Karl Ferdinand Braun
Karl Ferdinand Braun (lair ing Fulda, Fulda, Hessen, Jerman, 6 Juni 1850 – pati ing New York, Amérika Sarékat, 20 April 1918 ing umur 67 taun) inggih punika salah satunggaling fisikawan Jerman.[1]
Biografi
besutBraun sinau wonten ing Universitas Marburg lan pikantuk gelar wonten ing Universitas Berlin nalika taun 1872. Piyambakipun dados direktur ing Lembaga Fisika lan profesor fisika wonten ing Strasbourg (1895).[2]
Nalika taun 1897, piyambakipun damel osiloskop tabung sinar katode kapisanan. Teknik punika dipun-ginakaken déning sapérangan ageng piranti TV lan monitor komputer. Tabung katode taksih dipunsebut "tabung Braun" (Braunsche Röhre) wonten ing nagara penutur basa Jerman (lan wonten ing Jepang: Buraun-kan).[3]
Nalika taun 1909 Braun pikantuk Penghargaan Nobel babagan Fisika kaliyan Guglielmo Marconi kanggé "sumbangan wonten ing pengembangan telegrafi nirkabel."
Nalika wiwitan Perang Dunia I Braun pindhah dhateng Amérika Sarékat saperlu njagi stasiun nirkabel Jerman ingkang dumunung ing Sayville (Long Island) saking serangan déning Marconi Corporation ingkang dipunkendhalikaken Inggris (wekdal punika Amérika Sarékat déréng mandhap ing salebeting perang).
Braun séda wonten ing dalemipun ing laladan Brooklyn sadéréngipun perang pungkasan, nalika taun 1918.
Karier lan Lampahaning Gesangipun
besutKarl Ferdinand Braun miyos nalika tanggal 6 Juni 1850 wonten ing Jerman. Bapakipun salah satunggaling pegawé pengadilan ing Fulda (Jerman).
Braun gadhah sipat skeptis lan kepéngén mangertosi sadaya bab ingkang kiat babagan kadadosan-kadadosan wonten ing alam ingkang kapanggih. Piyambakipun remen sanget kaliyan ngèlmu fisika lan filsafat. Sabibaripun lulus sekolah, piyambakipun pesthi nyinaoni filsafat lan kasil pikantuk gelar dhoktor ing babagan punika. Nanging remenipun wonten ing babagan fisika boten dipuntilar.[4]
Wonten ing taun 1872-1885, kaliyan nggarap ing babagan fisika, piyambkipun dados guru fisika ing sekolah menengah wonten ing Leipzig, lajeng dados dhosèn ing Marburg, Strasbourg lan Karlsruhe. Kajawi ngajar, piyambakipun ugi remen nyerat artikel ngèlmu kawruh modern wonten ing kalawarti Die Fligenden Blatter.
Kajawi punika, piyambakipun ugi nyerat buku ingkang judhul Der Junge Mathematiker und Naturforscher. Braun pesthi manggihaken bab-bab ingkang énggal, antawisipun, piyambkipun ngrembakakaken sajinis pirometer listrik kanggé ngukur suhu ingkang inggil, nemtokakane minggahipun suhu bumi lumantar "lubang-lubang galian" ingkang jero lan manggihaken dampak pelurus wonten ing semikonduktor ingkang minangka dhasar kanggé elektronika modern. Amargi jasanipu ugi, saéngga transistor lan diode saged gadhah fungsi. Sadangunipun gesang wonten ing Éropa (Jerman) piyambakipun boten asring wonten dalem.
Braun palakrama nalika taun 1885 lan sabibaripun palakrama, piyambakipun nindakaken riset keliling Éropa, Amérika lan ara-ara Sahara ing Afrika. Sakonduripun saking nagara-nagara mau ing taun 1897, piyambakipun nayangaken panggihanipun ingkang cekap modern wekdal punika.[5]
Temuan punika boten sanès inggih punika tabung gambar, inggih punika tabung ingkang saged nyerap sinyal-sinyal ingkang dipunwujudaken ing wujud gambar. Temuan punika dipunpopuleraken lan dipunpublikasikaken ing ngajengipun para mahasiswa Universitas Strasbourg.
Bibliografi
besut- Friedrich Kurylo e Charles Susskind. Ferdinand Braun, a Life of the Nobel Prizewinner and Inventor of the Cathode-Ray Oscilloscope. Cambridge, MIT Press, 1981. ISBN 0-262-11077-6
- Artikel "Mengenal Mereka Yang Berjasa Pada Ilmu Pengetahuan", Suara Karya edisi 1989
Cathetan suku
besut- ↑ http://www.nobelprize.org/nobel_prizes/physics/laureates/1909/braun-bio.html
- ↑ "Archive copy". Diarsip saka sing asli ing 2013-03-03. Dibukak ing 2013-01-26.
{{cite web}}: CS1 maint: archived copy as title (link) - ↑ http://www.nndb.com/people/438/000099141
- ↑ "Archive copy". Diarsip saka sing asli ing 2009-08-02. Dibukak ing 2013-01-26.
{{cite web}}: CS1 maint: archived copy as title (link) - ↑ http://www.britannica.com/EBchecked/topic/78007/Ferdinand-Braun