Andre Taulany
Andre Taulany kang akrab diundang Andre (lair ing kutha Jakarta tanggal 17 September taun 1974)[1] ya iku penyanyi, juru main filem lan pelawak Indonésia.[2][3] Dhèwèké putrane Bapak Robby Haumahu lan Ibu Rasidah Hanum Hasibuan. Wiwit gabung karo grup band Stinky, Andre Taulany kondhang kanthi jeneng Andre Stinky.[2]
| Andre Taulany | |
|---|---|
 | |
| Lair | Andreas Taulany Haumahu Sèptèmber 17, 1974 Jakarta, Indonesia |
| Bangsa | Indonesia |
| Pakaryan | Artis, Pelawak, Penyanyi |
| Bojo | Rien Wartia Trigina |
| Anak | Ardio Raihansyah Taulany Arkenzy Salmansyah Taulany |
| Wong tuwa | Robby Haumahu & Rasidah Hanum Hasibuan |
Andre Taulany tau duwé gayutan kang raket karo pirang-pirang wanadya, kaya ta Linda Rachman, Indah Ludiana, lan Ayu Pratiwi. Pungkasane Andre Taulany nikah karo wanadya kang isih duwé katurunan saka Padang, Rien Wartia Trigina (Erin). Dhèwèké nikah ing tanggal 17 Dhésèmber 2005. Andre Taulany lan Erin diparingi putra loro, ya iku Ardio Raihansyah Taulany lan Arkenzy Salmansyah Taulany.
Karir
besutBareng Irwan (bass), Nanno (gitar), Edy (drum) lan Ndang (wis metu). Stinky wis nduwé 8 album The Best Of Stinky lan Love Song Of Stinky.[2] Album paling anyar kang temané Pecinta Sejati dibabarake tanggal 19 Mèi 2007.[2] Kaya album kang wis-wis, grup band kang kang tau éntuk penjualan 1 juta kopi liwat hits Mungkinkah lan Jangan Tutup Dirimu, ing album iku uga isih nganggo tema cinta.[2]
Banjur Andre Taulany metu saka grup band Stinky kang wis nggawé kondhang dhèwèké, lan nyoba solo karir. Lelagon kang wis rinipta ya iku Cintailah Istanaku kang uga dadi OST Sinetron Akulah Arjunaku.[2] Saliyané nyanyi lan main musik, Andre Taulany uga njajal akting.[2] Andre Taulany main ing filem Kiamat Sudah Dekat (2003) lan Cerita Cinta (2001). Saliyané iku, Andre uga tau main ing acara komedi Betawi Ngelenong Yukk.
Jeneng Andre Taulany minangka komedian sansaya misuwur wiwit dhèwèké mèlu main ing acara komedi kang dibabarake ing salah siji TV swasta, Opera Van Java. Ing acara iku, Andre Taulany asring kadhapuk dadi peran utama, kaya déné pangeran utawa wong lanang kang bagus rupané.
Ing OVJ (Opera Van Java), Andre Taulany main karo bintang-bintang komedi kang misuwur, kaya ta Azis Gagap, Sule, Parto, Nunung, lan bintang tamu kang akèh. Acara iki bisa sukses banget nganti bisa ndadèkaké bintange dadi sugih dhadhakan, kanthi tawaran iklan, program televisi, lan sapanunggalane.
Sawisé misuwur kanthi aktinge, ing sasi Agustus 2010, Andre Taulany ngandharake yèn dhèwèké ncalon dadi wakil walikota Tangerang Selatan bebarengan karo Arsid. Parté-parté polotik kang awèh panyengkuyung ya iku Hanura, PPP, lan PBB.[4] Andre Taulany ndhaku siyap mundur saka artis yèn kepilih dadi wakil walikota.[5][6][7]
Sinetron
besut- Cerita Cinta
- Kiamat Sudah Dekat
- Terang Milikku Juga
- Hidayah
Filmografi
besut- Kiamat Sudah Dekat (2003)
- Ketika (2005)
- Kun Fayakuun (2008)
- Susuk Pocong (2009)[1]
Acara Komedi
besutCathetan suku
besut- ↑ a b c "profilbiodata.com". Diarsip saka sing asli ing 2011-12-25. Dibukak ing 2012-02-19.
- ↑ a b c d e f g kapanlagi.com
- ↑ www.lintas.me
- ↑ Andre berita.liputan6.com
- ↑ celebrity.okezone.com Andre Taulany siyap mundur dari Opera Van Java
- ↑ www.suarapembaruan.com Archived 2011-01-30 at the Wayback Machine. Andre Taulany Resmi Jadi Calon Wakil Walikota Tangsel
- ↑ kampungtki.com Archived 2010-11-14 at the Wayback Machine. Calon Wakil Walikota, Andre Taulany Sering Diintimidasi dan Diteror
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |