Wikipédia

El Manik

El Manik ingkang asma nalika miyosipun Iman Emmanuel Ginting Manik (lair ing Bahorok, Sumatera Utara, 17 Novèmber 1949; umur 75 taun) inggih punika aktor filem lan sinétron.[1] Sampun 35 taun El Manik makarya, langkung saking 30 irah-irahan filem sampun dipunbintangi déning El Manik.[1] El Manik mlebet agami Islam amargi ndhèrèk main filem “Titian Serambut Dibelah Tujuh”, awit saking filem punika El Manik ngaku pikantuk hidayah lan mlebet Islam.[2]

El Manik
LairIman Ginting Manik
Pakaryanaktor
Taun aktif1973-sapunika

Karier

besut

Sasampunipun ngrampungaken SPG (Sekolah Pendidikan Guru) ing Binjai, Sumatera Utara ing taun 1969, El Manik lajeng ngulandara dhateng Surabaya.[1] Ing kutha Pahlawan punika, El Manik mbikak studhio foto.[1] Studhio foto El Manik dados sukses, nanging El Manik gadhah kekajengan ingkang sanès lajeng El Manik ndhèrèk tes ing Lembaga Pendidikan Musik & Film ing Jakarta lan sukses dados lulusan ingkang saé piyambak ing lembaga punika.[1] El Manik dipunsemayani badhé dipundherekaken main filem biyoskup. Nanging lembaga pendidikan kasebat sampun mblenjani janji, ngantos damel El Manik ngglandhang, amargi sampun nyade sadaya aset ing studhio foto.[1] El Manik lajeng pikantuk kesempatan dados figuran ing filem ingkang dipunsutradarani Nawi Ismail, "Mereka Kembali" 1973.[1] Sasampunipun punika El Manik dados paraga pembantu ing filem "Cinta Pertama" ingkang dipunsutradarai Teguh Karya lan filem "Kampus Biru" ingkang dipunsutradarai Ami Priyono, lan filem sanèsipun.[1] El Manik pinitados minangka paraga baku wonten ing filem "Jakarta Jakarta" taun 1979 kanthi sutradara Ami Priyono. Ing taun ingkang sami, Teguh Karya maringi peran dados opsir Walanda wonten ing filem "November 1828", ingkang ndadosaken El Manik angsal kanugrahan Piala Citra wonten ing adicara FFI 1979 minangka pemeran pembantu jaler ingkang saé piyambak.[1]

Prestasi

besut

Prestasinipun El Manik ing jagading filem Indonésia inggih punika:

  • Piala Citra FFI 1979 minangka Aktor Pembantu Paling saé wonten ing filem "November 1828"[1]
  • Piala Citra FFI 1984 minangka Aktor Paling saé wonten ing filem "Budak Nafsu"[1]
  • Piala Citra FFI 1985 minangka Aktor Pembantu Paling saé wonten ing filem "Carok"[1]
  • Festival Film Asia Pasifik 1985 minangka Best Supporting Actor wonten ing filem "Jejak Pengantin"[1]
  • Aktor Terpuji ing Festival Film Bandung 2001 ing sinétron "Senandung"[1]
  • Piala Citra FFI 2006 minangka Ingkang maragani Pendukung Pria Paling saé ing filem "Berbagi Suami"[1]

Nominasi

besut

El Manik ugi naté dados nominasi ing sapérangan pahargyan Film Indonésia.

  • "Gara-gara Istri Muda" Aktor Pembantu Paling saé FFI 1980[1]
  • "Dr. Siti Pertiwi Kembali ke Désa" Aktor Pembantu Paling saé FFI 1981[1]
  • "Titian Serambut Dibelah Tujuh" Aktor Paling saé FFI 1983[1]
  • "Jaka Sembung dan Bajing Ireng" Aktor Pembantu Paling saé FFI 1984[1]
  • "Biarkan Bulan Itu" Aktor Utama[1]
  • "Tujuh Manusia Harimau" Aktor Pembantu Paling saé FFI 1987[1]

Filmografi

besut

Film-filem ingkang dipunbintangi déning El Manik kados ta,

Sinetron

besut

El Manik ugi ngambah jagading sinétron. Sinetron ingkang dipunbintangi El Manik inggih punika:

Sutradara

besut

Kajaba dados paraga filem, El manik ugi sutradara. Film-filem ingkang dipungarap déning El Manik inggih punika:

  • Pacar Dunia Akhirat (1996)
  • Panggung Sandwara (1998)
  • Shakila

Sanèsipun ing TV

besut
  • Adzan Subuh ing RCTI-2010
  • Adzan Maghrib ing RCTI (mligi tayangan RCTI ing Jakarta)-2010

Cathetan suku

besut
  1. ↑ a b c d e f g h i j k l m n o p q r s t u v w x y z aa ab ac ad El Manik[pranala mati permanèn] dipunundhuh tanggal 15 Juli 2011)
  2. ↑ El Manik Menjadi Muslim Karena Film Archived 2010-12-02 at the Wayback Machine. (dipuntingali tanggal 14 Juli 2011)

Pranala njawi

besut


Dijupuk saka "https://jv.wikipedia.org/w/index.php?title=El_Manik&oldid=1655844"