ꦭꦺꦴꦤ꧀ꦛꦺꦴꦁꦏꦸꦥꦁ

 
ꦗꦮ
   

ꦭꦺꦴꦤ꧀ꦛꦺꦴꦁ ꦏꦸꦥꦁ ꦲꦸꦠꦮ ꦏꦸꦥꦁ ꦭꦺꦴꦤ꧀ꦛꦺꦴꦁ ꦪꦲꦶꦏꦸ ꦥꦔꦤ꧀ꦤꦤ꧀ ꦏ꦳ꦱ꧀ ꦲꦫꦸꦥ ꦭꦺꦴꦤ꧀ꦛꦺꦴꦁ ꦱꦏ ꦥꦱꦶꦱꦶꦂ ꦮꦺꦠꦤ꧀ ꦗꦮ ꦮꦺꦠꦤ꧀, ꦲꦸꦠꦩꦤꦺ ꦠ꧀ꦭꦠꦃ ꦱꦸꦫꦧꦪ, ꦥꦱꦸꦫꦸꦃꦲꦤ꧀ ꦭꦤ꧀ ꦱꦶꦢꦲꦂꦗ. ꦱꦤꦢꦾꦤ꧀ ꦗꦼꦤꦼꦁꦔꦺ ꦭꦺꦴꦤ꧀ꦛꦺꦴꦁ ꦏꦸꦥꦁ, ꦲꦤꦔꦶꦁ ꦲꦺꦴꦫ ꦲꦤ ꦒꦤ꧀ꦝꦺꦁ ꦕꦺꦤꦺꦁꦔꦺ ꦏꦫꦺꦴ ꦏꦸꦛ ꦏꦸꦥꦁ, ꦤꦸꦱ ꦠꦼꦁꦒꦫ ꦮꦺꦠꦤ꧀. ꦥꦔꦁꦒꦺꦴꦤ꧀ꦤꦤ꧀ ꦗꦼꦤꦼꦁ ꦏꦸꦥꦁ ꦲꦶꦏꦶ ꦒꦼꦒꦪꦸꦠ꧀ꦠꦤ꧀ ꦏꦫꦺꦴ ꦧꦲꦤ꧀ ꦣꦱꦂꦫꦺ ꦲꦫꦸꦥ ꦏꦸꦥꦁ ꦪꦲꦶꦏꦸ ꦏꦼꦫꦁ ꦕꦶꦭꦶꦏ꧀ꧏ ꦲꦸꦠꦮ ꦏꦮꦼꦤ꧀ꦠꦂ ꦩꦮ ꦗꦼꦤꦼꦁ ꦉꦩꦶꦱ꧀. ꦉꦩꦶꦱ꧀ ꦲꦶꦏꦶ ꦲꦸꦏꦸꦂꦫꦤ꧀ꦤꦺ ꦥꦣ ꦏꦪ ꦧꦼꦫꦱ꧀, ꦱꦮꦼꦠꦫ 1 ꦱꦺꦤ꧀ꦠꦶꦩꦺꦠꦼꦂ.[1] ꦏꦸꦥꦁ ꦱꦶꦁ ꦢꦸꦮꦺ ꦗꦼꦤꦼꦁ ꦭꦠꦶꦤ꧀ Corbula faba ꦢꦶꦠꦼꦩꦺꦴꦤꦶ ꦲꦶꦁ ꦥꦱꦶꦱꦶꦂ ꦭꦲꦸꦠ꧀ ꦏꦁ ꦩ꧀ꦧꦚꦸ ꦲꦱꦶꦤ꧀ ꦱꦭꦃ ꦱꦶꦗꦶꦤꦺ ꦲꦶꦏꦸ ꦲꦶꦁ ꦩꦼꦢꦸꦫ. ꦏꦸꦥꦁ ꦢꦸꦮꦺ ꦏꦤ꧀ꦝꦸꦠ꧀ꦠꦤ꧀ Fe (ꦗ꦳ꦠ꧀ ꦧꦼꦱꦶ) ꦭꦤ꧀ Zn (zinc/ꦱꦺꦁ).[2] Olah-olahan iki kasusun saka lonthong, kupang, lentho lan sambel petis.[3] ꦥꦔꦤ꧀ꦤꦤ꧀ ꦲꦶꦏꦶ ꦫꦱꦤꦺ ꦒꦸꦫꦶꦃ, ꦥꦼꦣꦼꦱ꧀ ꦭꦤ꧀ ꦫꦢ ꦊꦒꦶ. ꦗꦗꦤ꧀ꦤꦤ꧀ ꦲꦶꦏꦶ ꦧꦶꦱ ꦢꦶꦠꦼꦩꦺꦴꦤꦶ ꦲꦶꦁ ꦮꦫꦸꦁ ꦭꦤ꧀ ꦧꦏꦸꦭ꧀ ꦥꦶꦁꦒꦶꦂ ꦢꦭꦤ꧀. ꦥꦢꦠ꧀ꦠꦤ꧀ꦤꦺ ꦭꦺꦴꦤ꧀ꦛꦺꦴꦁ ꦏꦸꦥꦁ ꦢꦶꦥꦔꦤ꧀ ꦏꦫꦺꦴ ꦱꦠꦺ ꦏꦼꦫꦁ ꦭꦤ꧀ ꦲꦺꦴꦩ꧀ꦧꦺꦤ꧀-ꦲꦺꦴꦩ꧀ꦧꦺꦤ꧀ ꦲꦫꦸꦥ ꦌꦱ꧀ ꦢꦼꦒꦤ꧀.

ꦭꦺꦴꦤ꧀ꦛꦺꦴꦁ ꦏꦸꦥꦁ
ꦭꦺꦴꦤ꧀ꦛꦺꦴꦁ ꦏꦸꦥꦁ ꦏꦫꦺꦴ ꦱꦠꦺ ꦏꦼꦫꦁ
Jeneng liyanéꦭꦺꦴꦤ꧀ꦛꦺꦴꦁ ꦏꦸꦥꦁ
Ajanganꦥꦔꦤ꧀ꦤꦤ꧀ ꦲꦸꦠꦩ
Panggonan asalꦆꦤ꧀ꦝꦺꦴꦤꦺꦱꦾ
Tlatah utawa prajaꦗꦮ ꦮꦺꦠꦤ꧀
Hawa ajanganꦥꦤꦱ꧀
Woworan pokokꦭꦺꦴꦤ꧀ꦛꦺꦴꦁ, ꦏꦼꦫꦁ, ꦧꦸꦩ꧀ꦧꦸ
Buku masakan: ꦭꦺꦴꦤ꧀ꦛꦺꦴꦁ ꦏꦸꦥꦁ  Médhia: ꦭꦺꦴꦤ꧀ꦛꦺꦴꦁ ꦏꦸꦥꦁ

ꦕꦫ ꦔ꧀ꦒꦮꦺ besut

ꦔ꧀ꦒꦮꦺ ꦥꦔꦤ꧀ꦤꦤ꧀ ꦲꦶꦏꦶ ꦕꦸꦏꦸꦥ꧀ ꦒꦩ꧀ꦥꦁ ꦤꦭꦶꦏ ꦮꦶꦱ꧀ ꦲꦤ ꦭꦺꦴꦤ꧀ꦛꦺꦴꦁ ꦭꦤ꧀ ꦊꦤ꧀ꦛꦺꦴ ꦱꦶꦁ ꦮꦶꦱ꧀ ꦢꦢꦶ. ꦩꦼꦤꦮ ꦢꦸꦫꦸꦁ ꦒꦮꦺ, ꦭꦺꦴꦤ꧀ꦛꦺꦴꦁ ꦭꦤ꧀ ꦊꦤ꧀ꦛꦺꦴ ꦲꦶꦏꦶ ꦩ꧀ꦧꦸꦠꦸꦃꦲꦏꦺ ꦮꦼꦏ꧀ꦠꦸ ꦱꦸꦮꦺ ꦏꦁꦒꦶ ꦔꦺꦴꦭꦃ.

ꦧꦲꦤ꧀ besut

  • ꦧꦚꦸ
  • 500 ꦒꦿꦩ꧀ ꦏꦸꦥꦁ
  • ꦲꦸꦪꦃ ꦱꦕꦸꦏꦸꦥ꧀ꦥꦺ
  • ꦭꦺꦴꦤ꧀ꦛꦺꦴꦁ
  • ꦊꦤ꧀ꦛꦺꦴ
  • ꦧꦿꦩ꧀ꦧꦁ
  • ꦧꦮꦁ
  • ꦱꦩ꧀ꦧꦼꦭ꧀ ꦥꦼꦠꦶꦱ꧀
  • ꦒꦸꦭ
  • ꦗꦼꦫꦸꦏ꧀ ꦤꦶꦥꦶꦱ꧀
 
ꦭꦺꦴꦤ꧀ꦛꦺꦴꦁ ꦏꦸꦥꦁ ꦲꦶꦁ ꦥꦶꦫꦶꦁ

ꦕꦫ ꦔꦺꦴꦭꦃ besut

  1. ꦒꦺꦴꦣꦺꦴꦒ꧀ ꦏꦸꦥꦁ ꦏꦫꦺꦴ ꦧꦚꦸ ꦭꦤ꧀ ꦲꦸꦪꦃ ꦔꦤ꧀ꦠꦶ ꦩꦠꦼꦁ
  2. ꦩꦼꦤꦮ ꦮꦶꦱ꧀ ꦩꦠꦼꦁ ꦧꦚ꧀ꦗꦸꦂ ꦢꦶꦲꦼꦤ꧀ꦠꦱ꧀
  3. ꦲꦸꦊꦒ꧀ ꦭꦺꦴꦩ꧀ꦧꦺꦴꦏ꧀, ꦲꦸꦪꦃ, ꦒꦸꦭ, ꦊꦮꦁ, ꦧꦿꦩ꧀ꦧꦁ, ꦭꦤ꧀ ꦱꦩ꧀ꦧꦼꦭ꧀ ꦥꦼꦠꦶꦱ꧀ ꦲꦶꦁ ꦭꦺꦩ꧀ꦥꦺꦂ
  4. ꦥꦼꦉꦱ꧀ ꦗꦼꦫꦸꦏ꧀ ꦤꦶꦥꦶꦱ꧀ ꦲꦶꦁ ꦱꦩ꧀ꦧꦼꦭ꧀
  5. ꦲꦶꦫꦶꦱ꧀ ꦭꦺꦴꦤ꧀ꦛꦺꦴꦁ ꦭꦤ꧀ ꦊꦤ꧀ꦛꦺꦴ ꦲꦶꦁ ꦥꦶꦫꦶꦁ
  6. ꦱꦸꦤ꧀ꦠꦼꦏ꧀ ꦱꦩ꧀ꦧꦼꦏ꧀ ꦱꦏ ꦭꦺꦩ꧀ꦥꦺꦂ
  7. ꦮꦺꦤꦺꦃꦲꦏꦺ ꦏꦸꦥꦁ ꦭꦤ꧀ ꦢꦸꦢꦸꦃꦲꦺ ꦱꦕꦸꦏꦸꦥ꧀ꦥꦺ
  8. ꦏꦼꦥꦾꦸꦂꦫꦶ ꦧꦮꦁ ꦒꦺꦴꦫꦺꦁ ꦲꦶꦁ ꦣꦸꦏꦸꦂꦫꦺ ꦭꦤ꧀ ꦲꦶꦫꦶꦱ꧀ꦱꦤ꧀ ꦗꦼꦫꦸꦏ꧀ ꦤꦶꦥꦶꦱ꧀ ꦲꦶꦁ ꦱꦤ꧀ꦝꦶꦁꦔꦺ
  9. ꦭꦸꦮꦶꦃ ꦮꦺꦤꦏ꧀ ꦩꦼꦤꦮ ꦢꦶꦥꦔꦤ꧀ ꦏꦫꦺꦴ ꦱꦠꦺ ꦏꦼꦫꦁ ꦭꦤ꧀ ꦲꦺꦱ꧀ ꦢꦼꦒꦤ꧀[4]

Pranala njaba besut

Resèp masak lonthong kupang

Vidéyo masak lonthong kupang

Kapustakan besut

  1. Times, I. D. N.; Ariyandini, Fanny. "Mengenal Lontong Kupang, Makanan Khas Jawa Timur". IDN Times (ing basa Indonesia). Dibukak ing 2020-05-25.
  2. Kaya, Indonesia. "Lontong Kupang, Lontong dengan Siraman Kerang Kecil Khas Surabaya : Kuliner - Situs Budaya Indonesia". IndonesiaKaya (ing basa Indonesia). Dibukak ing 2020-05-25.
  3. Fitria, Riska. "Ayo Rek! Jajan Lontong Kupang Enak dan Murah di 5 Tempat Makan". detikfood (ing basa Indonesia). Dibukak ing 2020-05-25.
  4. "Resep Membuat Lontong kupang Khas Jawa Timur". Informasi Wisata & Kuliner. Diarsip saka sing asli ing 2020-08-11. Dibukak ing 2020-05-25.