Robby Tumewu
Robby Tumewu (lair ing Bandung, Jawa Barat, 4 Dhésèmber 1953; umur 70 taun) ya iku salah sijiné perancang busana lan juru main filem lan sinétron kang asalé saka Indonésia.[1] Robby Tumewu dikenal dadi perancang busana kang kerep nggawé désain, corak, lan wujud kang unik lan funky.[1]
| Robby Tumewu | |
|---|---|
 | |
| Lair | Robby Tumewu |
| Pakaryan | aktor, désainer, penyanyi |
| Taun aktif | 1990-saiki |
Biografi
besutSadurungé dikenal dadi juru main sinétron lan filem, Robby Tumewu wis dikenal dadi désainer.[1] Wiwit cilik, Robby wis pinter nggambar lan seneng nggawé sketsa sandhangan.[1] Saliyané iku, Robby uga seneng nyanyi lan main drama.[1] Kamangka Robby ora nduwé katurunan seni saka kluwargané.[1] Bapaké Robby iku pensiunan pabrik senjata Pindad kang manggon ing Bandung lan ibuné iku nyambut gawé dadi guru basa Jerman.[1] Nalika Robby milih karir ing donyaning fashion, Robby uga ditentang karo ibuné ya iku Emmy Tumewu.[1] Ibuné Robby kepéngin Robby duwé karir ing babagan perhotèlan amarga miturut pengalaman gajiné mesti gedhé.[1] Robby banjur nuruti ibuné lan dhèwèké kuliyah ing jurusan perhotèlan.[1] Sawisé kuliyah Robby tau kerja dadi trainee ing Hyaat Hotèl Ambassador nalika taun 1974.[1] Nanging Robby isih kepéngin banget dadi désainer.[1]
Robby bareng karo kanca-kancané nggawé kalompok kang jenengé Aranea.[2] Kalompok iki kerep nganakaké fashion show.[2] Robby mèlu peragaan busana kang sepisanan nalika taun 1973.[2] Nalika iku Robby nyéléngi kanggo modhal saka honore nggawé sketsa ing koran lan majalah.[2] Sawisé mèlu peragaan busan banjur akèh kang nawani Robby Tumewu kanggo ngrembakakaké kabisané ing babagan désain busana lan modheling.[2]
Robby dadi asisten perancang busana Henry Passage ing Bandung nalika taun 1976.[1] Sawisé éntuk pengalaman kang cukup, Robby banjur mbukak usaha cilik-cilikan.[1] Dhèwèké tuku bahan dhéwé, ngrancang lan jait dhéwé.[1] Sawisé iku Robby banjur ijrah ing Jakarta kanggo ngembangaké kariré.[1] Nalika ing Jakarta, Robby kenalan banjur dadi "murid" Prajudi.[1] Saiki Robby wis dikenal dadi perancang busana kang sukses lan lumrahé dadi wakil Indonésia ing event lan peragaan busana ing manca nagara.[1]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |