Samulnori
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Samulnori (사물놀이) punika dolanan piranti musik perkusi tradhisional saking Koréa. Saged ugi dipuntegesi genre musik perkusi tradhisional saking korea. Tembung Samulnori piyambak ateges sekawan objek lan nori ateges dolanan. Dados kanthi barès samulnori punika ateges permainan kanthi ngginakaken sekawan piranti musik tradhisional Koréa [1].
| Samulnori | |
|---|---|
 | |
| Hangul | 사물놀이 |
| Hanja | 四物놀이 |
| Alihaksara Koréa Kang Sinampurna | Samullori utawi Samul nori |
| McCune–Reischauer | Samullori utawi Samul nori |
Samulnori punika wonten sekawan piranti musik inggih punika:
- Janggu (gendhang awujud jam pasir)
- Kwaenggwari (gong alit)
- Buk (gendhang ageng)
- Jing (gong ageng)
Saben piranti musik punika nggambaraken manéka macam kaanan cuaca. Janggu punika dados lambang udan, kwaenggwari punika nglambangaken gluduk, jing minangka lambang swantun angin, déné buk punika minangka lambang awan. Samulnori ugi nggambaraken konsèp Ying lan Yang [1][2]. Swantun saking buk lan janggu nglambangaken langit déné swantun jing lan kwaenggwari punika swantun saking lemah. Samulnori ngasilaken warni musik énggal ing musik Koréa, mliginipun Koréa Kidul. Karakter musik saking samulnori punika dinamis, enerjik, lan rikat dipunanggep nggambaraken sipating tiyang Koréa [2].
Samulnori akaripun saking nong-ak (kanthi barès ateges wong tani musik), satunggaling genre rakyat Koréa ingkang kapérang dados musik, akrobat, jogèd rakyat, lan ritual [1]. Nongak piyambak dipunpengaruhi déning ritual ingkang dipunlampahi ing Shamanisme lan Buddhisme Koréa.
Sajarah
besutSamulnori punika wujud musik ingkang kapisan dipuntepangaken dhateng donya nalika taun 1978. Sadèrèngipun, saben désa gadhah rombongan perkusi piyambak ingkang dipunwastani pungmulpe déné musik ingkang dipundolanaken punika dipunwastani pungmul utawi nongak. Kajawi punika, satunggaling rombongan Namsadangpae ingkang damel tontonan kanthi muteri padesan punika ugi ngginakaken pungmul. Kala punika, dipunpimpin déning gendéra kanthi seratan nama rombongan. Piranti ingkang dipun-ginakaken punika kados ta Jagun, Buk, Kwaenggwari, Jing, Taepyeongso, lan Sogo. Ugi ndhèrèk para musisi mau punika para penghibur ingkang dipunwastani Japsaek kanthi konstum kados sarjana lan sanèsipun. Pementasan punika ingkang dados asal usuling Samulnori [3].
Salmunori saged narik kawigatosan kawula enèm nalika dipunpentasaken ing panggung alit ing Insa-dong nalika taun 1978. Mliginipun sekawan musisi enèm inggih punika Kim Deok-su, Kim Yong-bae, Lee Gwang-su, lan Choi Jong-sil [3].
Samulnori sampun kawéntar ing donya internasional wiwit saking taun 1980-an. Kathah komunitas Koréa ing Amérikah Sarékat, Amérika Latin, lan Éropah ingkang sampun gadhah grup samulnori. Ing taun 1993 kelompok juru main ingkang wiwitanipun namung wonten 4 tiyang lajeng tambah dados 20 tiyang. Ing Indonesia, kelompok samulnori naté ndhèrèk nggayengaké Festival Erau 2001 lan 2003 ing Kutai Kartanagara ing Kalimantan Timur lan pikantuk atur sapala ingkang meriah [4]..
Pranala njaba
besutCathetan suku
besut- ↑ a b c [1] (id) Samulnori korean percussion (dipun-akses tanggal 10 Januari 2013)
- ↑ a b [2] Archived 2012-12-09 at the Wayback Machine. (id) Samulnori (dipun-akses tanggal 10 Januari 2013)
- ↑ a b [3] Archived 2016-03-05 at the Wayback Machine. (id) http://world.kbs.co.kr Program musik (dipun-akses tanggal 10 Januari 2013)
- ↑ Delegasi Koréa Kidul Persembahkan Samulnori[pranala mati permanèn]