Hallyu

Hallyu utawi Korean Wave ^[1] (Hangul: 한류; Hanja: 韓流; RR: Hallyu, Indonésia: "Gelombang Koréa") punika istilah kanggé nyebaripun budaya pop Koréa kanthi global ing nagara-nagara sanès ing donya.^[2] Padatanipun Hallyu damel kathah tiyang ing nagara-nagara mau supados nyinaoni babagan Basa Koréa lan kabudayan Koréa.^[2]

Wiwitan

Keremenan marang budaya pop Koréa kawiwitan ing Republik Rakyat Cina lan Asia Tenggara nalika pungkasan taun 1990-an.^[2] Istilah Hanliu (韓流, Basa Koréa:한류;Hallyu) dipunadopsi déning médhia Cina bibar album musik pop Koréa, HOT, dipunrilis ing Cina.^[2] Serial drama TV Koréa wiiwt dipunputer ing Cina lan nyebar ing nagara-nagara sanès kados Hongkong, Vietnam, Thailand, Indonesia, Filipina, Jepang, Amérikah Sarékat, Amérika Latin lan Timur Tengah.^[2] Sapunika, Hallyu ugi narok kawigatosan marang produk Koréa Kidul, kados masakan Koréa, piranti elektronik, musik lan filem.^[2] Kawontenan punika ugi damel promosi Basa Koréa lan budaya Koréa dhateng nagara-nagara sanès.^[2] Pamaréntahan Koréa piyambak sarujuk lan gadhah peran anggènipun nyebaraken Hallyu.

Drama Koréa

Salah satunggaling girlband ingkang kondhang saking Koréa, Girl's Generation.

Drama Koréa punika ingkang dados penyebab saking kawiwitanipun Hallyu ing manéka nagara.^[2] Warga Koréa Kidul remen mirsani drama lan filem ugi mirengaken musik.^[2] Perusahaan TV Koréa medalaken béaya ingkang ageng kanggé damel produksi drama lan sapérangan punika pikantuk kasuksesan, dipunekspor dhateng jaban rangkah.^[2] Drama TV ingkang damel Hallyu punika ing antawisipun Winter Sonata, Dae Jang Geum, Stairway to Heaven, Beautiful Days lan Hotelier.^[2] Kawontenan punika dados médhia kanggé miyaraken Basa Koréa lan budaya Koréa. Alur caritanipun ingkang kuwat, genré ingkang gadhah variasi, lan akting para juru main ingkang saé. Kajawi punika carita ingkang trep kaliyan budaya masarakat Asia babagan katresnan, pangorbanan, lan pagesangan ingkang kagambar ing drama Koréa punika boten tebih saking konsèp pagesangan ingkang wonten ing masarakat Asia.

Film Koréa

Film Koréa sareng kaliyan drama TV lan musik pop punika kalebet produk utama Hallyu ingkang dipunremeni boten ing sajeroning nagari kemawon nanging ugi dumugi nagara sanès. Wiwitanipun filem Hongkong ingkang mendominasi biyoskup ing Asia, nanging saduginipun Hallyu lajeng wiwit kesaingan déning filem Koréa.^[2] Film produksi Koréa Kidul dipuntepangi amargi alur caritanipun ingkang kuwat lan genré ingkang variatif saéngga saged narik kawigatosan pamirsa.^[2]

Cathetan suku

↑ Farrar, Lara (December 31, 2010). "'Korean Wave' of pop culture sweeps across Asia". CNN. Turner Broadcasting System, Inc. Diarsip saka sing asli ing January 5, 2011. Dibukak ing March 4, 2013.
↑ ^a ^b ^c ^d ^e ^f ^g ^h ⁱ ^j ^k ^l ^m Passport to Korean Culture. Korean Culture and Information Service-Ministry of Culture, Sports and Tourism , Seoul, Republic of Koréa. 2010. kc. 46–53. ISBN 978-89-7375-153-2 03910. {{cite book}}: line feed character in |publisher= at position 79 (pitulung)

[cnn-1] Farrar, Lara (December 31, 2010). "'Korean Wave' of pop culture sweeps across Asia". CNN. Turner Broadcasting System, Inc. Diarsip saka sing asli ing January 5, 2011. Dibukak ing March 4, 2013.

[koreanculture-2] ↑ ^a ^b ^c ^d ^e ^f ^g ^h ⁱ ^j ^k ^l ^m Passport to Korean Culture. Korean Culture and Information Service-Ministry of Culture, Sports and Tourism , Seoul, Republic of Koréa. 2010. kc. 46–53. ISBN 978-89-7375-153-2 03910. {{cite book}}: line feed character in |publisher= at position 79 (pitulung)

[1]

[2]