A.C. Milan

Associazione Calcio Milan (dicekak AC Milan utawa Milan waé) ya iku sawijining klub bal-balan utawa bal-balan Italia kang basisé ana ing kutha Milan. Milan main nganggo seragam garis abang-ireng lan clana ireng, saéngga dijuluki rossoneri ("abang-ireng"). Milan dadi tim paling sukses kapindho sajeroning sajarah bal-balan Italia, dadi juara Seri A kaping 18 lan Piala Italia ping lima.

A.C. Milan

Jeneng jangkep	Associazione Calcio Milan
Peparab	Rossoneri (Abang-Ireng) Il Diavolo Rosso (Sétan Abang)
Diadegaké	16 Dhésèmber 1899
Lapangan	San Siro, Milan, Itali
Kapasitas	80.018
Ketua	Paolo Scaroni
Manajer
Liga	Serie A
2021-22	Serie A, Juara
Seragam kandang Seragam tandang

Stadhion San Siro Kandhang AC Milan & Inter Milan

Klub iki diadegaké taun 1899 kanthi jeneng Klub Kriket lan Sepak bola Milan (Milan Cricket and Football Club) déning Alfred Edwards, sawijining ekspatriat saka Inggris. Minangka pakurmatan marang asal-usulé, Milan tetep ggunaaké ejaan basa Inggris jeneng kuthané (Milan) tinimbang nganggo ejaan basa Italia Milano.

Stadion lan basis pendukung

Stadion tim wektu iki ya iku Stadion Giuseppe Meazza kang kapasitasé 85.000 pemirsa. Stadion iki juga kaloka kanthi jeneng San Siro. Stadion iki dipigunaaké bebarengan karo Internazionale ("Inter"), klub gedhé liyané ing Milan. Suporter AC Milan nggunakaké "San Siro" kanggo nyebut stadion iku amarga mbiyèné Giuseppe Meazza dadi juru main bintang ing Inter. Nanging, mengkoné, ana wacana kanggo mindahaké homebase Milan menyang stadion anyar, kaya sing diungkapaké déning wakil présidhèn Adriano Galliani ana ing taun 2006.

Miturut sajarah, AC Milan (Ning Italia diarani "Milan" waé) dijurung déning kaum punggawa lan kelas buruh ing Milan (lumrahé para migran saka laladan Italia sisih kidul), déné Inter luwih éntuk panjurung saka wong-wong sugih. Sanajan kaya mangkono, ana ing taun-taun pungkasan, basis pendukungé wis akèh owah-owahan.. Milan saiki diduwèni déning ratu médhia lan mantan Mahamantri Italia, Silvio Berlusconi, déné Inter diduwèni déning pebisnis garis tengah-kiwa, Massimo Moratti. Sanajan ngono, basis pendukung Milan mayoritas duwé haluan pulitik sayap kiwa, sebrang-sebrangan karo Inter kang didominasi déning pendukung kang kanthi tradhisional duwé haluan sayap tengen. Grup pendukung (ultras) kang misuwur saka Milan ya iku Fossa Dei Leoni kang duwé ilèn ekstrim kiri, lan Brigate Rossoneri ilèn ekstrim kanan. Sawisé keributan karo suporter Inter ana ing derby mangsa kompetisi 2005/2006, Fossa Dei Leoni mbubaraké diri kanthi organisasi. Sanajan mangkono, massané isih setia njurung Milan ing tribun mirunggan pérangan kidul stadion San Siro bebarengan karo golongan liya, kanthi sebutan Curva Sud.

Sajarah (1990-an nganti saiki)

Mangsa kejayaan Milan ing era sepakbola modhèren ya iku awal dekade 90-an nalika mendominasi Liga Italia nalika diasuh déning Arrigo Sacchi, lan diterusaké déning Fabio Capello. Puncaké, Milan ngrebut trofi Liga Champions ing taun 1994 ngalahaké Barcelona ing babakfinal. Sakpungkuré Capello (kang nyebrang menyang Spanyol kanggo nglatih Real Madrid), Milan terus mlorot lan lagi bisa ngraih gelar juara Liga Italia ing mangsa kompetisi 1998/1999 nalika diasuh déning pelatih Alberto Zaccheroni. Amarga surut gelar, Zaccheroni nuli diganti déning mantan juru main Milan, Carlo Ancelotti. Ancelotti kasil nggawa Milan ngraih gelar juara Liga Champions ing mangsa 2002/2003 nalika ngalahaké Juventus liwat drama adu pinalti ing Manchester, Inggris. Milan ngraih gelar prestisus pungkasan kanthi ngrebut juara Liga Italia ing mangsa kompetisi 2003/2004 sisan ndadèkaké penyerang Andriy Shevchenko minangka pencetak gol paling akèh ing Liga Italia.

