Wédang uwuh
Wédang uwuh punika salah sawijining jamu tradhisional Jawa. Wédang punika misuwur ing laladan Imogiri, Bantul Yogyakarta. Rasa ingkang sekéco, pedes lan legi sarta ambu ingkang wangi gawé wédang punika didemeni déning tiyang kathah. Rasa pedes asalé saking jaé lan warna abang asalé saking secang ingkang khas wonten ing wédang punika.
Bumbu lan kagunanipun
besutWédang iki digawé saka sapérangan jinising tuwuhan, antawisipun :
Jae gadhah sipat antikoagulan kang saged nyegah bekuning getih. Ugi saged ngurangi resiko mampeting dalan getih, sebab utamaning Stroke, ngurangi kadar panyerapan kolesterol ing ati lan getih.
Lenga Asiri asil saking jaé gadah kagunan kanggé ngilangi gas ing usus, sarta ngrewangi kerjaning jantung, mandapake tekanan getih lan ngresiki awak saking keringet. Sebab jaé mbiyantu nguculaken hormon Adrenalin lan njembarake dalan getih. Dadi getih mubeng luwih banter lan lancar sarta gawé lancar kerjaning jantung.
Para Ahli saking Jepang uga sampun mbuktike déné jaé saged mandapake dhuwure tekanan getih kanthi ngurangi lakuning dalan getih sisih. Jaé uga saged ndandani padaran, sebab saged mbiyantu miwiti kerjaning selaput weteng gedhé lan nguwatake otot usus.
2. Kayu Secang
besutJamu punika kang agawè wédang dados abrit. Ing Ngayogyakarta lan sakiwa tèngèné, tanduran jamu kang limrah diarani kayu secang (Caesalpinia sappan) punika sampun dangu misuwur dados bahan obat damèl nambani samubarang penyakit, kayata sipilis, hemoptisis, lan inflamasi. Panaliten kang ditindakake ing Fakultas Farmasi Universitas Gadjah Mada Yogyakarta ugi ngudarake yen secang anduweni antioksidan, antikanker, nglancaraken sirkulasi getih, lan nglancaraken ambègan.[1]
Cèngkéh gunanipun kanggé nambani sakit waja, sinusitis, muneg-muneg lan mutah, kembung, pilek, sirah, lara padharan, watuk, telat haid, rematik, campak, lan lintu-lintunipun.
Sifat kimia lan efek farmakologis cengkeh nggeh punika anget, landhep, aromatik, migunani damel stimulan (stimulan), antiseptik, pencahar (icarminative), anestesi lokal, ngilangake kolik, lan obat batuk. Kandungan kimia cengkeh nggeh punika karbohidrat, kalsiyum, fosfor, Dat wèsi, vitamin B1, lemak, protein, lan eugenol.[2]
Kembang cengkeh (Syzygium aromaticum) saliyane ngasilake lenga Atsiri, uga ngandhut senyawa kimia sing diarani eugenol, asam oleanolat, asam galotanik, fenillin, karyofilin, resin lan gum.
Lenga cengkeh dhewe kathah digunakaken dening dhokter Waja minangka obat nyèri.[3]
Kayu legi lan godhong kayu manis ndadosakèn rasa “wedang uwuh” luwih enak uga nggadahi sifat antioksidan. Akeh ahli herbal percawis yen campuran jahe lan kayu manis nggadahi kagunan kanggé nambah dhaya tahan awak amargi kandhungan antioksidan kang inggil. Pirang-pirang penyakit kang bisa diobati kanthi ramuan saka kayu manis: Sakit padharan, kembung, sinus, lemes, keluwihan bobot.
Godhong pala lan wohé pala kanthi ambune wangi iki sejatine nduweni mupangat kanggo kesehatan. Senyawa kimia flavonoid, saponin lan polifenol bisa nambani watuk kanthi mucus, mbantu pencernaan, nyuda kejang otot, nyuda rasa nyeri, ngobati masuk angin, insomnia (gangguan turu), anduweni sifat stomasik (nglancaraken pencernaan lan nambah napsu dhahar), ningkatake sirkulasi getih, karminatif ( nglancarake ngentut), antiemetik (ngatasi mual lan muntah amarga masuk angin), nyeri haid, rematik, lan sak pituruté.
Kapulaga ngandhut minyak atsiri, cineol, terpineol, borneol, protein, gula, lemak, silikat, beta-kamper, sebinene, mirkena, mirtenal, karvona, terpinil asetat, lan bubur jagung. Saka isi kasebut, kapulaga nduweni khasiat minangka obat watuk lan kanggo nyegah balung kropos.
Referensi
besut- ↑ "Potensi Baru Kayu Secang Sebagai Peningkat Fungsi Otak Alami – Kanal Pengetahuan Farmasi" (ing basa Inggris Amérika Sarékat). Dibukak ing 2023-02-25.
- ↑ "8 Manfaat Cengkeh untuk Kesehatan, Salah Satunya Membunuh Bakteri". merdeka.com (ing basa Inggris). 2020-03-23. Dibukak ing 2023-02-25.
- ↑ "Manfaat Cengkeh untuk Meredakan Sakit Gigi". Alodokter. 2021-12-27. Dibukak ing 2023-02-25.