Gunung Tandikat
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Gunung Tandikat inggih punika salah satunggaling gunung geni ingkang dumunung ing Dataran Tinggi Minangkabau, udakawis 7,5 km saking kitha Padang Panjang, Sumatra Barat, Indonésia. Gunung Tandikat mbujur dawa tumuju sisih kidul, lan ing sisih kulon mepet kaliyan watesaning Dano Maninjau. Déné ing sisih lor gunung Tandikat wonten Gunung Singgalang, lan ing sisih wétan inggih wujud runtutaning pagunungan vulkanik Tersier ingkang sampun dangu umuripun. Gunung Tandikat ingkang kalebet jinis gunung stratovolcano punika ugi misuwur kanthi nama Tandikek wonten ing basa Minangkabau.
| Tandikat | |
|---|---|
 Gunung Tandikat (kiwa) lan Gunung Singgalang (tengen) dipuntingali saking Gunung Marapi | |
| Titik dhuwur dhéwé | |
| Èlevasi | 2,438 m (7,999 ft) [1] |
| Pratélan | Ribu |
| Koordhinat | 0°25′57″S 100°19′01″E / 0.43250°S 100.31694°E |
| Géografi | |
| Location | Kabupatèn Padang Pariaman, Sumatra Barat, Indonésia |
| Parent range | Bukit Barisan |
| Géologi | |
| Jinisé gunung | stratovolcano |
Gunung Tandikat gadhah tigang kawah ingkang dipunwastani Kawah A, B lan K. Gunung Tandikat mapan wonten ing titik koordinat °25’57″ LS, 100°19’01,69″ BT, ingkang mapan wonten ing Kabupatèn Padang, KAbupaten Agam, saha Kabupatèn Pariaman. Gunung Tandikat kalebet tipe gunung stratovolcano.[2] Gunung Tandikek punika inggih kalebet gunung ingkang paling cendhek saking gugusan Tri Arga ing Sumatra Barat punika. Gunung Tandikat punika inggih kalebet gunung geni ingkang taksih aktip, lan dipuntutupi kaliyan hutan hujan tropis. déné jalur dhaki dhateng Gunung Tandikat punika boten patos angèl.
Jalur Dhaki
besutWonten kalih jalur dhaki ingkang saged dipun-ginakaken déning para pendaki nalika badhé ndhaki Gunung Tandikat punika. Ingkang sapisan inggih Jalur ganting ingkang dipunwiwiti saking désa Ganting ingkang mapan wonten ing dhuwur 1.225 mèter sak nginggiling toya laut, ingkang mapan wonten ing kacamatan sepuluh koto, kabupatèn Tanah Datar. Dangunipun ndhaki normal medal rute punika inggih kirang langkung 7 jam. Jarakipun désa Ganting saking Padang inggih kirang langkung 73 km.[3] Jalur ingkang kaping kalih inggih punika jalur Singgalang-Tandikat. Titik wiwitanipun ndhaki inggih saking tlaga Dewi gunung Singgalang kacamatan !V koto, kabupatèn Tanah Datar. Dangunipun ndhaki normalipun inggih kirang langkung 6 jam.
Transportasi
besutManawi badhé dhateng jalur dhaki Ganting, saged dipunwiwiti saking pusat kitha Padang dugi Terminal Bingkuang nitih angkudan kutha jurusan Pasar Raya-air pecah kanthi mbayar Rp 2.000 saben tiyang. Lajeng saking terminal Bingkuang dhateng Lubuk Mata Kucing Padang Panjang saged nitih bus jurusan Padang-Bukittinggi lajeng mandhap wonten ing terminal Padang Panjang. Reginipun inggih Rp 8.000,-. Lajeng saking terminal Lubuk Mata Kucing dugi désa Ganting nitih angkudan désa jurusan terminal Padang Panjang-désa Ganting kanthi mbayar Rp 2.000,-saben tiyang.
Uga delengen
besutCathetan suku
besut- ↑ sumbar.bps.go.id Nama Gunung, Lokasi dan Tingginya
- ↑ [1] Archived 2012-10-16 at the Wayback Machine. Gunung Tandikat (dipunundhuh tanggal 15 Januari 2013)
- ↑ [2] Archived 2012-11-26 at the Wayback Machine. Gunung Tandikek (dipunundhuh tanggal 15 Januari 2013)