ꦧꦱꦗꦮ(ꦧꦱ)

ꦧꦱꦗꦮ
ꦧꦱꦗꦮ
	Aksara Jawa - basa.svg
Dituturaké ing	ꦆꦤ꧀ꦝꦺꦴꦤꦺꦱꦶꦪ; ꦮꦭꦤ꧀ꦝ; ꦩꦭꦻꦱꦶꦪ; ꦱꦸꦫꦶꦤꦩꦼ; ꦏꦭꦺꦢꦺꦴꦤꦶꦪꦲꦚꦂ
Wilayah	ꦗꦮꦠꦼꦔꦃ; ꦢꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ; ꦗꦮꦮꦺꦠꦤ꧀; ꦭꦩ꧀ꦥꦸꦁ; ꦏꦺꦴꦩ꧀ꦩꦺꦮꦶꦗ꧀ꦤꦼ
Gunggung panutur	100 ꦪꦸꦠ
Rumpun basa
	ꦧꦱꦗꦮ ; ;
Sistem tulisan	ꦲꦏ꧀ꦱꦫꦗꦮ; ꦲꦏ꧀ꦱꦫꦄꦫꦧ꧀ (ꦲꦏ꧀ꦱꦫꦥꦺꦒꦺꦴꦤ꧀); ꦲꦏ꧀ꦱꦫꦭꦠꦶꦤ꧀
Kodhe basa
ISO 639-1	jv
ISO 639-2	jav
ISO 639-3	variously:; jav – ꦧꦱꦗꦮ; jvn – ꦧꦱꦗꦮꦏꦫꦶꦧꦶꦪ; jas – ꦧꦱꦗꦮꦏꦭꦺꦢꦺꦴꦤꦶꦪꦄꦚꦂ; kaw – ꦏꦮꦶ
	ꦲꦶꦗꦺꦴꦠꦸꦮ: ꦥꦥꦤ꧀ꦧꦱꦗꦮꦩꦶꦤꦁꦏꦧꦱꦩꦪꦺꦴꦫꦶꦠꦱ꧀. ꦲꦶꦗꦺꦴꦲꦼꦤꦺꦴꦩ꧀: ꦥꦥꦤ꧀ꦧꦱꦗꦮꦩꦶꦤꦁꦏꦧꦱꦩꦶꦤꦺꦴꦫꦶꦠꦱ꧀.
	; ;

