Iwak Layur
Klasifikasi ngèlmiah
Karajan: Animalia
Filum: Chordata
Ordho: Perciformes
Famili: Trichiuridae
Génus: Trichiurus
Spésies: T. lepturus
Jeneng binomial
Trichiurus lepturus
Linnaeus, 1758

Layur (trichiurus lepturus) punika satunggaling ulam seganten ingkang gampil anggènipun nengeri saking bentukipun ingkang panjang lan tipis. Ulam punika kasebar wonten ing kathah perairan donya. Jinis ulam ingkang kapanggihaken wonten ing Pasifik lan Atlantik punika béda populasi [1].

Ulam layur ugi kawéntar kanthi nama umum kharoda (Oman), largehedad hairtail (Inggris), pez sable (Spanyol), lan poison sabre commun (Perancis). Nama lokal kanggé ulam punika inggih ulam melei ing (Pelabuhan Ratu), iwak baledang (laladan Sibolga lan Bungus), lajuru (Sulawesi Selatan), romu (Ambon), jogor (Jawa), lajur (Madura), lan komu kacang (Saparua)[2].

Spesifikasi besut

Ukuran awakipun saged dumugi 2 mèter kanthi bobot maksimum 5 kg lan umur dumugi 15 taun. Ulam layur nalika siyang remen nyebar wonten ing perairan dangkal caket pasisir ingkang kathah plankton Crustacea. Lajeng manawi wanci dalu ulam punika tumuju dhateng dhasaring perairan. Salah satunggaling sipat saking ulam layur punika voracious utawi tamak saéngga wonten ing komunitas tartamtu ulam layur saged dados top predator ingkang ngrebut panganan awujud iwak-iwak alit saking prédator sanèsipun [1].

Ulam layur kalebet tipe ulam pelagis lan gadhah sipat fototaksis positif inggih punika gampil ketarik déning rangsangan cahya. Awit saking punika, para warigaluh ngginakaken umpan cahya kanggé mancing ulam layur. Padatanipun para warigaluh mbeta petromak utawi lampu neon minangka attraktor kanggé ulam layur. Nalika wanci dalu, ulam layur beruaya saking dhasar tumuju ing lumah, banjur layur katarik déning umpan cahya ingkang kapasang déning para warigaluh. Layur punika kalebet ulam ingkang gesang kanthi damel gerombolan, awit saking punika para warigaluh saged pikantuk ulam layur kanthi cacah ingkang kathah manawi umpanipun pas sasaran Wulan-wulan tartamtu dados wulan panèn ulam layur kanggé para warigaluh inggih punika nalika mangsa angin wétan (April-Oktober) [1].

Ulam layur punika salah satunggaling jinis ulam demersal ekonomis wigati ingkang kathah kasebar ing perairan Indonesia. Sapunika kinten-kinten wonten tigang jinis ulam layur inggih punika:

Perairan kanthi dhasar ingkang rata lan ngandhut blethok kanthi tingkat salinitas ingkang andhap punika ingkang ddos habitat ulam layur [1].

Badanipun ulam layur punika panjang lan ramping. Kanthi dawaning awak saged dumugi kalih mèter lan bobot dumugi gangsal kg. Badanipun punika ramping nanging boten gadhah daging ingkang kathah. Ulam layur punika kathah dipunbujeng amargi dagingipun punika lembut lan boten gadhah eri. Ulam punika ugi salah satunggaling ulam ingkang dados komoditas ékspor kanthi nagara tujuan utama punika Jepang lan Koréa[1].

Cathetan suku besut

  1. a b c d e f [1], ikan layur-iftfishing (dipun-akses tanggal 15 November 2012). Masalah sitiran: Tenger <ref> ora trep; jeneng "internet1" diwedharaké ping bola-bali déné isiné béda
  2. [2], ikan layur (dipun-akses tanggal 15 November 2012).