12 Déwa Olimpus

Artikel iki ditulis nganggo basa krama.

12 Déwa Olimpus ugi kawéntar kanthi sebatan Dodekatheon (Greek: δωδεκα /dodeka = 12, θεον /theon = déwa) wonten ing mitologi Yunani inggih punika déwa-dèwi utami Yunani ingkang mapan wonten ing pucuking redi Olimpus ^[1]. Kirang langkung wonten 17 déwa-dèwi ingkang dipunwastani 12 Déwa Olimpus sanajan cacahipun boten langkung sakng kalih welas ing satunggal pratélan.

Déwa-Dèwi Olimpus

Zeus, Hera, Poseidon, Ares, Hermes, Hefaistos, Afrodit, Athena, Apollo lan Artemis ^[2] mesthi kalebet ing pratélan Déwa-Dèwi Olimpus. Kalih saking Hebe, Helios, Hestia, Demeter, Dionisos, Hades, lan Persefone punika dados jangkepan saking sedasa déwa-dèwi wau.

Cariyos jangkepan

Hestia ngaturaken posisinipun minangka anggota Olimpus dhateng Dionisios supados saged gesang sesarengan kaliyan manungsa (pungkasan Hestia dipunangkat dados ingkang njagi pakunjaran latu wonten ing Olimpus) lajeng Hestia boten purun dipunwastani minangka anggota saking Olimpus. Persefone mapan 6 wulan saben taunipun kaliyan garwanipun, Hades ing donya saandhapipun siti (mitologinipun punika ingkang damel gersang ing mangsa palastra lan mangsa asrep). 6 wulan sanèsipun, Persefone pikantuk kondur ing Olimpus lan mapan kaliyan ibunipun, Demeter. Sanadyan Hades punika kalebet déwa utami Yunani, nanging amargi mapan wonten ing donya saandhapipun siti lajeng gegandhènganipun kaliyan Olimpus boten raket. Wonten ing cariyos sanèsipun, Helios maringaken papanipun kanggé Apollo. Hebe, satunggaling ingkang mbeta cawan anggur kanggé para déwa maringaken posisinipun ing Olimpus kanggé agarwa Herakles ingkang dados déwa Olimpus sasampunipun séda.

Karakteristik déwa

Saben déwa-dèwi ing mitologi Yunani kasebat paling boten gadhah satunggal unsur ingkang dipunkuwaosi lan dipunjagi. Unsur-unsur kasebat inggih punika:

Zeus inggih punika pamimpin/raja para déwa, panguwaos Olimpus, déwa iklim, déwa thathit, lan cuaca.
Hera, èstrinipun Zeus, ratu para déwa, inggih punika dèwi pangreksa bebrayan, pengorbanan, lan kasetyan.
Poseidon inggih punika déwa sagara, lindhu, lan bapa bangsa turangga.
Ares inggih punika déwa perang lan "pembantaian".
Hermes inggih punika déwa ingkang nedahaken margi, ingkang njagi para petuwalang, para pangon, lan panghibur. Hermes punika ugi dados utusanipun déwa Zeus.
Hefaistos inggih punika déwa geni"latu, tukang kajeng, pandhé wesi, lan pandamel gaman.
Afrodit inggih punika dèwi katresnan, sèks, lan kaéndahan fisik.
Athena inggih punika dèwi kawicaksanan, perang, kaéndahan jiwa, seni, lan pendhidhikan.
Apollo inggih punika déwa srengéngé, cahya, musik, jogèd, usada, lan pangreksa para pemanah.
Artemis inggih punika dèwi rembulan, pangreksa kéwan, paburon, kasuburan, lan kasucian. Artemis punika kalebet kembaranipun Apollo.
Demeter inggih punika dèwi sekat, tetaneman, panganan, argraris ,dan pangreksa ingkang sami bebrayan.
Hestia inggih punika dèwi pangreksa griya, kulawarga, lan perapian ^[3].

Cathetan suku

↑ [1]^{[pranala mati permanèn]}, (id) Mitologi Yunani-12 Déwa Olimpus (dipunaksès tanggal 29 Januari 2013).
↑ [2]^{[pranala mati permanèn]}, (id) Para Titan dan 12 Déwa (dipunakses tanggal 29 Januari 2013).
↑ [3]^{[pranala mati permanèn]}, (id) Déwa Yunani (dipunaksès tanggal 29 Januari 2013).

Pranala njawi

[olimpus1-1] [1]^{[pranala mati permanèn]}, (id) Mitologi Yunani-12 Déwa Olimpus (dipunaksès tanggal 29 Januari 2013).

[olimpus2-2] [2]^{[pranala mati permanèn]}, (id) Para Titan dan 12 Déwa (dipunakses tanggal 29 Januari 2013).

[olimpus3-3] [3]^{[pranala mati permanèn]}, (id) Déwa Yunani (dipunaksès tanggal 29 Januari 2013).

[1]

[2]

[3]