Wikipédia

Sung-Ha Jung

Sung-Ha Jung ya iku salah sawijining wong sing dadi kondhang amarga ngunggah vidéo ana ing YouTube. Nganggo akun jwcfree, dhèwèké wis ngunggah punjul 500 vidio ana ing YouTube. Sung-Ha Jung miwiti ngunggah vidio nèng YouTube saka 8 September 2006. Awit saka iku tekan saiki channel jwcfree wis ditonton kaping 500.000.000 luwih. Amarga kapinterané dolanan gitar, wis akèh musisi-musisi internasional sing gumun karo dhèwèké. Ora mung digumuni, Sung-Ha Jung uga bisa duèt karo musisi-musisi mau, kaya ta Ulli Bögershausen, Thomas Leeb, Trace Bundy, Tommy Emmanuel lan liya-liyané.[1]

Sung-Ha Jung
bocah lanang korea lagi dolanan gitare
Sungha Jung nalika konsèr ing Taiwan taun 2012
Lair정성하
(1996-09-02) Sèptèmber 2, 1996 (umur 28)
Koréa Kidul
PakaryanGitaris fingerstyle akustik solo
Taun aktif2006-saiki
Sana jaringansunghajung.com

Wiwitan Makarya

besut

Sung-Ha Jung miwiti dolanan gitar saka umur 9 taun. Dhèwèké kepéngin dolanan gitar amarga nyawang bapaké dolanan gitar. Awit iku, dhèwèké tangi ésuk umun-umun supaya bisa dolanan gitar dhisik sadurungé mangkat sekolah.[2] Wiwitan Sung-Ha Jung dolanan gitar, dhèwèké isih diwulang bapaké. Nanging,bapaké mung mulang dhèwèké sedhéla amarga olèhé Sung-Ha Jung sinau dolanan gitar rikat banget. Miturut bapaké, Sung-Ha wis bisa dolanan luwih apik saka bapaké sawisé 6 sasi sinau gitar. Sabanjuré, dhèwèké sinau dolanan gitar dhéwé.[3]
Gitaran cara fingerstyle iku diwiwiti Sung-Ha sawisé bapaké nduduhi vidio-vidio babagan fingerstyle. Saka vidio-vidio iku dhèwèké dadi seneng gitaran cara fingerstyle.[4]
Pas wiwitan Sung-Ha Jung ngunggah vidioné ana ing You Tube, dhèwèké lagi umur 10 taun. Sanadyan lagi umur 10 taun, olèhé dolanan gitar wis apik banget lan wis ditonton karo yutanan wong nèng donya. Anggoné Sung-Ha Jung nggarap satembang adaté mung rong nganti telung dina. Nanging, yèn tembang sing digarap iku rada angèl bisa nganti seminggu.[3]
Adaté sing pisanan dilakokaké Sung-Ha Jung pas nggarap tembang ya iku nonton vidio. Sawisé nonton,dhèwèké banjur nemtokaké nada-nada apa waé sing dienggo. Olèhé Sung-Ha Jung nemtokaké nada racaké mung sajam lan lumrahé ora nganggo tab gitar utawa partitur musik.

Kauripan Pribadi

besut

Sung-Ha Jung saiki ngomah nèng Chungju, Korea Kidul. Bapaké Sung-Ha Jung asmané Woo-chang Jung.[5] Panjenengané ngasta nèng salah sawijining perusahaan ana ing Koréa.[3] Panjenengané iku sing marakaké Sung-Ha Jung "kecemplung" dadi gitaris saka hobi dolanan gitaré. Sung-Ha duwé adhi wadon jenengé Soo-Ha Jung.[6]

Piranti Musik

besut
 
Gitare Sung-Ha Jung sing disponsori karo Lakewood

Gitar

besut

Sung-Ha Jung éntuk sponsor gitar saka Lakewood Archived 2012-08-28 at the Wayback Machine..[7] Lakewood Archived 2012-08-28 at the Wayback Machine. iku jeneng produsèn gitar sing kondhang nèng Éropah. Ulli Bögershausen, gitaris kondhang sing dadi mèntoré Sung-Ha Jung, uga nganggo gitar saka Lakewood. Gitar iku digawé kusus kanggo Sung-Ha Jung dhéwé. Olèhé Lakewood Archived 2012-08-28 at the Wayback Machine. nggawé gitar iku nganti 4 sasi.[7] Sung-Ha nganggo gitar iku saka taun 2009. Saiki, Sung-Ha duwé gitar lakewood cacahé 6. Sadurungé dhèwèké nganggo gitar iku, dhèwèké wis tau nganggo gitar saka Selma, salah sawijining produsèn gitar kondhang nèng Koréa.

