Richard Kevin
Richard Kevin [1] iku modhel lan bintang filem Indonesia kang lair ing Jakarta ing tanggal 29 Dhésèmber 1980.[2] Omahe Richard Kevin ing laladan Bintaro, Jakarta Kidul. Agamane dhèwèké ya iku Islam. Richard Kevin paling seneng dhahar steak lan sega goreng. Déné ombenan kelangenane ya iku teh botol. Richard Kevin paling seneng karo warna ireng.
| Richard Kevin | |
|---|---|
 Richard Kevin | |
| Lair | Dhésèmber 29, 1980 Jakarta, Indonésia |
Richard Kevin miwiti karire minangka bintang modhel iklan lan video klip. Jenenge dadi dikenal wong akèh sawisé main dadi Rendy ing filem Get Married ing taun (2007). Sajeroning filem iku, dhèwèké main dadi pasangane Nirina Zubir, kang tresna karo dhèwèké. Aming, Desta, lan Ringgo Agus Rahman kang uga mèlu main ing filem iku. Kevin uga tau main ing sajeroning filem Cinta Pertama bebarengan karo Bunga Citra Lestari. Dhèwèké uga main ing filem Lost in Love nalika taun 2008. Kevin san saya manteb kerja ing babagan entertainment. Ing taun 2008, Kevin uga main ing filem From Bandung With Love. Ing filem iku, Kevin main minangka pacare aktris Marsha Timothy. Saka layar lebar dhèwèké wiwit njajal ing sinétron. Dhèwèké langsung main ing sinétron stripping ing sasi pasa kang irah-irahane Assalamu'alaikum Cinta. Maneh-manèh, dhèwèké main barengan karo Nirina Zubir. Dhèwèké ora kapok main sinétron stripping, malahan dhèwèké dadi ketagian. Kevin uga main ing sinétron stripping Yasmin. Ing taun 2009 Kevin nerusaké main ing sinétron stripping Cinta dan Anugrah. Ing filem iku, dhèwèké main bebarengan karo Nabila Syakib.[3]
Filmografi
besutFilm
besutSinetron
besutCathetan sikil
besut- ↑ www.rujakmanis.com Archived 2011-09-01 at the Wayback Machine. Gladri Foto Richard Kevin (kaundhuh tanggal 10 Agustus 2011)
- ↑ forum.detik.com Archived 2011-03-20 at the Wayback Machine. All About Richard Kevin (kaundhuh tanggal 10 Agustus 2011)
- ↑ selebriti.kapanlagi.com Richard Kevin (kaundhuh tanggal 10 Agustus 2011)
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |