Erwin Gutawa
Erwin Gutawa punika salah satunggalipun musisi, konduktor, juru main bas, lan komposer saking Indonésia.[1][2] Sasanèsipun dados konduktor, Erwin Gutawa asring ugi dados prodhuser musik wonten ing pinten-pinten konsèr musisi saking Indonésia.[1] Musisi ingkang naté péntas kanthi iringan Erwin Gutawa kados ta Harvey Malaiholo, Ruth Sahanaya, Chrisye, Titi DJ, Krisdayanti lan Siti Nurhaliza.[1]
| Erwin Gutawa | |
|---|---|
 | |
| Jeneng liya | Erwin Gutawa |
| Pakaryan | komponis |
| Taun aktif | 1989-sapunika |
| Bojo | Lulu Gutawa |
| Anak | Gita Gutawa Rara Gutawa |
Erwin Gutawa lair ing Jakarta, 16 Mèi 1962; umur 62 taun, Putra saking kulawarga (almarhum) Gutawa Sumapraja lan Sariati Kodiat punika pikantuk pendhidhikan formal kanthi ndhèrèk lès piano klasik kawit taksih kelas 4 SD ing Jakarta lan kawit kelas 6 SD, sampun main band lan kadhapuk minangka juru main bas.[1]
Kariripun
besutWiwitanipun Erwin Gutawa dados juru main bas ing band Karimata ing taun 1985.[3] Piyambakipun kalebet lulusan jurusan arsitèktur saking Universitas Indonésia.[3] Erwin Gutawa sinau musik kanthi otodhidhak utawi sinau piyambak.[3] Sapunika Erwin Gutawa kawentar minangka musisi, pangarah musik, pangripta tembang, komposer, orkèstrator, lan kondhuktor.[3] Erwin Gutawa kawentar minangka dados pencetus konsèr tunggal penyanyi ing Indonésia.[3] Erwin Gutawa naté dados prodhuseripun konsèr Chrisye, Siti Nurhaliza, Krisdayanti, 3 Diva, Ruth Sahanaya, Erwin Gutawa Salute to Koes Plus/bersaudara, Rockestra, lan sanès-sanèsipun.[3]
Cathetan suku
besut- ↑ a b c d Biografi Erwin Gutawa Archived 2012-04-15 at the Wayback Machine.(dipunundhuh tanggal 9 Juni 2011)
- ↑ Uce wafat, Erwin Gutawa kaget[pranala mati permanèn](dipunundhuh tanggal 9 Juni 2011)
- ↑ a b c d e f Catatan Konser A Masterpiece of Erwin Gutawa Konser Orkestra Melintas Batas(dipunundhuh tanggal 9 Juni 2011)
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |