧀ ꦩꦤꦶꦱ꧀
- ꦱꦶꦫꦸꦥ꧀ ꦒꦸꦭ ꦲꦧꦿꦶꦠ꧀ 200 ml
- ꦌꦱ꧀ ꦱꦼꦫꦸꦠ꧀ ꦱꦕꦼꦏꦥ꧀ꦥꦶꦥꦸꦤ꧀
ꦢꦺꦤꦺ ꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦒꦶꦤꦏ꧀ꦏꦏꦼꦤ꧀ ꦏꦁꦒꦺ ꦢꦩꦼꦭ꧀ ꦱꦶꦫꦸꦥ꧀ ꦲꦧꦿꦶꦠ꧀ꦠꦶꦥꦸꦤ꧀ ꦲꦶꦁꦒꦶꦃ ꦥꦸꦤꦶꦏ ꦏꦢꦺꦴꦱ꧀ ꦩꦏꦠꦼꦤ꧀:
ꦕꦫꦤꦶꦥꦸꦤ꧀ ꦢꦩꦼꦭ꧀
besutꦕꦫꦤꦶꦥꦸꦤ꧀ ꦢꦩꦼꦭ꧀ ꦌꦱ꧀ꦕꦶꦚ꧀ꦕꦲꦸ ꦥꦸꦤꦶꦏ ꦒꦩ꧀ꦥꦶꦭ꧀ ꦠꦸꦂ ꦥꦿꦱꦗ ꦱꦔꦼꦠ꧀ ꦏꦢꦺꦴꦱ꧀ ꦲꦶꦁꦏꦁ ꦏꦲꦤ꧀ꦝꦂꦫꦏꦼꦤ꧀ ꦲꦶꦁ ꦔꦤ꧀ꦝꦥ꧀ ꦥꦸꦤꦶꦏ:[2]
- ꦲꦶꦁꦏꦁ ꦱꦥꦶꦱꦤ꧀ ꦲꦶꦁꦒꦶꦃ ꦢꦩꦼꦭ꧀ ꦧꦲꦤ꧀-ꦧꦲꦤ꧀ ꦱꦶꦫꦸꦥ꧀ꦥꦶꦥꦸꦤ꧀ ꦏꦤ꧀ꦛꦶ ꦕꦫ ꦔ꧀ꦒꦺꦴꦣꦺꦴꦒ꧀ ꦠꦺꦴꦪ ꦫꦸꦩꦶꦪꦶꦤ꧀ ꦔꦤ꧀ꦠꦺꦴꦱ꧀ ꦲꦸꦩꦸꦧ꧀, ꦭꦗꦼꦁ ꦢꦶꦥꦸꦤ꧀ꦱꦸꦏꦤꦶ ꦒꦼꦤ꧀ꦝꦶꦱ꧀ ꦥꦱꦶꦂ, ꦫꦺꦴꦤ꧀ ꦥꦤ꧀ꦝꦤ꧀, ꦫꦺꦴꦤ꧀ ꦗꦼꦫꦸꦏ꧀, ꦱꦲ ꦥꦼꦮꦂꦤ ꦲꦧꦿꦶꦠ꧀.
- ꦱꦤ꧀ꦠꦼꦤ꧀, ꦱꦉꦩ꧀, ꦱꦲ ꦫꦺꦴꦤ꧀ ꦥꦤ꧀ꦝꦤ꧀ ꦮꦔꦶ ꦢꦶꦥꦸꦤ꧀ꦕꦩ꧀ꦥꦸꦂ ꦢꦢꦺꦴꦱ꧀ ꦱꦠꦸꦁꦒꦭ꧀ ꦭꦗꦼꦁ ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦔꦶꦁꦒꦺꦶꦭ꧀ ꦒꦼꦤꦶ ꦱꦼꦣꦼꦁ ꦏꦤ꧀ꦛꦶ ꦲꦱꦿꦶꦁ ꦢꦶꦥꦸꦤ꧀ꦲꦸꦢꦏ꧀ ꦔꦤ꧀ꦠꦺꦴꦱ꧀ ꦲꦸꦩꦸꦧ꧀. ꦩꦤꦮꦶ ꦱꦩ꧀ꦥꦸꦤ꧀ ꦲꦸꦩꦸꦧ꧀ ꦱꦒꦼꦢ꧀ ꦢꦶꦥꦸꦤ꧀ꦲꦁꦏꦠ꧀ ꦱꦲ ꦱꦒꦼꦢ꧀ ꦢꦶꦥꦸꦤ꧀ꦝꦼꦩ꧀ꦩꦏꦼꦤ꧀ ꦔꦤ꧀ꦠꦺꦴꦱ꧀ ꦱꦸꦩꦸꦧ꧀ꦧꦶꦥꦸꦤ꧀ ꦲꦸꦕꦭ꧀.
