Blangkon

iket kang wis ditata sarta didondomi

Blangkon iku sajinis panutup sirah kanggo wong priya sing kagawé saka bahan kain bathik [1] utawa lurik. Blangkon sajatiné wujud modhèren lan praktis saka iket. Ing busana tradhisional adat Jawa lan adat Sundha blangkon dianggo minangka pasangan karo busana beskap.

Arupa jinis motif blangkon
Barkas:COLLECTIE TROPENMUSEUM Indonesische schrijver 10001456.jpg
Priyayi ing Besuki, Java nganggo ageman blangkon, 1913.

Jinis besut

Ana sawatara jinis blangkon miturut adat ing papan panggonan tinamtu. Jinis blangkon antarané:

  • Blangkon Sala, saka bahan bathik ora nganggo mondholan (trèpès).
  • Blangkon Yogya, nganggo mondholan.
  • Blangkon Kedhu.
  • Blangkon Banyumas.
  • Blangkon Sundha, saka bahan bathik, ora nganggo mondholan.

Mondholan, iku wangun sing njendhol ing samburiné blangkon, makili modhèl rambut priya sing kerep dibundhel ing mburi. Blangkon modhèl trèpès, iku wujud sing umum blangkon gagrag Surakarta. Gaya iki minangka modhifikasi saka gaya Yogyakarta, amarga akèh-akèhé priya saiki arambut cendhak. Modhèl trèpès iki digawé kanthi njait langsung mondholan ing pérangan mburi blangkon. Saliyané saka suku Jawa , ana uga sawatara suku sing migunakaké panutup sirah sajinis blangkon nanging béda wujudé, ya iku suku Sundha, suku Madura, suku Bali, lan sapanunggalané.

Rujukan besut

  1. "Suara Karya Online:WARISAN PUSAKA INDONESIA BLANGKON JAWA Simbol Kepiawaian Seorang Pria". Diarsip saka sing asli ing 2012-01-31. Dibukak ing 2011-06-04.

Uga delengen besut

Pranala njaba besut

Gallery besut