Divock Origi
Divock Origi yaiku salah sawijining pamain bal-balan aguna saka nagara Bèlgia lan main kanggo klub AC Milan. Dhèwèké duwé jeneng jangkep Divock Okoth Origi (Kenyan English: [diˈvɔk ɔˈkɔθ oˈrigiː] (
rungokaké), main ing posisi panyerang tengah ingkariré. Origi lair ing kutha Oostende, Bèlgia surya kaping 18 wulan April taun 1995 (umur 24). Divock Origi duwé dedeg 189 cm.[5] Dhèwèké yaiku pamain kang duwé campuran getih saka Kénya lan Bèlgia, nanging milih main kanggo nagara Bèlgia jalaran luwih duwé kalodhangan kang gedhé main ing tingkat internasional. Origi kang manganggo seragam nomer 27 kasebut wis nyathetaké panampilan kaping 85 lan nyumbang 18 gol sarta 6 asis sajegé main ing Liga Primèr Inggris.[6]
_(cropped).jpg) Divock Origi Nembé Nglakoni Pemanasan Saduungé Tentandhingan ing Liga Europa Mangsa 2015-2016 | |||
| Katerangan priangga | |||
|---|---|---|---|
| Jeneng dawa | Divock Okoth Origi[1] | ||
| Tanggal lair | 18 April 1995[2] | ||
| Papan lair |
Oostende,  Belgia | ||
| Dhuwur | 1.89 m (6 ft 2 in) | ||
| Posisi main | Panyerang / Suwiwi[3][4] | ||
| Katerangan klub | |||
Tim saiki | AC Milan | ||
| Angka | 27 | ||
| Karir nom | |||
| 2001–2010 | KRC Gènk | ||
| 2010–2012 | Lille | ||
| Karir sénior* | |||
| Taun | Tim | Main | (Gul) |
| 2012–2013 | Lille B | 11 | (2) |
| 2012–2014 | Lille | 40 | (6) |
| 2014–saiki | Liverpool FC | 85 | (18) |
| 2014–2015 | → Lille (silih) | 33 | (8) |
| 2017–2018 | → VfL Wolfsburg (silih) | 31 | (6) |
| – | AC Milan | ||
| Tim nasional‡ | |||
| 2010 | Bèlgia U15 | 2 | (0) |
| 2010–2011 | Bèlgia U16 | 9 | (1) |
| 2011 | Bèlgia U17 | 1 | (0) |
| 2012–2013 | Bèlgia U19 | 19 | (10) |
| 2014–2015 | Bèlgia U21 | 2 | (0) |
| 2014–saiki | Bèlgia | 28 | (3) |
|
* Gunggung main lan gul ing klub sénior tumrap liga dhomèstik iki mligi lan patitis per pukul 14:24, 7 March 2020 (UTC). | |||
Riwayat Transfer
besutSenajan isih enom, nanging Divock Origi wis naté béla sawenèh klub ing liga-liga Éropa wiwit saka KRC Genk yunior, LOSC Lille yunior tekan sènior, Liverpool, lan Vfl Wolfsburg minangka pamain silihan.[5]
- Tanggal 1 Juli 2010 ditransfer saka KRC Genk yunior menyang LOSC Lille yunior.
- Tanggal 1 Juli 2011 promosi saka LOSC Lille yunior menyang LOSC Lille U19.
- Tanggal 1 Juli 2012 promosi saka LOSC Lille U19 menyang LOSC Lille B.
- Tanggal 1 Juli 2013 promosi menyang tim sènior LOSC Lille.
- Tanggal 29 Juli 2014 ditransfer menyang Liverpool FC kanthi rega 12,6 yuta Éuro nanging uga langsung disilihaké manèh ing LOSC Lille sasuwéné setaun.
- Tanggal 30 Juni 2015 bali saka LOSC Lille menyang Liverpool FC.
- Tanggal 31 Agustus 2017 disilihaké Liverpool FC menyang Vfl Wolfsburg kanthi rega 6,50 yuta Éuro.
- Tanggal 30 Juni 2018 bali saka Vfl Wolfsburg menyang Liverpool FC.