Aksara Latin

ꦗꦮ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

꧋ꦧꦱꦗꦮꦥꦸꦤꦶꦏꦧꦱꦏꦊꦧꦼꦠ꧀ꦲꦶꦁꦒꦺꦴꦭꦺꦴꦔꦤ꧀ꦎꦴꦱ꧀ꦠꦿꦺꦴꦤꦺꦱꦶꦪ꧈ꦲꦶꦁꦒꦶꦃꦥꦸꦤꦶꦏꦧꦱꦧꦱꦲꦶꦁꦏꦁꦢꦶꦥꦸꦤ꧀ꦒꦶꦤꦏꦏꦺꦤ꧀ꦢꦺꦤꦶꦁꦩꦕꦺꦩ꧀ꦩꦕꦺꦩ꧀ꦧꦁꦱꦥꦿꦶꦧꦸꦩꦶꦮꦺꦴꦤ꧀ꦠꦺꦤ꧀ꦲꦶꦁꦏꦥꦸꦭꦺꦴꦮꦤ꧀ꦱꦏꦶꦢꦸꦭ꧀ꦮꦺꦠꦤꦶꦥꦸꦤ꧀ꦧꦮꦤꦄꦱꦶꦪ꧉ꦧꦱꦗꦮꦥꦸꦤꦶꦏꦱꦸꦩꦺꦧꦂꦮꦶꦮꦶꦠ꧀ꦱꦏꦶꦁꦥꦸꦕꦸꦏ꧀ꦏꦸꦭꦺꦴꦤ꧀ꦥꦸꦭꦺꦴꦗꦮ꧈ꦲꦶꦁꦏꦁꦲꦱ꧀ꦩꦧꦤ꧀ꦠꦼꦤ꧀꧈ꦢꦸꦩꦸꦒꦶꦥꦸꦕꦸꦏ꧀ꦮꦺꦠꦤ꧀ꦲꦶꦁꦏꦁꦲꦱ꧀ꦩꦧꦚꦸꦮꦔꦶꦢꦺꦤꦶꦁꦏꦶꦫꦁꦭꦁꦏꦸꦁ꧇꧘꧐꧇ꦪꦸꦠꦠꦶꦪꦁꦲꦶꦁꦏꦁꦔꦁꦒꦺꦥ꧀ꦧꦱꦗꦮꦩꦶꦤꦁꦏꦧꦱꦆꦧꦸ꧉ꦱꦭꦗꦼꦔꦶꦥꦸꦤ꧀‌꧈ꦧꦱꦗꦮꦲꦸꦒꦶꦱꦸꦩꦼꦧꦂꦮꦺꦴꦤ꧀ꦠꦼꦤ꧀ꦲꦶꦁꦏꦥꦸꦭꦺꦴꦮꦤ꧀ꦆꦤ꧀ꦝꦺꦴꦤꦺꦱꦶꦪ꧈ꦮꦶꦮꦶꦠ꧀ꦱꦏꦶꦁꦱꦸꦩꦠꦿꦢꦸꦩꦸꦒꦶꦥꦥꦸꦮ꧈ꦲꦸꦒꦶꦮꦺꦴꦤ꧀ꦠꦺꦤ꧀ꦲꦶꦁꦠꦶꦩꦺꦴꦂꦮꦺꦠꦤ꧀꧈ꦩꦭꦻꦱꦶꦪ꧈ꦱꦶꦔꦥꦸꦫ꧈ꦠꦻꦮꦤ꧀꧈ꦲꦺꦴꦁꦏꦺꦴꦁ꧈ꦮꦭꦤ꧀ꦝ꧈ꦱꦸꦫꦶꦤꦩꦺ꧈ꦏꦸꦫꦏꦲꦺꦴ꧈ꦭꦤ꧀ꦮꦺꦴꦤ꧀ꦠꦺꦤ꧀ꦲꦶꦁꦏꦭꦺꦢꦺꦴꦤꦶꦪꦄꦚꦂ꧉ꦧꦱꦗꦮꦥꦸꦤꦶꦏꦩꦶꦤꦁꦏꦧꦱꦉꦱ꧀ꦩꦶꦮꦺꦴꦤ꧀ꦠꦺꦤ꧀ꦲꦶꦁꦢꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ꧈ꦱꦼꦱꦉꦔꦤ꧀ꦏꦭꦶꦪꦤ꧀ꦧꦱꦆꦤ꧀ꦝꦺꦴꦤꦺꦱꦶꦪ꧉^[1]ꦧꦱꦗꦮꦢꦝꦺꦴꦱ꧀ꦱꦭꦃꦱꦠꦸꦁꦒꦭꦶꦁꦥꦚꦸꦩ꧀ꦧꦁꦲꦒꦼꦁꦏꦁꦒꦺꦥꦩ꧀ꦧꦸꦢꦶꦢꦪꦤꦶꦥꦸꦤ꧀ꦧꦱꦆꦤ꧀ꦝꦺꦴꦤꦺꦱꦶꦪ꧉ꦱꦤꦣꦾꦤ꧀ꦧꦺꦴꦠꦺꦤ꧀ꦢꦢꦺꦴꦱ꧀ꦧꦱꦉꦱ꧀ꦩꦶꦮꦺꦴꦤ꧀ꦠꦺꦤ꧀ꦲꦶꦁꦥꦩꦿꦺꦤ꧀ꦠꦲꦤ꧀‌꧈ꦧꦱꦗꦮꦒꦢꦃꦥꦿꦧꦮꦲꦶꦁꦏꦁꦭꦁꦏꦸꦁꦲꦒꦼꦁꦠꦶꦤꦶꦩ꧀ꦧꦁꦧꦱꦧꦱꦭꦭꦢꦤ꧀ꦱꦤꦺꦱꦶꦥꦸꦤ꧀‌꧈ꦏꦢꦺꦴꦱ꧀ꦠꦮꦺꦴꦤ꧀ꦠꦺꦤ꧀ꦲꦶꦁꦠꦼꦩ꧀ꦧꦸꦁꦠꦼꦩ꧀ꦧꦸꦁ꧈ꦭꦤ꧀ꦲꦶꦱ꧀ꦠꦶꦭꦃꦆꦱ꧀ꦠꦶꦭꦃꦲꦶꦁꦏꦁꦲꦱꦿꦶꦁꦔ꧀ꦒꦶꦤꦏꦏꦺꦤ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦗꦮ꧉

꧋ꦧꦱꦗꦮꦲꦶꦏꦸꦥꦺꦫꦔꦤꦶꦁꦱꦸꦧ꧀ꦕꦧꦁꦱꦸꦤ꧀ꦝꦶꦏ꧀ꦱꦏꦏꦸꦭꦮꦂꦒꦧꦱꦆꦤ꧀ꦝꦺꦴꦥꦺꦴꦭꦶꦤꦺꦱꦶꦪꦏꦸꦭꦺꦴꦤ꧀ꦱꦏꦥꦁꦧꦱꦆꦤ꧀ꦝꦺꦴꦥꦺꦴꦭꦶꦤꦺꦱꦶꦪꦏꦁꦒꦶꦭꦶꦫꦤꦺꦲꦁꦒꦺꦴꦠꦧꦱꦎꦴꦱ꧀ꦠꦿꦺꦴꦤꦺꦱꦶꦪ꧉ꦧꦱꦗꦮꦲꦶꦱꦶꦃꦱꦢꦸꦭꦸꦂꦕꦼꦢꦏ꧀ꦧꦱꦩꦭꦪꦸ꧈ꦧꦱꦱꦸꦤ꧀ꦝ꧈ꦧꦱꦧꦭꦶ꧈ꦭꦤ꧀ꦲꦸꦒꦧꦱꦧꦱꦲꦶꦁꦥꦸꦭꦺꦴꦱꦸꦩꦠꦿꦱꦂꦠꦏꦭꦶꦩꦤ꧀ꦠꦤ꧀꧈

꧋ꦧꦱꦗꦮꦢꦶꦥꦸꦤ꧀ꦒꦶꦤꦏꦏꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦗꦮꦠꦼꦔꦃ꧈ꦗꦮꦮꦺꦠꦤ꧀‌꧈ꦭꦤ꧀ꦲꦸꦒꦶꦮꦺꦴꦤ꧀ꦠꦼꦤ꧀ꦲꦶꦁꦥꦼꦱꦶꦱꦶꦂꦭꦺꦴꦂꦗꦮꦏꦸꦭꦺꦴꦤ꧀‌꧈ꦱꦱꦩ꧀ꦥꦸꦤꦶꦥꦸꦤ꧀ꦲꦶꦁꦩꦢꦸꦫ꧈ꦧꦭꦶ꧈ꦭꦺꦴꦩ꧀ꦧꦺꦴꦏ꧀‌ꦭꦤ꧀ꦠꦠꦂꦱꦸꦤ꧀ꦝꦲꦶꦁꦗꦮꦏꦸꦭꦺꦴꦤ꧀꧈ꦧꦱꦗꦮꦲꦸꦒꦶꦢꦶꦥꦸꦤ꧀ꦠꦼꦫꦥꦏꦼꦤ꧀ꦢꦢꦺꦴꦱ꧀ꦧꦱꦱꦱ꧀ꦠꦿ꧉ꦧꦱꦗꦮꦲꦸꦒꦶꦢꦝꦺꦴꦱ꧀ꦧꦱꦲꦶꦁꦏꦁꦢꦶꦥꦸꦤ꧀ꦒꦶꦤꦏꦏꦺꦤ꧀ꦲꦶꦁꦏꦫꦠꦺꦴꦤ꧀ꦥꦭꦺꦩ꧀ꦧꦁ꧈ꦱꦸꦩꦠꦿꦏꦶꦢꦸꦭ꧀‌꧈ꦱꦢꦺꦫꦺꦔꦶꦥꦸꦤ꧀ꦏꦫꦠꦺꦴꦤ꧀ꦥꦸꦤꦶꦏꦢꦶꦥꦸꦤ꧀ꦫꦸꦧꦸꦲꦏꦺꦤ꧀ꦢꦺꦤꦶꦁꦠꦶꦪꦁꦮꦭꦤ꧀ꦝꦲꦶꦁꦥꦸꦁꦏꦱꦤꦶꦥꦸꦤ꧀ꦄꦧꦢ꧀ꦏ꧇꧑꧘꧇꧉

