Transfigurasi Kristus: Béda antara owahan
intro |
(Ora ana béda)
|
Révisi kala 26 Mèi 2013 19.08
Transfigurasi Kristus iku prastawa ing ngendi Yésus dimulyakaké ing gunung, sarta ketemu karo Musa lan Elia ing ndhuwur gunung iku. Pasuryan Dalem sumunar lan kebak déning kamulyan. Iki arupa puncuk spiritualitas saka Yésus.[1] Nalika prastawa iku, ana telu murid Yesus bebarengan karo Panjenengané; Petrus, Yakobus lan Yohanes.[2] Cahya kamulyan sing mancar saka pasuryané Yésus iku kanggo mènèhi pangajaran marang para murid ngenani kedadéyan ing mburiné prastawa sing nyedhihaké sing bakal dialami Yesus.[2] Prastawa (panyaliban) sing bakal nggawa marang kamenangan, kamulyan ing samburiné panginan lan panyercan, lan bakal ana kamulyan sing bakal nguwataké para murid jroning kauripané ndhèrèk Yésus, guruné iku.[2]
Bagéan saka seri babagan |
Asma lan sesebutan |
Yésus Kristus lan Kakristenan |
Ajaran utama Yésus Kristus |
Pandhangan marang Yésus |
Prastawa iki banjur dadi tradhisi umat Kristen jroning ngayati salah sawijining prastawa uripé Yésus Kristus.[1] Wektu kanggo ngleksanakaké transfigurasi iki dumadi ing minggu sakdurungé ngriyayakaké Dina Riyaya Jemuwah Agung minangka pèngetan séda Dalem Yésus.[1] Transfigurasi iki didadèkaké titik punjer jroning karya Yésus minangka Mesias miturut rencana Allah.[1] Prastawa iki bisa dikawruhi jroning Alkitab ing Injil Matius 17:1-12, utawa ing Injil Markus 9: 2-13 utawa ing Injil Lukas 9: 28-36.[3][1]
Tujuan transfigurasi iki yaiku kanggo mènèhi spiritualitas marang umat Kristen jroning sikap batin, lan duwé dampak ing sikap lairé uga.[4] Sikap batin iku miturut Kardinal Carlo Mantini bisa dideleng jroning dhiri Santo Paulus jroning sapérangan perkara: anané suka gambiraning batin lan katentreman sing gedhé, anané sikap puji panuwun, kasiapan jroning ndhèrèk Yésus.[4]
Réferènsi
- ↑ a b c d e (ing basa Indonésia)Stefan Leks., Tafsir Injil Matius, Yogyakarta: Kanisius
- ↑ a b c (ing basa Indonésia) William Barclay., Pemahaman Alkitab Setiap Hari - Injil Matius 11-28, Jakarta: BPK Gunung Mulia, 2009
- ↑ (ing basa Indonésia) Alkitab, Jakarta : Lembaga Alkitab Indonesia. Matius 17:1-12; Markus 9:2-13; Lukas 9:28-36
- ↑ a b (ing basa Indonésia) Spiritualitas Damai, Yogyakarta: Kanisius, 2008