Piranti Musik Liyané

besut

Sung-Ha Jung ora mung bisa dolanan gitar waé. Sadurungé bisa dolanan gitar, dhèwéké wis bisa dolanan piano dhisik.[4] Saliyané piano, dhèwéké uga bisa dolanan piranti musik liyané, kaya ta ukulélé, lan drum. Dhèwéké lagi waé sinau jazz piano wiwit taun 2010.[8] Dhèwèké uga lagi sinau teknik vokal.

Konsèr

besut

Dhèwèké wis tau konsèr nèng ngendi-ngendi, embuh iku konsèr solo apa dudu. Konsèr ing Koréa wis tau, konsèr ing manca uga wis tau.[9]

Taun Tanggal Nagara Panggon Jeneng Konsèr
2010 18 Novèmber Amérika Johnny D's, Somerville, Massachusetts 2nd US Tour with Trace Bundy 'Tur Amerika Kaping Pindho karo Trace Bundy'
19 Novèmber Canal Room, New York
21 Novèmber World Cafe Live Archived 2012-09-21 at the Wayback Machine., Philadelphia
23 Novèmber Jammin' Java, Vienna, Virginia
26 Novèmber Boulder Theater, Boulder, Colorado
18-19 Dhésèmber Koréa V-Hall, Hongdae, Seoul Winter Special Concerts in Seoul 'Konser Spesial Mangsa Adhem ing Seoul'
2011 30 April Koréa Seongnam Art Center Concert Hall, Seongnam Jung Sung Ha Concert Tour 'Sung Ha Jung: Konser Tur'
16 Mèi Jepang Osaka Spring Japan Tour 2011 'Tur Mangsa Semi Jepang 2011'
17 Mèi Sea Garage,Tokyo
18 Mèi Back in Town, Tokyo
21 Mèi Mojo West, Kyoto
22 Mèi Miki Music Saloon Shinsaibashi, Osaka
30 Oktober Thailand ICS Performing Arts Auditorium, Bangkok Sungha Jung Live in Bangkok 2011 'Sungha Jung ing Bangkok 2011'
3 Dhésèmber Singapura DBS Auditorium Sungha Jung Live in Singapore 'Sungha Jung ing Singapura'

Diskografi

besut


Taun Album Pratélan Tembang
2010 Perfect Blue
 
 01. Hazy Sunshine

02. Billie Jean
03. One Of Us
04. California Dreaming
05. Love Of My Life
06. Fields Of Gold
07. Superstition
08. Perfect Blue
09. More Than Words
10. Livin' On A Prayer
11. A Whiter Shade Of Pale
12. Wake Me Up When September Ends
13. Twist In My Sobriety
14. I Believe I Can Fly

2011 Irony
 
 01. For You

02. Irony
03. Been Already a Year
04. Fly Like the Wind
05. Waterfall
06. They Don't Care About Us
07. Fragile
08. The Winner Takes It All
09. Songbird
10. Farewell
11. Tree in the Water
12. Beat It
13. River Flows in You
14. Lonely

Cathetan sikil

besut
  1. ↑ KOREA.COM, EXCLUSIVE INTERVIEW WITH SUNGHA JUNG 2012
  2. ↑ Sungha Jung 2012 INTERVIEW English subtitles
  3. ↑ a b c FAQ Sungha Jung
  4. ↑ a b fridrikur, Sungha Jung Interview-part 1 ,1 Pebruari 2011
  5. ↑ Park Sung-Woo, The first Korean to hit over 100 million views on YouTube, 20 Pebruari 2010
  6. ↑ [1]
  7. ↑ a b Sungha's Guitar
  8. ↑ Wistbacka, Sungha Jung Interviewed by Wistbacka On-Location, YouTube, 19 Maret 2011
  9. ↑ Sungha's Scedule

Pranala njaba

besut

Foto-foto:

Dijupuk saka "https://jv.wikipedia.org/w/index.php?title=Sung-Ha_Jung&oldid=1660362"