Cut Meylani Decy Susanti (lair ing Jakarta, 7 Dhésèmber 1980; umur 43 taun).[1] Cut Memey iku salah sijiné modhel, presenter lan juru main filem Indonesia.[2] Sanajan jenenge nganggo Cut, nanging Cut Memey ora duwé katurunan Bangsawan Acèh.[2]

Cut Memey
LairCut Meylani Decy Susanti
Pakaryanaktris

Cut Memey tau main ing sinétron kang irah-irahané Gengsi Gede Gedean.[2] Ing sinétron iki, Cut Memey akting dadi Munah.[2] Saliyané iku, Cut Memey akting dadi prawan kutha ing filem Cowok Cowok Keren (Cocoker).[2] Sawisé resmi cerai, Memey nggawé filem kang nyritakakaké rumahtanggané karo Jacksen.[2] Film iki irah-irahané Selebritis juga manungsa.[2] Saliyané iku, bareng karo aktor lan pengacara Gusti Randa, Memey main filem televisi (FTV) kang itah-irahané Akibat Pergaulan Bebas, episode Kurban Video Syur.[2]

Saliyané main sinétron, Cut Memey uga dadi modhel lan pembawa acara.[2] Memey tau dadi presenter ing acara Zoom In (Trans TV) lan infotainment kang arané Buah Bibir (bareng karo Nessa Sadin) kang dibabaraké ing ANTV.[2] Memey uga tau mandhegani acara "Rahasia Malam".[2] Saliyané iku, Memey njajal karir ing nyanyi.[2] Memey njupuk guru nyanyi salah sijiné penyanyi senior kang jenenge Dorce Gamalama.[2] Nalika tanggal 25 Juli 2007 Cut Memey ngetokaké album kang sepisanan irah-irahané Cermin Hati kanthi tembang kang misuwur ya iku "Raja Playboy".[2]

Filmografi besut

  • Film Horor (2007)
  • Mau Dong Ah (2009)
  • Emak Ingin Naik Haji (2009)
  • Safa & Marwah (2009)
  • Anugerah (2010)

Cathetan suku besut

  1. cumicumi.com Archived 2011-06-11 at the Wayback Machine.(dipunundhuh tanggal 2 September 2011)
  2. a b c d e f g h i j k l m n selebriti.kapanlagi.com(dipunundhuh tanggal 2 September 2011)