- ꦱꦶꦫꦸꦥ꧀ ꦱꦒꦼꦢ꧀ ꦢꦶꦥꦸꦚ꧀ꦕꦸꦂꦫꦏꦼꦤ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦒꦼꦭꦱ꧀ ꦱꦗꦶ
- ꦭꦗꦼꦁ ꦱꦒꦼꦢ꧀ ꦢꦶꦥꦸꦤ꧀ꦠꦩ꧀ꦧꦃꦲꦏꦼꦤ꧀ ꦱꦤ꧀ꦠꦼꦤ꧀ ꦲꦶꦁ ꦔꦶꦁꦒꦶꦭ꧀ꦭꦶꦥꦸꦤ꧀ ꦱꦕꦼꦏꦥ꧀ꦥꦶꦥꦸꦤ꧀.
- ꦩꦤꦮꦶ ꦱꦩ꧀ꦥꦸꦤ꧀ ꦕꦶꦚ꧀ꦕꦲꦸ ꦲꦶꦗꦺꦴ ꦲꦸꦠꦮꦶ ꦗꦶꦤꦶꦱ꧀ ꦕꦶꦚ꧀ꦕꦲꦸ ꦱꦤꦺꦱ꧀ꦱꦶꦥꦸꦤ꧀ ꦱꦒꦼꦢ꧀ ꦢꦶꦥꦸꦤ꧀ꦭꦼꦧꦼꦠ꧀ꦠꦏꦼꦤ꧀ ꦭꦤ꧀ ꦲꦶꦁ ꦥꦺꦫꦁꦔꦤ꧀ ꦔꦶꦁꦒꦶꦭ꧀ ꦥꦶꦪꦩ꧀ꦧꦏ꧀ ꦱꦒꦼꦢ꧀ ꦢꦶꦥꦸꦤ꧀ꦱꦸꦏꦤꦶ ꦌꦱ꧀ ꦱꦼꦫꦸꦠ꧀ ꦱꦕꦼꦏꦥ꧀ꦥꦶꦥꦸꦤ꧀.
- ꦌꦱ꧀ꦕꦶꦚ꧀ꦕꦲꦸ ꦱꦩ꧀ꦥꦸꦤ꧀ ꦱꦩꦼꦏ꧀ꦠ ꦢꦶꦥꦸꦤ꧀ꦱꦗꦺꦏ꧀ꦏꦏꦼꦤ꧀.
- ꦏꦁꦒꦺ ꦠꦶꦪꦁ ꦲꦶꦁꦏꦁ ꦉꦩꦼꦤ꧀ ꦏꦭꦶꦪꦤ꧀ ꦱꦸꦱꦸ, ꦱꦢꦺꦫꦺꦁꦔꦶꦥꦸꦤ꧀ ꦢꦶꦥꦸꦤ꧀ꦱꦸꦏꦤꦶ ꦌꦱ꧀, ꦲꦶꦁ ꦥꦺꦫꦁꦔꦤ꧀ ꦔꦤ꧀ꦝꦥ꧀ꦥꦶꦥꦸꦤ꧀ ꦱꦒꦼꦢ꧀ ꦢꦶꦥꦸꦤ꧀ꦱꦸꦏꦤꦶ ꦱꦸꦱꦸ ꦏꦼꦤ꧀ꦛꦼꦭ꧀ ꦩꦤꦶꦱ꧀ ꦫꦸꦤꦶꦪꦶꦤ꧀, ꦤꦼꦩ꧀ꦧꦺ ꦱꦒꦼꦢ꧀ ꦢꦶꦥꦸꦤ꧀ꦲꦸꦚ꧀ꦗꦸꦏ꧀.