Jawara UEFA Liga Champions mangsa taun 2002–03

Ana ing mangsa kompetisi Liga Italia Seri A 2006/2007, Milan kesangkut skandal calciopoli kang ndadèkaké klub iku kudu wiwit kompetisi kanthi pengurangan 8 poin. Sanajan mangkono, publik Italia tetep bangga amarga ing tengah rusaké citra bal-balan Italia akibat calciopoli, Milan kasil njuarai kompetisi sepakbola kang paling gengsi sadonya, Liga Champions. Prestasi mau direngkuh sawisé Milan naklukaké Liverpool 2-1 liwat loro gol-é Filippo Inzaghi. Gelar iku nuntasaké dendam Milan kang kalah nalika adu penalti karo Liverpool rong taun sadurungé. Gelar pencetak gol paling akèh disabet déning juru main jenius Milan, Kaká kanthi 10 gol. Ana ing pertengahan mangsa, Milan ngundang mantan juru main paling apik sadonya, Ronaldo saka Real Madrid kanggo nguataké armada penyerang sawisé penyerang anom Marco Borriello diukum amarga konangan nganggo doping. Sawisé mangsa kompetisi 2006/2007 bubar, santer dikabaraké yèn Milan bakal kélangan Kaká kang diburu déning Real Madrid. Trequartista asal Brasil iki pancèn wis dadi buronané Madrid kang wis suwé péngin nuku. Madrid nawaraké dhuwit 80 yuta euro utawa setara karo 980 miliar rupiah kanggo transfer Kaká. Kaká ditawari gaji resik 12 juta euro per mangsa, sarta 100% kasil dodolan "merchandise"é. Gaji iki nilainé lipat 2,5 saka gajiné ing Milan. Yèn Kaká nampa tawaran Madrid mau, dhèwèké bakal dadi pebola paling larang sepanjang jaman, ngluwihi rekor Zinedine Zidane kang mung 47 yuta euro. Bapak sisan agen Kaká, Bosco Leite uga sempat mabur menyang Madrid kanggo rundinganmasalah Kaká. Milan mesthi waé ora setuju nglepasaké kanthi rega pira waé. Madrid sidané nyerah. Amarga kasetiaané mau, Milan janji bakal ngunggahaké gaji Kaká.

Pemain kondhang

Demetrio Albertini Jose Altafini Carlo Ancelotti Roberto Baggio Franco Baresi Oliver Bierhoff Luther Blissett Zvonimir Boban Cafu Alessandro Costacurta Hernán Crespo Renzo De Vecchi Marcel Désailly Paolo Di Canio Roberto Donadoni Jimmy Greaves Gunnar Gren Ruud Gullit Kurt Hamrin Filippo Inzaghi Kaká Gianluigi Lentini

Nils Liedholm Cesare Maldini Paolo Maldini Alessandro Nesta Gunnar Nordahl Jean-Pierre Papin Frank Rijkaard Gianni Rivera Rui Costa Sandro Salvadore Dejan Savicevic Juan Alberto Schiaffino Karl Heinz Schnellinger Clarence Seedorf Andriy Shevchenko Angelo Sormani Jaap Stam Giovanni Trapattoni Marco van Basten George Weah Ray Wilkins

Skuad mangsa 2014/2015

Catatan: Data ing ngisor iki bener nganti 26 Agustus 2014.

Pelatih
Filippo Inzaghi

Prestasi

• Seri A: 19
  • 1901, 1906, 1907, 1950-51, 1954-55, 1956-57, 1958-59, 1961-62, 1967-68, 1978-79, 1987-88, 1991-92, 1992-93, 1993-94, 1995-96, 1998-99, 2003-2004, 2010-11, 2021-2022
• Piala/Liga Champions: 7
  • 1962-63, 1968-69, 1988-89, 1989-90, 1993-94, 2002-03, 2006-07
• Piala Italia: 5
  • 1966-67, 1971-72, 1972-73, 1976-77. 2002-03
• Piala Super Italia: 7
  • 1988, 1992, 1993, 1994, 2004, 2011, 2016
• Piala Interkontinental: 3
  • 1969, 1989, 1990
• Piala Super Éropah: 5
  • 1989, 1990, 1994, 2003, 2007
• Piala Winners: 2
  • 1967-68, 1972-73
• Piala Latin (Piala kang paling wigati kanggoné klub-klub Éropah ana ing taun 40-an lan 50-an. Diselenggarakan wiwit 1949 nganti 1957 antara juara-juara Prancis, Italia, Portugal lan Spanyol. Kejuaraan iki ilang sawisé dimulai Piala Champions.)
  • 1951, 1956
• Piala Mitropa
  • 1981/82

Babak Final

• Piala/Liga Champions
  • 1957/58, 1992/93, 1994/95, 2004/5, 2006/7
• Piala Winners
  • 1973/74
• Piala Interkontinental
  • 1963, 1993, 1994, 2003
• Piala Super Éropah
  • 1973, 1993
• Piala Latin
  • 1953
• Piala Italia
  • 1941/42, 1967/68, 1970/71, 1974/75, 1984/85, 1989/90, 1997/98

Pratélan Présidhèn AC Milan

1899-1909 Alfred Edwards 1909-1909 Giannino Camperio (regent) 1909-1928 Piero Pirelli 1928-1930 Luigi Ravasco 1930-1933 Mario Bernazzoli 1933-1935 Luigi Ravasco (komisi mirunggan) 1935-1936 Pietro Annoni 1936-1936 Annoni, Lorenzini dan Valdameri (majelis regent) 1936-1939 Emilio Colombo 1939-1940 Achille Invernizzi 1940-1944 Umberto Trabattoni (komisi mirunggan) 1944-1945 Toni Busini 1945-1954 Umberto Trabattoni 1954-1963 Andrea Rizzoli 1963-1965 Felice Riva 1965-1966 Federico Sordillo (regent)

1966-1967 Luigi Carraro 1967-1971 Franco Carraro 1971-1972 Federico Sordillo 1972-1975 Albino Buticchi 1975-1976 Bruno Pardi 1976-1977 Vittorio Duina 1977-1980 Felice Colombo 1980-1982 Gaetano Morazzoni 1982-1986 Giuseppe Farina 1986-1986 Rosario Lo Verde 1986-2004 Silvio Berlusconi 2004-2006 lowong (pelaksana harian diserahkan kepada wakil présidhèn Adriano Galliani) 2006-2017 Silvio Berlusconi 2017-2018 Li Yonghong 2018- Paolo Scaroni

Pranala njaba

• (ing basa Itali)(ing basa Portugis)(ing basa Cina)(ing basa Jepang) Situs resmi
• Milanisti Indonesia