Aubertin Mallaby

Aubertin Walter Sothern (A.W.S.) Mallaby utawa uga misuwur Brigadir Jenderal Mallaby (lair ing Karajan Manunggal, 12 Dhésèmber 1899 – pati ing Surabaya, Indonésia, 30 Oktober 1945 ing umur 45 taun) ya iku brigadir jenderal Karajan Manunggal sing tilar donya inga prastawa tembak-tembakan 30 Oktober ing Surabaya lan nyurung metuné ultimatum Inggris lan mbledose Paprangan 10 November. Brigadir Jenderal Mallaby ya iku komandan Brigade 49 Divisi India kanthi kakuwatan ± 6.000 prajurit sing péranganing Allied Forces Netherlands East Indies (AFNEI), prajurit Sakuthu sing dikirim ing Indonésia sawisé Perang Donya II kanggo nglucuti senjatané wadya Jepang, mbebasaké tawanan perang Jepang lan mbalèkaké Indonésia manèh dadi Hindia Walanda kakuasaan Walanda ing ngisor administrasi NICA (Netherlands Indies Civil Administration).

Brigadir Jenderal Aubertin Mallaby

Mati lan pecahe Paprangan 10 Novèmber

Mallaby mimpin wadyabalane lumebu Surabaya ing tanggal 25 Oktober 1945 kanggo nglucuti wadya Jepang jumbuh karo isi Perjanjian Yalta. Tujuan iki éntuk perlawanan saka prajurit Indonésia amarga AFNEI nuntut panjenengané nyerahake senjata-senjata sing wes dirampas déning Indonésia luwih disik saka Jepang. Lekas pirang-pirang masalah senjata ing antarané rong prajurit, sing salah sijiné nalika tanggal 30 Oktober 1945 ing cedhak Jembatan Merah, Surabaya. Mobil Buick sing ditumpaki Mallaby dicegat déning prajurit saka Indonésia nalika arep lumantar kreteg lan njalari kadadéan tembak-tembakan sing akhire Mallaby tilar donya déning tembakan pistol salah sijining nom-noman Indonésia sing tekan saiki ora dingertèni identitase, lan kobonge montor Mallaby amarga mbledose salah sijining granat sing njalari mayit Mallaby angèl dikenali.

Montor Brigadir Jenderal Mallaby sing kebakar ing cedhak Gedung Internatio lan Jembatan Merah

Surabaya

Tilar donyane Mallaby njalari Mayor Jenderal E.C. Mansergh, sing ngganti Mallaby ngetokaké ultimatum kanggo prajurit Indonésia ing Surabaya tanggal 9 November 1945 kanggo nyerahake senjata tanpa syarat. Ing tanggal 10 November 1945 lekas Paprangan 10 November amarga pihak Indonésia ora peduli karo ultimatum iki.

Karir militèr

• 1941–1942: Deputi Direktur Operasi Militer, India.
• 1943–1944: Direktur Operasi Militer, India.
• 1944–1945: Perwira Komandan Brigade 49 Divisi India, Hindia Walanda.
• 1945: Tilar donya ing paprangan Surabaya, Indonésia (Hindia Walanda sawisé proklamasi kemerdekaan).

Rujukan

• Ensiklopedi Nasional Indonésia, Edisi 1990, Jilid 10
• Batara R. Hutagalung: “10 November ’45. Mengapa Inggris Membom Surabaya?" Millenium Publisher, Jakarta Oktober 2001, xvi + 472 halaman

Pranala njaba

• (ing basa Inggris) Profil di Generals.dk
• (ing basa Inggris) Who Killed Brigadier Mallaby? (pdf)