Agus Kuncoro
Agus Kuncoro Adi utawa kawentar mawa jeneng Agus Kuncoro (lair ing Jakarta, 11 Agustus 1972; umur 51 taun) ya iku salah sawijiné aktor Indonésia kang wis maragani sawatara filem utawa sinétron.[1] Agus Kuncoro wiwit kawentar nalika dadi paraga ing filem kolosal "Saus Sepuh IV" taun 1991.[1]
| Agus Kuncoro | |
|---|---|
 | |
| Lair | Agus Kuncoro |
| Pakaryan | aktor |
| Taun aktif | 1991-saiki |
| Bojo | Anggia Jelita |
Karier besut
Agus Kuncoro miwiti karieré lumantar filem Saur Sepuh IV, Titisan Darah Biru (1991).[2] Jenengé kawentar lumantar paragané minangka Azzam ing sinétron Para Pencari Tuhan. Sawetara sinétron kang wis dibintangi antarané: Tutur Tinular (1997) minangka Radèn Wijaya, FTV Sayekti dan Hanafi minangka Hanafi bareng Widi Mulia minangka Sayekti,[3] Dunia Tanpa Koma minangka Andar Manik,[4] Maharani, lan Debu Tertiup Angin. Déné filem kang tau dibintangi ya iku Be Happy di Pinggir Kali bareng Kristina, sarta Kun Fa Yakuun kang tayang wiwitan taun 2008.
Ing filem Sang Kyai, Agus Kuncoro dadi KH Wahid Hasyim ya iku anak saka tokoh kang ngadegaké Nahdatul Ulama (NU). Amarga paraga iku, dhèwèké kudu kursus basa Arab, Walanda, lan ngapalaké dhialèk Jombang.[5]
Ing filem Malaékat Tanpa Sayap (2012), Agus dadi calo kang dol tinuku organ jero awaké manungsa. Mawa penampilan kang ora asal-asalan, Agus kasil dadi paraga dadi calo kang apikan. Ing filem iku, Agus main bareng karo Adipati Dolken, Surya Saputra, lan Ikang Fawzi.[6]
Déné ing filem Gending Sriwijaya, Agus maraga dadi Awang Kencana kang ndadèkaké Agus kudu ngadhepi tantangan, ya iku kudu bisa minangka awaké mligi pérangan wetengé dadi six-pack amarga paraga Awang Kencana ora tau nganggo klambi kang nutupi wetengé.[7] Tantangan liya kang kudu diadhepi Agus nalika main ing filem iku ya iku dhèwèké kudu bisa ngomong nganggo basa Palembang.[7] Papan panggonan kang digawé syuting uga dudu papan kang padatané, mula Agus kudu bisa adhaptasi.[7]
Pribadi besut
Agus Kuncoro nikah karo juru main sinétron Anggia Jelita ing 23 Januari 2005 sawisé 6 taun pacangan.[8] Sawisé bebojoan 3 taun, Agus Kuncoro lan Anggia Jelita kanugrahan putri kang lair ing tanggal 5 Dhésèmber 2008. Putriné banjur dijenengi Kunkira Gayla kang tegesé "Jadilah Malaékat Berambut Gelap".[9]
Agus tau dikabaraké selingkuh karo Novia Ardhana kang wektu iku isih bebojoan karo Muhamad Bintang. Nanging, kabar iki bisa dirampungaké déning kekaroné[10] Lan nganti saiki Agus Kuncoro lan Anggia Jelita ora tau éntuk kabar kang kaya mangkono manèh. Malah bisa dikandhakaké yèn baléwismané harmonis amarga padha bisa ngajèni janji utawa komitmen ing antarané Agus lan Anggi. Agus ugi kalebu wong kang romantis kang bisa ndadèkaké garwané kesengsem.[11]
Sinetron besut
Film besut
- Saur Sepuh IV (1991)
- Saur Sepuh V (1992)
- Panggung Pinggir Kali (2005)
- Kun Fayakuun (2008)
- Di Bawah Langit (2010)
- Sang Pencerah (2010)
- Tanda Tanya (2011)
- Tendangan dari Langit (2011)
- Pengejar Angin (2011)
- Malaékat Tanpa Sayap (2012)
- Sule, Ay Need You (2012)
- Ambilkan Bulan (2012)
- Cinta di Saku Celana (2012)
- Cinta Nanging Béda (2012)
- Gending Sriwijaya (2013)
Pasugatan liya besut
- Adzan Subuh ing SCTV
- Adzan Maghrib ing SCTV (mligi kanggo SCTV ing Jakarta)
Cathetan suku besut
- ↑ a b Biodata Agus Kuncoro(diundhuh 14 Fèbruari 2013)
- ↑ Kristina akan Bintangi Film 'Be Happy di Pinggir Kali', KapanLagi.com, diundhuh 22 Januari 2008
- ↑ Widi 'AB Three' Dapat Julukan Aktris Kelas Festival, KapanLagi.com, diundhuh 22 Januari 2008
- ↑ Pemain Dunia Tanpa Koma Archived 2012-10-15 at the Wayback Machine., Sinemaart.com, diundhuh 22 Januari 2008
- ↑ Agus Kuncoro perankan KH Wahid Hasyim(diundhuh 14 Fèbruari 2013)
- ↑ Agus Kuncoro jadi calo organ tubuh[pranala mati permanèn](diundhuh 19 Fèbruari 2013)
- ↑ a b c Agus Kuncoro Pamer Wujud Tubuh dalam Gending Sriwijaya(diundhuh 14 Fèbruari 2013)
- ↑ Agus Kuncoro, Sering Putus Sambung Saat Pacaran Dengan Istri, Krosceknews.com, diundhuh 22 Januari 2008
- ↑ Agus Kuncoro Adi Archived 2013-03-28 at the Wayback Machine.(diundhuh 14 Fèbruari 2013)
- ↑ Novia Ardhana-Agus Kuncoro: Bantah Isu Selingkuh Archived 2003-08-30 at the Wayback Machine., Kompas.com, diundhuh 22 Januari 2008
- ↑ Kunci Harmonis Agus Kuncoro-Anggia Jelita[pranala mati permanèn](diundhuh 19 Fèbruari 2013)
Pranala njaba besut
- (ing basa Indonésia) Profil ing situs KapanLagi.com.