Legèn

Legèn iku jinising ombénan kang asalé saka wit siwalan, krambil utawa aren, ya iku kanthi ndèrès kembange. Warnané putih nanging ora buket kaya susu, rasané legi. Ing tlatah Rembang sing pérangan padhusunan sisih kidul, pendhudhuké akèh banget kang mbudidayakaké legèn. Semana uga Tuban. Carané njupuk legèné ya iku bumbung saka pring digantung ing wit siwalan, ing ngisoré woh siwalan bener. Banyuné kang aran legèn mau diombé, siwalané uga kéna dipangan. Legèn sing isih asli, durung digodhog, rasané kaya ana sodhané. Ing ilat krasa trecep-trecep. Nanging sing wis godhogan, rasa sodhané iku ilang. Legèn paling seger nalika diombé dicampuri ès batu. Lumrahé, legèn lan siwalan laris dituku konsumèn nalika wayah pasa.

Gambar wong nderes legen saka wit krambil

Wit palem kang dideres

Penderes legen, saka India sisih wétan

Ing basa Inggris, legen karan Sweet Toddy utawa Palm Nectar. Legen umum diombe ing India, Srilanka, Afrika, Malaysia, Thailand, Myanmar.

Komposisi

Legen ngandhut karbohidrat, sukrosa, lan pH kang sakiwatengen nétral.

Substance	Concentration (g/100 mL)
Sucrose	12.3-17.4
Total ash	0.11-0.41
Protein	0.23-0.32
Ascorbic acid	0.016-0.030
Total solids	15.2-19.7

Produk olahan

• Legen ora ngandhut alkohol, sanajan yèn difermentasi bisa dadi ombèn-ombèn kang karan tuak.
• Legen kang digodhog terus-terusan nganti susut banyune dadi malih kenthel lan tansaya legi, kang sabanjuré dititis (dicithak) dadi gula jawa