Kastil Neuschwanstein
Kastil Neuschwanstein punika satunggaling kastil ingkang wonten ing dhusun Hohenschwangau (Schwangau) boten tebih kaliyan kutha Füssen lan sisih kidul-kilènipun Bayern, Jerman. Kastil punika dipunsebat mèmper kadhaton Disneyland.[1]. Kastil punika satunggal saking tiga astana karajan ingkang dipunyasa kanggé Louis II saking Bavaria. Kastil ingkang ugi kadang dipunwastani Mad King Ludwig punika astana karajan ing Pagunungan Alpen Bavaria Jerman punika dipunyasa nalika taun 1869 saking paréntah Raja Ludwig II. Nanging dumugi nalika sédanipun Louis taun 1886 yasan punika dèrèng rampung [2].
| Kastil Neuschwanstein | |
|---|---|
 | |
| Tetélan pokok | |
| Cakrik yasan | Romanesque Revival |
| Pernah | Schwangau, Jerman |
| Diyasa kawit | 5 September 1869 |
| Rampung | c. 1892 (unfinished) |
| Owner | Bavarian Palace Department |
| Rancangan lan yasan | |
| Arsitèk | Eduard Riedel |
| Civil engineer | Eduard Riedel, Georg von Dollmann, Julius Hofmann |
| Other designers | Ludwig II, Christian Jank |
Raja Ludwig punika pengagum komposer donya ingkang kawéntar, ya iku Richard Wagner. Kastil Neuschwanstein dipunyasa ugi minangka pakurmatan saéngga kathah kamar wonten ing dalem kastil ingkang kailhami karakter Wagner. Wonten ing lantai yasan punika nggambaraken remening Ludwig dhateng sadaya opera karya Wagner[2].
Kasti ingkang kabangun nalika abad 19 punika kados astana ing nagari dongèng punika dipunjangkepi kaliyan teknologi lan seni kala jaman mau. Tuladhanipun saben kastil wonten toilet kanthi sistem mbilas otomatis saha sistem pemanas udara. Sapunika saben taun langkung saking 1,3 juta tiyang ingkang dugi wonten papan punika [2].
Wiwitanipun kastil punika gadhah nama Kastil New Hohenschwangau, nanging bibar Raja Ludwig tilar donya nalika taun 1886 lajeng nama kastil punika dipun-gantos dados Kastil Neuschwanstein.[3] Nalika abad kaping 19, Kastil Neuschwanstein punika dados papan anggènipun masarakat Bavaria nyambut damel kanthi sengkut.
Sanajan para wisatawan ingkang dugi punika boten kénging motret utawi mendhet gambar interior Kastil Neuschwanstein, nanging kastil punika tansah dados tujuan utama pariwisata déning turis-turis saking mancanagara. Sadèrèngipun, Raja Ludwig boten paring ijin dhumateng para tiyang ingkang dugi ing papan punika, nanging bibar Raja Ludwig tilar donya ing taun 1886 yasan Kastil Neuschwanstein punika dipunbikak kanggé umum. Kawontenan punika dipunlampahi amargi kanggé mbayar sapérangan utang Ludwig anggènipun ngrampungaken pambangunan Kastil Neuschwanstein punika. Kastil Neuschwanstein punika ugi sampun naté dipun-ginakaken minangka papan kanggé syuting filem lan dados inspirasi kanggé puri Sleeping Beauty ing Taman Disneyland lan Hongkong Disneyland.[4]
Cathetan suku
besut- ↑ [1] Archived 2013-03-26 at the Wayback Machine., Pura terindah di donya (dipun-akses tanggal 21 November 2012).
- ↑ a b c [2][pranala mati permanèn], Kastil (dipun-akses tanggal 21 November 2012).
- ↑ Keindahan KastilNeuschwanstein German Archived 2012-12-25 at the Wayback Machine., (dipunakses tanggal 7 Maret 2013)
- ↑ KASTIL NEUSCHWANSTEIN (Inspirasi Sleeping Beauty Disneyland)[pranala mati permanèn], (dipunakses tanggal 7 Maret 2013)