ꦭꦺꦴꦤ꧀ꦛꦺꦴꦁꦠꦸꦪꦸꦃꦲꦤ꧀
ꦗꦮ
|
ꦭꦺꦴꦤ꧀ꦛꦺꦴꦁꦠꦸꦪꦸꦃꦲꦤ꧀ ꦏꦊꦧꦸ ꦱꦭꦃ ꦱꦮꦶꦗꦶꦤꦶꦁ ꦥꦔꦤ꧀ꦤꦤ꧀ ꦏꦁ ꦏꦱ꧀ ꦱꦏ ꦏꦧꦸꦥꦠꦺꦤ꧀ ꦉꦩ꧀ꦧꦁ.[1] ꦢꦶꦮꦺꦤꦺꦃꦲꦶ ꦗꦼꦤꦼꦁ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦲꦩꦂꦒ ꦱꦶꦁ ꦒꦮꦺ ꦭꦤ꧀ ꦱꦶꦁ ꦢꦺꦴꦢꦺꦴꦭ꧀ꦭꦤ꧀ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦲꦶꦏꦸ ꦱꦏ ꦢꦺꦱ ꦠꦸꦪꦸꦃꦲꦤ꧀ ꦏꦕꦩꦠ꧀ꦠꦤ꧀ ꦥꦚ꧀ꦕꦸꦂ.[1] ꦥꦔꦤ꧀ꦤꦤ꧀ ꦏꦱ꧀ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦲꦶꦏꦸ ꦲꦮꦸꦗꦸꦢ꧀ ꦭꦺꦴꦤ꧀ꦛꦺꦴꦁ ꦏꦤ꧀ꦛꦶ ꦱꦪꦸꦂ ꦱꦤ꧀ꦠꦼꦤ꧀ ꦫꦢ ꦥꦼꦣꦼꦱ꧀ ꦏꦁ ꦲꦤ ꦫꦱ ꦏꦼꦩꦶꦫꦶ, ꦗꦶꦤ꧀ꦠꦼꦤ꧀, ꦭꦤ꧀ ꦧꦮꦁ, ꦱꦂꦠ ꦥꦶꦠꦶꦏ꧀ ꦏꦩ꧀ꦥꦸꦁ ꦏꦁ ꦮꦶꦱ꧀ ꦢꦶꦲꦶꦫꦶꦱ꧀-ꦲꦶꦫꦶꦱ꧀ ꦏꦺꦴꦩ꧀ꦥ꧀ꦭꦶꦠ꧀ ꦔꦁꦒꦺꦴ ꦗꦼꦫꦺꦴꦮꦤ꧀ ꦭꦤ꧀ ꦠꦺꦩ꧀ꦥꦺ.[1] ꦭꦸꦮꦶꦃ ꦈꦤꦶꦏ꧀ ꦩꦤꦺꦃ, ꦏꦧꦺꦃ ꦮꦺꦴꦁ-ꦮꦺꦴꦁ ꦱꦶꦁ ꦢꦺꦴꦢꦺꦴꦭ꧀ꦭꦤ꧀ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦔꦁꦒꦺꦴ ꦲꦁꦏꦿꦶꦁ ꦱꦏ ꦥꦿꦶꦁ ꦭꦤ꧀ ꦥꦼꦚ꧀ꦗꦭꦶꦤ꧀ ꦏꦁ ꦔꦁꦒꦺꦴ ꦭꦩ꧀ꦥꦸ ꦠꦺꦥ꧀ꦭꦺꦴꦏ꧀ ꦱꦶꦁ ꦢꦶꦒꦮꦺ ꦱꦏ ꦒꦼꦢꦼꦧꦺꦴꦒ꧀ ꦒꦼꦣꦁ.[1] ꦭꦸꦩꦿꦃꦲꦺ ꦏꦸꦭꦶꦤꦺꦂ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦲꦶꦏꦶ ꦢꦶꦗꦗꦏ꧀ꦏꦏꦺ ꦲꦶꦁ ꦏꦺꦴꦩ꧀ꦥ꧀ꦭꦺꦏ꧀ ꦮꦫꦸꦁ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦲꦶꦁ ꦢꦺꦱ ꦠꦸꦪꦸꦃꦲꦤ꧀ (ꦥꦸꦚ꧀ꦗꦺꦫꦺ), ꦥꦸꦗꦱꦼꦫ ꦢꦺꦱ ꦫꦶꦔꦶꦤ꧀, ꦥꦸꦗꦱꦼꦫ ꦢꦸꦏꦸꦃ ꦥꦺꦫꦺꦁ ꦢꦺꦱ ꦗꦼꦫꦸꦏ꧀, ꦠꦿꦺꦴꦠꦺꦴꦮꦂ ꦏꦶꦢꦸꦭ꧀ ꦩꦱ꧀ꦗꦶꦢ꧀ ꦗꦩꦶꦏ꧀ ꦭꦱꦼꦩ꧀, ꦭꦤ꧀ ꦲꦶꦁ ꦲꦢꦶꦕꦫ-ꦲꦢꦶꦕꦫ ꦱꦼꦣꦼꦏꦃ ꦧꦸꦩꦶ. ꦕꦫ ꦩꦱꦏ꧀ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦲꦶꦏꦶ ꦩꦺꦃ ꦥꦣ ꦏꦫꦺꦴ ꦩꦱꦏ꧀ ꦲꦺꦴꦥꦺꦴꦂ ꦲꦪꦩ꧀ ꦧꦶꦪꦱ.[2] ꦧꦸꦩ꧀ꦧꦸ-ꦧꦸꦩ꧀ꦧꦸ ꦱꦶꦁ ꦢꦶꦒꦸꦤꦏ꧀ꦏꦏꦺ, ꦪꦲꦶꦏꦸ ꦧꦿꦩ꧀ꦧꦁ, ꦧꦮꦁ, ꦭꦲꦺꦴꦱ꧀, ꦏꦼꦩꦶꦫꦶ, ꦏꦼꦠꦸꦩ꧀ꦧꦂ, ꦏꦼꦚ꧀ꦕꦸꦂ, ꦥꦭ, ꦭꦤ꧀ ꦏꦸꦤꦶꦂ.[2] ꦱꦸꦥꦪ ꦫꦱꦤꦺ ꦏꦱ꧀, ꦧꦸꦩ꧀ꦧꦸ-ꦧꦸꦩ꧀ꦧꦸ ꦩꦲꦸ ꦢꦶꦠꦩ꧀ꦧꦃꦲꦶ ꦭꦺꦴꦩ꧀ꦧꦺꦴꦏ꧀ ꦲꦧꦁ ꦭꦤ꧀ ꦗꦲꦺ ꦢꦶꦠꦸꦩꦶꦱ꧀ ꦔꦤ꧀ꦠꦶ ꦲꦭꦸꦩ꧀.[2] ꦏꦁꦒꦺꦴ ꦤꦩ꧀ꦧꦃ ꦲꦫꦺꦴꦩ, ꦲꦸꦒ ꦢꦶꦮꦺꦤꦺꦃꦲꦶ ꦒꦺꦴꦣꦺꦴꦁ ꦱꦭꦩ꧀ ꦭꦤ꧀ ꦱꦼꦫꦺ.[2]
ꦕꦫꦤꦺ ꦔ꧀ꦒꦮꦺ ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀
besutꦧꦲꦤ꧀
besut½ ꦧꦸꦤ꧀ꦠꦸꦠ꧀ ꦥꦶꦠꦶꦏ꧀, ꦥꦺꦴꦠꦺꦴꦁ 4 ꦥꦺꦫꦁꦔꦤ꧀, 4 ꦧꦸꦮꦃ ꦲꦠꦶ ꦥꦶꦠꦶꦏ꧀, 4 ꦧꦸꦮꦃ ꦉꦩ꧀ꦥꦼꦭ ꦥꦶꦠꦶꦏ꧀, 4 ꦧꦸꦮꦃ ꦭꦺꦴꦤ꧀ꦛꦺꦴꦁ, 3 ꦧꦸꦮꦃ ꦭꦺꦴꦩ꧀ꦧꦺꦴꦏ꧀ ꦲꦧꦁ ꦢꦶꦲꦶꦫꦶꦱ꧀ ꦠꦶꦥꦶꦱ꧀, 1 ꦊꦩ꧀ꦧꦂ ꦒꦺꦴꦣꦺꦴꦁ ꦱꦭꦩ꧀, 1 ꦮꦠꦁ ꦱꦼꦫꦺ, 1 ꦱꦺꦤ꧀ꦝꦺꦴꦏ꧀ ꦲꦸꦪꦃ, 750 ml ꦱꦤ꧀ꦠꦼꦤ꧀ ꦲꦺꦚ꧀ꦕꦺꦂ ꦱꦏ ½ ꦒ꧀ꦭꦺꦴꦤ꧀ꦝꦺꦴꦁ ꦏ꧀ꦭꦥ, 500 ml ꦱꦤ꧀ꦠꦼꦤ꧀ ꦏꦼꦤ꧀ꦛꦼꦭ꧀ ꦱꦏ 1 ꦧꦸꦠꦶꦂ ꦏ꧀ꦭꦥ, 2 ꦱꦺꦤ꧀ꦝꦺꦴꦏ꧀ ꦊꦔ,[3]
ꦧꦸꦩ꧀ꦧꦸꦤꦺ
besut12 ꦱꦶꦪꦸꦁ ꦧꦿꦩ꧀ꦧꦁ, 6 ꦱꦶꦪꦸꦁ ꦧꦮꦁ, 7 ꦧꦸꦮꦃ ꦭꦺꦴꦩ꧀ꦧꦺꦴꦏ꧀ ꦲꦧꦁ, 2 cm ꦭꦲꦺꦴꦱ꧀, 5 ꦧꦸꦠꦶꦂ ꦏꦼꦩꦶꦫꦶ, ꦱꦼꦫꦺ, 1 ꦱꦺꦤ꧀ꦝꦺꦴꦏ꧀ ꦠꦺꦃ ꦏꦼꦠꦸꦩ꧀ꦧꦂ, ¼ ꦱꦺꦤ꧀ꦝꦺꦴꦏ꧀ ꦠꦺꦃ ꦗꦶꦤ꧀ꦠꦼꦤ꧀, 2 cm ꦏꦼꦚ꧀ꦕꦸꦂ, ½ ꦱꦺꦤ꧀ꦝꦺꦴꦏ꧀ ꦠꦺꦃ ꦥꦭ, 2 cm ꦏꦸꦤꦶꦂ, 2 cm ꦗꦲꦺ.[3]
ꦕꦫꦤꦺ ꦔ꧀ꦒꦮꦺ
besutꦥꦤꦱ꧀ꦤ ꦊꦔ ꦧꦚ꧀ꦗꦸꦂ ꦠꦸꦩꦶꦱ꧀ ꦭꦺꦴꦩ꧀ꦧꦺꦴꦏ꧀ ꦲꦧꦁ ꦔꦤ꧀ꦠꦶ ꦲꦭꦸꦩ꧀, ꦠꦩ꧀ꦧꦃꦤ ꦧꦸꦩ꧀ꦧꦸ ꦏꦁ ꦮꦶꦱ꧀ ꦢꦶꦲꦸꦊꦒ꧀ ꦔꦤ꧀ꦠꦶ ꦲꦭꦸꦱ꧀, ꦠꦩ꧀ꦧꦃꦤ ꦱꦼꦫꦺ ꦔꦤ꧀ꦠꦶ ꦠꦼꦏꦤ꧀ ꦲꦩ꧀ꦧꦸꦤꦺ ꦮꦔꦶ, ꦕꦩ꧀ꦥꦸꦂꦤ ꦲꦠꦶ ꦭꦤ꧀ ꦉꦩ꧀ꦥꦼꦭ, ꦢꦶꦩꦱꦏ꧀ ꦔꦤ꧀ꦠꦶ ꦒꦤ꧀ꦠꦶ ꦮꦼꦂꦤ, ꦕꦩ꧀ꦥꦸꦂꦤ ꦱꦤ꧀ꦠꦼꦤ꧀ ꦭꦤ꧀ ꦩꦱꦏ꧀ ꦥꦶꦠꦶꦏ꧀ꦏꦺ ꦔꦤ꧀ꦠꦶ ꦩꦠꦼꦁ, ꦱꦮꦶꦱ꧀ꦱꦺ ꦲꦶꦏꦸ ꦮꦺꦤꦺꦃꦲꦶ ꦱꦤ꧀ꦠꦼꦤ꧀ ꦏꦼꦤ꧀ꦛꦼꦭ꧀, ꦧꦚ꧀ꦗꦸꦂ ꦢꦶꦒꦺꦴꦣꦺꦴꦒ꧀ ꦔꦤ꧀ꦠꦶ ꦠꦼꦏꦤ꧀ ꦲꦸꦩꦸꦧ꧀. ꦭꦺꦴꦤ꧀ꦛꦺꦴꦁ ꦠꦸꦪꦸꦃꦲꦤ꧀ ꦮꦶꦱ꧀ ꦏꦱꦼꦣꦶꦪ ꦢꦶꦱꦸꦒꦸꦃꦲꦏꦺ.[3]
ꦕꦛꦼꦠ꧀ꦠꦤ꧀ ꦱꦸꦏꦸ
besut- ↑ a b c d (ing basa Indonésia)Lontong Tuyuhan Copyright © Wongrembang.com. 2002-2008[pranala mati permanèn] (ꦢꦶꦥꦸꦤ꧀ꦠꦶꦔꦭ꧀ꦭꦶ ꦠꦁꦒꦭ꧀ 2 ꦄꦥꦿꦶꦭ꧀ 2011)
- ↑ a b c d (ing basa Indonésia)Citarasa Khas Lontong Tuyuhan Copyrigh © 2008 SuaraWarga - Suara Merdeka CyberNews Groups Archived 2022-02-20 at the Wayback Machine. (ꦢꦶꦥꦸꦤ꧀ꦠꦶꦔꦭ꧀ꦭꦶ ꦠꦁꦒꦭ꧀ 4 ꦄꦥꦿꦶꦭ꧀ 2011)
- ↑ a b c (ing basa Indonésia)Lontong Tuyuhan Archived 2013-12-16 at the Wayback Machine. (ꦢꦶꦥꦸꦤ꧀ꦠꦶꦔꦭ꧀ꦭꦶ ꦠꦁꦒꦭ꧀ 5 ꦄꦥꦿꦶꦭ꧀ 2011)