Karir Yunior
besutKaya pamain bal salumrahé, Divock Origi ora ujug-ujug langsung dadi pamain kang ana ing klub apik, dhèwèké uga miwiti lelakoné minangka pamain bal-balan saka klub cilik utawa wiwit isih bocah kaya ta KFC De Zwaluw Wiemismeer (1998–1999), KRC Harelbeke (1999–2001), KRC Genk (2001-2010), LOSC Lille (2010-2012).
Karir Sènior
besutKlub
besutLiverpool FC
besutPapan ajeg Divock Origi ing pandhemen Liverpool FC bisa diamanaké ing pungkasan mangsa 2018-2019 sawisé pamain saka Bèlgia kasebut awèh pasumbang menangaké Liverpool FC ing final Liga Champions. Gol ing menit 90+ lumantar tendhangan sikil kiwa menyang gawangé Hugo Lloris mesthèkaké Liverpool menang 2-0 atas Tottenham Hotspur lan kasil brusak kasusahan taun wingi nalika kalah saka Real Madrid ing kutha Kiev. Origi tamtu waé dadi sawijining paraga kang biyantu Liverpool FC menang atas FC Barcelona ing semifinal kanthi dhèwèké nglebokaké rong gol menyang gawangé Marc Andre Ter Stegen kang dadèkaké sawijining wengi kang tansah diéling-éling déning para pandhemen Liverpool FC. Amung telung dina sadurungé tetandhingan kasebut, Divock Origi kang main seka bangku cadhangan uga kasil nyumbang gol kang wigati kanggo mènèhi kamenangan tipis 3-2 atas Newcastle United ing stadhion Saint James Park kanggo njaga gegayuhan menangi juwara liga tetep urip. Nanging tontonan kang paling dieling déning Kopites yaiku nalika Origi ngegolké ing gawang Everton ing menit 90+7 ing tetandhingan dèrby kutha Liverpool lan bisa mbungahaké saisi stadhion. Ing mangsa 2015-2016 Divock Origi uga dadi panyerang kang diandeli déning Jürgen Klopp nalika Si Abang (peparabé Liverpool FC) méntas nganti teka ing final Liga Europa lan ing mangsa 2016-2017 dhèwèké ngegolké cacah 11 saka 43 panampilan jalaran nandhang cidra. Awit saka labuh labeté marang klub Divock Origi diganjar kontrak jangka dawa déning manajemen Liverpool FC ing taun 2019 wingi.[7]
Karir ing Angka
besut| Klub | Mangsa | Liga | Kajuwaran Nasional | Piala Liga | Eropa | Liyané | Gunggung | |||||||
|---|---|---|---|---|---|---|---|---|---|---|---|---|---|---|
| Dhivisi | Main | Gol | Main | Gol | Main | Gol | Main | Gol | Main | Gol | Main | Gol | ||
| Lille B | 2012–13 | CFA | 11 | 2 | — | — | — | — | 11 | 2 | ||||
| Gunggung | 11 | 2 | 0 | 0 | 0 | 0 | 0 | 0 | — | 11 | 2 | |||
| Lille | 2012–13 | Ligue 1 | 10 | 1 | 0 | 0 | 0 | 0 | 0 | 0 | — | 10 | 1 | |
| 2013–14 | Ligue 1 | 30 | 5 | 4 | 1 | 1 | 0 | — | — | 35 | 6 | |||
| 2014–15 | Ligue 1 | 33 | 8 | 1 | 0 | 2 | 0 | 1 | — | 44 | 9 | |||
| Gunggung | 73 | 14 | 5 | 1 | 3 | 0 | 8 | 1 | 0 | 0 | 89 | 16 | ||
| Liverpool | 2015–16 | Liga Primèr | 16 | 5 | 1 | 0 | 4 | 3 | 2 | — | 33 | 10 | ||
| 2016–17 | Liga Primèr | 34 | 7 | 3 | 1 | 6 | 3 | — | — | 43 | 11 | |||
| 2017–18 | Liga Primèr | 1 | 0 | 0 | 0 | 0 | 0 | 0 | 0 | — | 1 | 0 | ||
| 2018–19 | Liga Primèr | 12 | 3 | 1 | 1 | 0 | 0 | 3 | — | 21 | 7 | |||
| 2019–20 | Liga Primèr | 22 | 3 | 3 | 0 | 1 | 2 | 0 | 0 | 36 | 5 | |||