꧋ꦧꦱꦗꦮꦱꦒꦺꦣ꧀ꦏꦥꦶꦂꦱꦤꦏꦺꦤ꧀ꦩꦶꦤꦁꦏꦱꦠꦸꦁꦒꦭꦶꦁꦧꦱꦏ꧀ꦭꦱꦶꦏ꧀ꦮꦺꦴꦤ꧀ꦠꦺꦤ꧀ꦲꦶꦁꦢꦺꦴꦚ꧉ꦧꦱꦥꦸꦤꦶꦏꦒꦢꦃꦱꦗꦫꦃꦏꦱꦸꦱꦱ꧀ꦠꦿꦤ꧀ꦲꦶꦁꦏꦁꦱꦩ꧀ꦥꦸꦤ꧀ꦱꦼꦥꦸꦃꦱꦔꦼꦠ꧀‌꧈ꦭꦁꦏꦸꦁꦱꦏꦶꦁ꧇꧑꧒꧇ꦄꦧꦢ꧀꧉ꦥꦫꦄꦃꦭꦶꦧꦱꦗꦮꦔꦼꦮꦿꦠ꧀ꦱꦗꦫꦃꦧꦱꦗꦮꦮꦺꦴꦤ꧀ꦠꦼꦤ꧀ꦲꦶꦁꦥꦠꦁꦠꦲꦥ꧀:

ꦧꦱꦗꦮꦏꦸꦤ꧈ꦮꦶꦮꦶꦠ꧀ꦄꦧꦢ꧀ꦏꦥꦶꦁ꧇꧙꧇
ꦧꦱꦗꦮꦠꦼꦔꦲꦤ꧀‌꧈ꦮꦶꦮꦶꦠ꧀ꦄꦧꦢ꧀ꦏꦥꦶꦁ꧇꧑꧓꧇
ꦧꦱꦗꦮꦲꦚꦂ꧈ꦮꦶꦮꦶꦠ꧀ꦄꦧꦢ꧀ꦏꦥꦶꦁ꧇꧑꧖꧇
ꦧꦱꦗꦮꦩꦺꦴꦢꦺꦉꦤ꧀‌꧈ꦮꦶꦮꦶꦠ꧀ꦲꦧꦢ꧀ꦥꦶꦁ꧇꧒꧐꧇(ꦥꦿꦠꦺꦭꦤ꧀ꦥꦸꦤꦶꦏꦧꦺꦴꦠꦺꦤ꧀ꦢꦶꦥꦸꦤ꧀ꦒꦶꦤꦏꦏꦺꦤ꧀ꦏꦤ꧀ꦛꦶꦲꦸꦩꦸꦩ꧀)

