Tlaga Poso

Tlaga Poso punika tlaga ingkang mapan wonten ing Provinsi Sulawesi Tengah, Indonésia mliginipun ing Kabupatèn Poso. Tlaga punika kalebet tlaga ingkang paling ageng nomer tiga ing Indonésia kanthi dawa 32 kilomèter, lebar 16 kilomèter lan kedalaman punika kirang langkung 360 mèter ing sisih kidul lan 510 mèter ing sisih lor ^[1]. Tlaga Poso punika wonten ing Kacamatan Pamona kanthi kutha krajan Tentena. Tlaga Poso punika mapan wonten ing rute jalur utama saking Toraja ing sisih kidul, Gorontalo lan Manado ing sisih lor ^[2]. Tlaga Poso punika mapan ing inggil 657 mèter lan kalebet salah satunggaling tlaga éndah kanthi pasir putih ingkang wonten ing pinggiring tlaga dumugi ing tlaga-tlaganipun.

Ing Tlaga punika wonten keunikan ingkang saged dipunnikmati déning para wisatawan kadosta iwak Mujaèr, Nilam, lélé, iwak mas lan sanès-sanèsipun. Nanging ingkang paling unik punika Iwak Sugili ingkang sapunika populasinipun badhé cures. Punahing populasi ulam Sigili punika awit saking langkung kathahipun penduduk lan ugi amargi wontenin pembangunan Mega Proyek PLTA Sulewana ingkang gadhah perang ageng medhot mata rantai pangembangbiakan ulam ingkang langka punika.

Kaéndahan Tlaga Poso

Ingkang dados daya tarik saking tlaga punika toyanipun ingkang taksih bening lan konstan. Ingkang unik malih punika nalika kadadosan bena ing lèpèn-lèpèn sakiwa tengenipun lan milinipun dhateng Tlaga Poso. punika toyanipun ing Tlaga Poso boten ndhèrèk buthek. Kajawi punika pasir ingkang wonten ing tlaga punika kapérang dados kalih warna inggih punika warni putih lan kuning keemasan. Para wisatawan ugi saged mirsani kembang anggrek ingkang wonten ing Taman Anggrek Alami Bancea. Ing kawasan kanthi wiyar 5.000 hektar punika para wisatawan saged mirsani 55 jinis anggrek ingkang langka kanthi latar wingking pasisir pasir putih ^[1].

Saben minggu kaping papat ing wulan Agustus, para wisatawan saged mirsani Festival Danau Poso. Wonten ing festival punika wonten manéka warni perlombaan. Kadosta pagelaran jogèd lan busana adat saking suku-suku ing Sulawesi Tengah, dolanan tradhisional, lomba lagu laladan, pamilihan putri Tlaga Poso, tetandingan voli pasir, lomba prahu hias, prahu dayung, tarik tambang ing sanginggiling prahu, saha paméran produk unggulan saking laladan Sulawesi Tengah^[1].

Akomodasi lan fasilitas

Ing sakiwa-tengené Tlaga Poso punika wonten fasilitas kados hotèl, losmen, homestay, lan griya dhahar. Salah satunggaling menu ingkang dipunsajekaken ing warung-warung mau inggih punika dedhaharan khas saking suku Pamona ingkang dipunwastani arogo inggih punika ulam saking tlaga ingkang raosipun gurih^[1].

Cathetan suku

↑ ^a ^b ^c ^d [1] Archived 2014-07-18 at the Wayback Machine., (id) Danau Poso (dipun-akses tanggal 25 Dhésèmber 2012).
↑ [2], (id) Danau Poso (dipun-akses tanggal 25 Dhésèmber 2012).

[poso2-1] [1] Archived 2014-07-18 at the Wayback Machine., (id) Danau Poso (dipun-akses tanggal 25 Dhésèmber 2012).

[poso1-2] [2], (id) Danau Poso (dipun-akses tanggal 25 Dhésèmber 2012).

[1]

[2]