Wikipédia

Poseidon


Wonten ing mitologi Yunani, Poseidon (Basa Yunani: Ποσειδῶν, Poseidó̱n) utawi déwa ingkang nguwasani sagara, lèpèn, lan tlaga [1]. Poseidon gadhah gaman wujud trisula ingkang saged damel bena (banjir) lan lindhu. Trisula mau dipundamel déning para Kiklops nalika masa Titanomakhia. Poseidon ugi gadhah kendharaan ingkang dipuntarik déning hippokampos (jinising makluk setengah jaran setengah malih ulam. Poseidon gadhah garwa Amrifit lan putra anama Triton. Poseidon punika ugi déwa ingkang nyipta jaran nalika ngrayu Demeter.

Déwa laut Nethuns wonten ing mitologi Etruska dipunadopsi dhateng mitologi Romawi minangka Neptunus ingkang kekalihipun kalebet déwa ingkang sejajar kanggé Poseidon. Poseidon sampun dipunpuja ing Pylos lan Thebes wiwit saking jaman perunggu Yunani minangka sedhèrèkipun Zeus lan Hades. Wonten satunggaling Himne Homeros kanggé Poseidon. Poseidon piyambak gadhah laré kathah lan Poseidon dados palindung kanggé kathah kutha ing Yunani, sanajan Poseidon boten saged pikantuk kutha Athena. Kéwan ingkang dados remenanipun Poseidon punika jaran lan banthèng déné wit pinus punika keramat kanggé Poseidon.[2] Binatang kesukaannya ya iku jaran dan banteng. Pohon pinus dikeramatkan baginya.[3].

Wiyos

besut

Cithakan:Déwa Dewi Yunani Poseidon punika putra saking Kronos lan Rea. Wonten ing versi ingkang kathah piyambak, Poseidon ditelan déning Kronos sasampunipun wiyos, nanging dipunslametaken déning Zeus. Wonten ing versi sanès Poseidon dipunsimpen déning Rea wonten ing tengah-tengahing domba lajeng èthok-èthok nglairaken jaran ingkang dipunpangan déning Kronos [1].

Miturut John Tzetzes ingkang ngurus Poseidon dumugi ageng punika Arne. Déné miturut Diodoros Sikolos, Poseidon punika dipunurus déning para Telkhines ing Rhodes awit saking panyuwunipun Rea, kados Zeus ingkang dipunurus déning para Kureters ing Kreta [1].

Wonten Iliad, nalika donya kapérang miturut undian, Zeus pikantuk langit, Hades pikantuk Dunia Bawah lan Poseidon pikantuk sagara. Wonten ing Odyssey, Poseidon gadhah astana ing Aegae punika papan kanggé nyimpen turangga ingkang gadhah surai emas. Sanajan mapan wonten ing sagara, Poseidon asring dugi wonten ing pepanggihan para déwa ing Olimpus [1].

Ajejuluk

besut

Ing mitologi Romawi Poseidon kondhang dados Neptunus ugi kawéntar kanthi ajejuluk kados ta: Aigaios, Asfaleios, Kuirios, Damatites, Epaktaios, Epopsios, Gaiaokhos, Genethlios, Helikonios, Hippios, Hippokurios, Isthmos, Lekhaios, Onkhestios, Patros, Petraios, Samikos, Samios, Tainarius.[4]

Poseidon ugi dipunsebat minangka déwa jaran kanthi jejuluk Hippios (utawi Konsos). Jejuluk sanèsipun inggih punika Enosikhthon (Ἐνοσέχθων, "Pengguncang Bumi"), lan Geokhos (Γεήοχος, "Penjaga Bumi"). ing kutha Aegae ing Euboea, Poseidon ugi kondhang minangka Poseidon Aigaios lan gadhah kuil ingkang éndah wonten ing nginggilipun bukit.[5][6][7]

Cathetan suku

besut
  1. ↑ a b c d [1] Archived 2013-05-25 at the Wayback Machine., Sajarah déwa Poseidon dalam mitologi Yunani (dipunakses tanggal 24 Januari 2013).
  2. ↑ "Poseidon". Myth Encyclopedia.
  3. ↑ Joe, Jimmy. "Poseidon (Neptune)". Dibukak ing 18 April 2010.
  4. ↑ Sandels, V.E.K. "Poseidon". Diarsip saka sing asli ing 2020-10-22. Dibukak ing 2013-01-25.
  5. ↑ Strabo, ix. p. 405
  6. ↑ Virgil, Aeneid iii. 74
  7. ↑ Schmitz, Leonhard (1867), "Aegaeus", ing Smith, William (èd.), Dictionary of Greek and Roman Biography and Mythology, vol. 1, Boston, kc. 24
Dijupuk saka "https://jv.wikipedia.org/w/index.php?title=Poseidon&oldid=1659243"