Sagara Maluku

Sagara Maluku dumunung ing sisih kulon Samodra Pasifik kang dunungé ana ing cedhak Provinsi Maluku, Indonésia. Sagara iki wewatesan karo Sagara Bandha ing sisih kidul lan Sagara Sulawesi ing sisih lor. Pulo pulo kang matesi sagara iki ya iku kapuloan Halmahera, Seram, Buru, lan Sulawesi (Celebes).

Lokasi Sagara Maluku

Aktifitas lindhu

Sagara iki minangka tlatah lindhu aktif. Lindhu kang kakuatané nganti 6.3 SR kadadéan tanggal 21 Dhésèmber 2005, kang punjeré ing 190 km kidulé Manado. Lindhu kanthi kakuatan 5.4 SR kadadéan ing laladan mau uga kadadéan tanggal 16 Mèi 2006, lan lindhu 6.1 SR ngguncang sagara iki ing tanggal 19 Mèi, 2006. Aktifitas wektu iki ya iku lindhu 5.5 tanggal 14 Juni, 2006, 7.3 (PRE) tangal 21 Januari, 2007 lan sawetar lindhu kanthi skala kang luwih cilik ya iku rata-rata 5.0 SR sawisé lindhu kang sapisanan. Lindhu uga kadadéan ing tanggal 17 Maret, 2007, ya iku kanthi kakuatan 6.5 SR. Sawijining lindhu kanthi kakuwatan 5.2 SR kadadéan tanggal 21 November, 2007. lan 4.9 SR tanggal 1 Dhésèmber, 2007.