Disneyland Tokyo
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Disneyland Tokyo punika papan pariwisata ingkang wonten ing Jepang. Mliginipun wonten Urayasu, Chiba, Jepang [1]. Papan punika awujud taman rékréasi kanthi wiyar dumugi 465.000 m² lan kalebet taman rékréasi saha resort Dysney kaping satunggal ingkang dipunyasa wonten njawinipun Amérika. Disneyland Tokyo punika dipunbangung déning Walt Dysney Imagineering. Taman rékréasi punika dipundamel sami kaliyan Disneyland ingkang wonten ing Anaheim, California. cara ingkang saé piyambak dugi wonten papan punika kanthi mendhet jalur kereta api JR Keiyō saking Stasiun Tokyo dhateng Stasiun Maihama.
Nalika wanci dalu punika wonten parade Dreamlights listrik ingkang menarik. Wonten atusan èwu lampu ingkang ngapung. Saksampunipun mirsani parade sadaya tiyang tindak dhateng astana. Disneyland Tokyo punika gadhah aréa ingkang wonten temanipun kados ta Mermaid Lagoon, Pasisir Arab, Pelabuhan Mediterania, lan sanès-sanèsipun. Mermaid Lagoon punika gadhah astana ing ngandhaping lemah kabangung Ariels lan ing ngandhapipun punika aréa kanthi manéka warna wahana lan toko ingkang dipunyasa kados wujuding iwak paus, saéngga swasananipun kados wonten ing ngandhaping toya. Taman punika ugi gadhah wahana Indiana Jones ingkang mirib sanget kaliyan ingkang wonten ing Disneyland California. Nalika wanci dalu wonten ing Pelabuhan Mediterania, wonten pagelaran ingkang dipunwastani BraviSEAmo, punika pertunjukan ingkang ngginakaken kapal tongkang, toya mancur, èfèk Pyro, lan kembang api [2].
Wonten 7 bertéma tlatah-tlatah ing Tokyo Disneyland, inggih punika:
- World Bazzar
Dunia Bazar punika papan ingkang kathah toko-toko lan restoranipun. Wonten ing papan punika ugi wonten toko kanggé angsai-angsalan.
- Adventureland
Pirates of the Caribbean lan Jungle Curise punika kalebet atraksi ingkang populer wonten ing mriki. Para wisatawan saged nyusuri wahana Laut Karibia lan nyusuri lèpèn wonten ing wana. Wonten ugi Mickey lan Minnie’s Polinesia Paradise ingkang dipunwontenaken ing Terrace Restaurant Polynesia. Wonten ing mriku dhahar sinambi mirsani penari asli saking Polynesia ingkang nari kaliyan Mickey.
- Westernland
Big Thunder Mountain punika daya tarik ingkang paling populer. Mlampah mawi nitih kréta nyusuri tambang-tambang wonten ing donyaning para koboi.
- Critter Country
Daya tarik utama ing papan punika Gunung Splash ingkang kawéntar.
- Fantasyland
Simbol saking taman ing mriki punika kastil Cinderella.
- Toontown
Toontown punika kutha ingkang manéka warna, warna-wani karakter kartun disney, kados ta griyanipun Minnie, griya Dale’s Tree, griya Goofy’s Bounce, lan taksih kathah malih. Celak kaliyan lawang kanggé lumebu Toontown punika wonten taman ingkang kadamel kanggé laré-laré alit. Para laré saged dolanan ing taman punika.
- Tomorrowland
Atraksi ingkang kawéntar ing mriki punika Bintang Tours punika awujud ruang kanggé petualangan lan gunung. Saged ugi nyobi wahana tour dhateng ruang akasa kanthi nitih roket dhateng galaksi.