Klapadhuwur, Banjareja, Blora

Klapadhuwur (cara Indonésia: Klopoduwur), iku salah siji désa / Kalurahan ing Kacamatan Banjareja, Kabupatèn Blora, Provinsi Jawa Tengah, Indonésia. Désa ini dumunung kurang luwih 25 kilomèter ing sisih lor Randhublatung. Sawijining perkampungan sing dumunung ing tengah alas jati. Tumuju Klapadhuwur, bakal ngliwati aréal alas jati sing kalebu wewengkon makarya HPH (Hak Pemangku Hutan) Kabupatèn Blora. Radèn Kohar (Samin Surasentika), sing lair taun 1859 ing déesa Ploso Kedhiren, Randublatung Kabupatèn Blora, milih laladan Klapadhuwur iki minangka papan pangembangan ajarané. Ing taun 1890 obahan Samin tuwuh ing rong désa alas kawasan Randhublatung lan ing Kabupatèn Bojanegara, Jawa Wétan. Gerakan iki banjur sumrambah ing désa-désa liyané, ing pasisir lor Pulo Jawa nganti saubengé alas ing Pagunungan Kendheng Lor lan Kendheng Kidul. Sawisé 17 taun ajaran Samin iki tuwuh rikat anggotané nganti watara 5000 jiwa. Wiwit taun 1907 akèh pandhèrèk Samin sing diceke lan dikunjara déning pamaréntah (Walanda). Samin lan wolu pandhèrèké dicekel lan dibuwang menyang Sawahlunta, Sumatra Kulon nganti tilar donya ing taun 1914.

Klapadhuwur
Désa
Nagara	Indonésia
Provinsi	Jawa Tengah
Kabupatèn	Blora
Kacamatan	Banjareja
Pamaréntahan
• Lurah désa	-
Jembar	-
Gunggunging warga	-
Pepadhet	-

Uga delengen

• Banjareja, Blora
• Kabupatèn Blora

Pranala njaba

• Situs resmi Kabupatèn Blora Archived 2011-04-30 at the Wayback Machine.