꧋ꦱꦤꦗꦤ꧀ꦧꦺꦴꦠꦺꦤ꧀ꦢꦝꦺꦴꦱ꧀ꦧꦱꦉꦱ꧀ꦩꦶꦮꦺꦴꦤ꧀ꦠꦺꦤ꧀ꦥꦸꦤ꧀ꦢꦶꦏꦼꦩꦮꦺꦴꦤ꧀‌꧈ꦧꦱꦗꦮꦶꦧꦱꦎꦴꦱ꧀ꦠꦿꦺꦴꦤꦺꦱꦶꦪꦲꦶꦁꦏꦁꦏꦛꦃꦢꦺꦮꦺꦕꦕꦲꦶꦥꦸꦤ꧀ꦥꦤꦸꦠꦸꦂꦲꦶꦧꦸꦤꦶꦥꦸꦤ꧀꧈^[2]ꦧꦱꦥꦸꦤꦶꦏꦢꦶꦥꦸꦤꦠꦸꦫꦏꦺꦤ꧀ꦭꦤ꧀ꦢꦶꦥꦸꦤ꧀ꦩꦔꦺꦂꦠꦺꦴꦱꦶꦢꦺꦤꦶꦁꦏꦶꦫꦁꦭꦁꦏꦸꦁ꧇꧘꧐꧇ꦪꦸꦠꦠꦶꦪꦁ꧉ꦏꦶꦫꦁꦭꦁꦏꦸꦁ꧇꧔꧕꧇%ꦏꦁꦤ꧀ꦢꦸꦤꦸꦔꦶꦤꦒꦫꦶꦆꦤ꧀ꦝꦺꦴꦤꦺꦱꦶꦪꦠꦼꦢꦏ꧀ꦠꦸꦫꦸꦤꦶꦁꦠꦶꦪꦁꦗꦮꦶꦲꦸꦠꦮꦶꦩꦁꦒꦺꦤ꧀ꦲꦶꦁꦠꦤꦃꦗꦮꦶ꧉ꦩꦺꦃꦏꦧꦺꦃꦥꦿꦺꦱꦶꦢꦺꦤ꧀ꦆꦤ꧀ꦝꦺꦴꦤꦺꦱꦶꦪꦮꦶꦮꦶꦠ꧀ꦠꦲꦸꦤ꧀꧇꧑꧙꧔꧕꧇ꦥꦸꦤꦶꦏꦠꦸꦫꦸꦤꦤ꧀ꦗꦮꦶ(ꦱꦗꦠꦺꦴꦱꦶꦥꦸꦤ꧀ꦏꦧꦺꦃꦠꦸꦫꦸꦤꦤ꧀ꦗꦮꦶ꧈ꦧ꧈ꦗ꧈ꦲꦧꦶꦧꦶꦲꦸꦒꦶꦔꦏꦺꦤ꧀ꦲꦶꦧꦸꦤꦶꦥꦸꦤ꧀ꦥꦿꦶꦪꦪꦶꦗꦮꦶ)꧉ꦩꦸꦭ꧈ꦧꦺꦴꦠꦺꦤ꧀ꦔ꧀ꦒꦸꦩꦸꦤꦏꦺ꧈ꦧꦱꦗꦮꦶꦩꦺꦤꦺꦲꦶꦥꦔꦫꦸꦃꦲꦒꦼꦁꦲꦶꦁꦥꦶꦏꦺꦩ꧀ꦧꦔꦤꦶꦥꦸꦤ꧀ꦧꦱꦆꦤ꧀ꦝꦺꦴꦤꦺꦱꦶꦪ꧉

