Limbat
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Limbat | |
|---|---|
| |
| Limbat, Clarias nieuhofii saking Mentaya Hulu, Kotawaringin Timur | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Actinopterygii |
| Ordho: | Siluriformes |
| Famili: | Clariidae |
| Génus: | Clarias |
| Spésies: | C. nieuhofii |
| Jeneng binomial | |
| Clarias nieuhofii Valenciennes in Cuvier and Valenciennes, 1840 | |
Iwak limbat (Clarias nieuhofii) punika jinising iwak lélé kanthi awak ingkang dawa lan padatanipun warninipun radi kuning. Ulam punika nyebar kanthi wiyar wonten ing Asia Tenggara kalebet ing Ujung Malaya, Jawa, Sumatra, Kalimantan, dumugi Filipina. Ing Jambi ulam punika dipunsebat lembat, déné ing kutha Jakarta ulam punika dipunwastani lindi.
Morfologi
besut
Ulam lele punika gadhah wujud awak ingkang gilig lan dawa, kanthi dawa 9-9 1/3 kali dhuwuripun. Dawa total kalebet buntut punika dumugi 490 mm [1]. Sirip-sirip punggung (dorsal) lan dubur (anal) ndawa lan dados satunggal kaliyan sirip buntut. Sirip dorsal kanthi 87-106 jari-jari lunak, sirip dubur 63-93 jari-jari lunak [2]. Eri ingkang wonten ing sirip dhadha (padatanipun dipunwastani patil) radi ringkih lan dawanipun kirang langkung 2/3 sirip dhadha.
Warnanipun awak klawu lan radi kuning. Ireng ing pérangan nginggil lan radi putih ing pérangan ngandhap kepala lan awak. Wonten 13-20 larik vertikal bintik-bintik putih ing pérangan punggung ing sisihipun gurat sisih lan 2 larik horizontal ndawa bintik-bintik ing ngandhaping garis mau. Larikan bintik-bintik ingkang pungkasan punika kadang kala wujud serial larikan miring lan tanpa pola ingkang cetha [1].
Jinis ingkang sami
besutWonten manéka spesiès lélé sanèsipun ingkang mirib kaliyan ulam limbat saking segi pola warna ugi wujud awak. Kathah jinis ingkang gadhah pola larikan bintik-bintik vertikal ing sisih punggungipun[1]. Nanging gadhah sirip punggung lan dubur ingkang kapisah (boten dados satunggal) kaliyan sirip buntut. Sapérangan saking punika nyebar kanthi winates (endemik) kados ta :
- Clarias batu Lim & Ng, 1999 (lele batu); 9-14 larikan vertikal bintik-bintik ingkang langkung alit lan nyebar kanthi winates ing Pulo Tioman, Malaysia.[3]
- Clarias anfractus Ng, 1999.[4] Endemik di Sabah: ing kiwa-tengené Lepen Segama lan Lepen Kalabakan.
- Clarias leiacanthus Bleeker, 1851.
- Clarias planiceps Ng, 1999 (lele kepala-pipih). Endemik ing Kalimantan: hulu Lepen Rajang lan Lepen Kapuas, Kalbar, sarta Lepen Kayan, Kaltim.[4]
Cathetan suku
besut- ↑ a b c Weber, M. and L.F. de Beaufort. 1916. The Fishes of The Indo-Australian Archipelago II:189-190. E.J. Brill. Leiden. (sebagai Clarias nieuhofi)
- ↑ Kottelat, M., A.J. Whitten, S.N. Kartikasari, S. Wirjoatmodjo. 1993. Ikan Air Tawar Indonesia Pérangan Barat dan Sulawesi. Periplus Edition (HK) Ltd. dan Proyek EMDI KMNKLH Jakarta. hal 108.
- ↑ Lim, Kelvin K. P.; Ng, H. H. (1999). "Clarias batu, a New Species of Catfish (Teleostei: Clariidae) from Pulau Tioman, Peninsular Malaysia" (PDF). The Raffles Bulletin of Zoology (6): 157–167. Diarsip saka sing asli (PDF) ing 2011-06-06. Dibukak ing 2013-01-17.
- ↑ a b Ng, Heok Hee (1999). "Two new species of catfishes of the genus Clarias, from Borneo (Teleostei: Clariidae)" (PDF). The Raffles Bulletin of Zoology. 47 (1): 17–32. Diarsip saka sing asli (PDF) ing 2008-04-21. Dibukak ing 2013-01-17.