| Gunggung | 85 | 18 | 8 | 2 | 11 | 8 | 26 | 5 | 4 | 0 | 134 | 33 | ||
| Wolfsburg (silih) | 2017–18 | Bundesliga | 31 | 6 | 3 | 0 | — | — | — | 34 | 6 | |||
| Gunggung Karir | 200 | 40 | 16 | 3 | 14 | 8 | 34 | 6 | 4 | 0 | 268 | 57 | ||
Nagara
besut| Tim Nasional | Taun | Panampilan | Gol |
|---|---|---|---|
| Bèlgia | 2014 | 13 | 3 |
| 2015 | 4 | 0 | |
| 2016 | 6 | 0 | |
| 2017 | 2 | 0 | |
| 2018 | 1 | 0 | |
| 2019 | 2 | 0 | |
| Gunggung | 28 | 3 | |
Kaanggep "Legendha" Si Abang
besutNalika palatih Liverpool FC yaiku Jürgen Klopp awèh katrangan marang juru warta ing Anfield nalika Liverpool FC bakal lumawan KRC Genk ing Liga Champions. Klopp ditakoni déning juru warta manawa KRC Genk kalebu sawijining klub gedhé ing Bèlgia kang bisa nglairaké pamain-pamain elok kaya ta Kevin De Bruyne, Kalidou Koulibaly, lan Wilfried Ndidi, banjur Klopp kanthi dumadakan mangsuli sinambi nyèlèhaké gelas ombèné sarta nyebut jeneng Divock Origi. Klopp nerusaké jalaran Divock Origi uga kalebu pamain kang bisa sinebut minangka "legendha" Liverpool FC jalaran asring nyithak gol wigati lan krusial kanggo timé. Tuladhané yaiku nalika Origi nyithak gol ing pungkasan wektu tetandhingan nalika lumawan Everton FC ing Liga Primèr Inggris, sarta gol kang mesthèkaké Liverpool FC menang 2-0 ing final Liga Champions lumawan Tottenham Hotspur ing Stadhion Wanda Métropolitano, Madrid, Spanyol lan gawa Liverpool FC menangi piala kaping enem.[8]
Pangaji-aji
besut
Liverpool FC
besut- Juwara Liga Champions Éropa 2019 ing Madrid.
- Juwara Piyala Super Éropa 2019 ing Istanbul.
- Juwara Piyala Donya Antarklub FIFA 2020 ing Qatar.
- Juwara Liga Primèr Inggris 2020.
Rujukan
besut- ↑ "2014 FIFA World Cup Brazil: List of players: Belgium" (PDF). FIFA. 14 Juli 2014. kc. 4. Diarsip saka sing asli (PDF) ing 21 January 2016. Dibukak ing 14 April 2020.
- ↑ "FIFA Club World Cup Qatar 2019: List of Players: Liverpool" (PDF). FIFA. 21 Dhésèmber 2019. kc. 7. Diarsip saka sing asli (PDF) ing 5 December 2019. Dibukak ing 14 April 2020.
- ↑ Williams, Sam (2 Maret 2019). "Origi on shining his light, wide role and being 'fuelled' for Everton". Liverpool F.C. Dibukak ing 14 April 2020.
- ↑ Carroll, Sam (2 Maret 2019). "Divock Origi opens up on new left-wing role and why Liverpool should remain patient at Everton". Liverpool Echo. Dibukak ing 14 April 2020.
- ↑ a b Transfermarkt, Admin (2020-04-08). "Profil Pamain Divock Okoth Origi (Saka Basa Inggris)". Trasfermarkt. Dibukak ing 2020-04-13.
- ↑ Admin, Premier League. "Deleng Pamain Liga Inggris & Liverpool: Divock Origi (Saka Basa Inggris)". Premier League. Dibukak ing 2020-04-13.
- ↑ Liverpool FC, Admin. "Pamain Tim Utama Liverpool FC Divock Origi". Liverpool FC. Dibukak ing 2020-04-14.
- ↑ Bola, Kumparan (2019-11-05). "Klopp Aja Lali Divock Origi kuwi Legendha Liverpool (Saka Basa Indonesia)". Kumparan. Dibukak ing 2020-04-13.
 | Artikel pemain bal-balan Bèlgi iki minangka artikel rintisan. Kowé bisa ngéwangi Wikipédia ngembangaké. |