꧋ꦧꦱꦗꦮꦩꦺꦴꦢꦺꦉꦤ꧀ꦏꦥꦺꦫꦁꦢꦝꦺꦴꦱ꧀ꦠꦶꦒꦁꦕꦫꦧꦱꦲꦸꦠꦮꦶꦧꦱꦮꦁꦱ(ꦫꦸꦩ꧀ꦥꦸꦤ꧀)ꦲꦸꦠꦩꦶ:ꦕꦫꦗꦮꦏꦸꦭꦺꦴꦤ꧀꧈ꦕꦫꦗꦮꦠꦼꦔꦃ꧈ꦭꦤ꧀ꦕꦫꦗꦮꦮꦺꦠꦤ꧀꧉ꦲꦶꦁꦥꦸꦭꦺꦴꦗꦮ꧈ꦮꦺꦴꦤ꧀ꦠꦺꦤ꧀ꦲꦶꦁꦏꦁꦢꦶꦥꦸꦤ꧀ꦱꦼꦧꦠ꧀ꦝꦶꦪꦭꦺꦕ꧀ꦠ꧀ꦕꦺꦴꦤ꧀ꦠꦶꦤꦸꦲꦸꦩ꧀(ꦱꦱꦩ꧀ꦧꦺꦠꦤꦶꦁꦕꦫꦧꦱ)ꦱꦏꦶꦁꦧꦤ꧀ꦠꦼꦤ꧀꧈ꦲꦶꦁꦥꦸꦕꦸꦏꦶꦁꦏꦸꦭꦺꦴꦤ꧀‌꧈ꦢꦸꦩꦸꦒꦶꦧꦚꦸꦮꦔꦶ꧈ꦲꦶꦁꦥꦸꦕꦸꦏꦶꦁꦮꦺꦠꦤ꧀꧈ꦱꦩꦶꦕꦫꦧꦱꦗꦮꦥꦸꦤꦶꦏꦏꦛꦃꦲꦶꦁꦏꦁꦱꦒꦼꦣ꧀ꦢꦶꦥꦸꦤ꧀ꦩꦔꦺꦂꦠꦺꦴꦱꦶꦢꦺꦤꦶꦁꦥꦫꦥꦤꦸꦠꦸꦫꦶꦥꦸꦤ꧀(ꦆꦁ:ꦩꦸꦠꦸꦮꦭ꧀ꦭꦶꦆꦤ꧀ꦠꦼꦭꦼꦒꦶꦧꦼꦭ꧀)꧉

꧋ꦧꦱꦗꦮꦱꦒꦼꦣ꧀ꦢꦶꦥꦸꦤ꧀ꦱꦺꦫꦠ꧀ꦔ꧀ꦒꦶꦤꦏꦏꦼꦤ꧀ꦲꦏ꧀ꦱꦫꦗꦮ꧈(ꦠꦸꦫꦸꦤꦤꦶꦥꦸꦤ꧀ꦄꦏ꧀ꦱꦫꦧꦿꦃꦩꦶꦱꦏꦶꦁꦆꦤ꧀ꦝꦶꦪ)꧈ꦄꦏ꧀ꦱꦫꦗꦮꦄꦫꦧ꧀(ꦥꦺꦒꦺꦴꦤ꧀)ꦭꦤꦲꦏ꧀ꦱꦫꦭꦠꦶꦤ꧀꧈^[3]

ꦫꦸꦗꦸꦏꦤ꧀

↑ "Peraturan Daerah Daerah Istimewa Yogyakarta Nomor 2 Tahun 2021 tentang Pemeliharaan dan Pengembangan Bahasa, Sastra, dan Aksara Jawa".
↑ Diirit déning,--boten kalebet dhialèk Cina lan basa Indic kanthi status resmi nagara--basa Sunda saking pérangan kulon pulo Jawa
↑ Van der Molen (1983:VII-VIII).

[1] "Peraturan Daerah Daerah Istimewa Yogyakarta Nomor 2 Tahun 2021 tentang Pemeliharaan dan Pengembangan Bahasa, Sastra, dan Aksara Jawa".

[2] Diirit déning,--boten kalebet dhialèk Cina lan basa Indic kanthi status resmi nagara--basa Sunda saking pérangan kulon pulo Jawa

[3] Van der Molen (1983:VII-VIII).

[1]

[2]

[3]