Giorgio Abetti

Giorgio Abetti inggih punika salah satunggaling astronom ingkang miyos wonten ing tanggal 5 Oktober 1882 lan séda wonten ing tanggal 24 Agustus 1982 lan piyambakipun inggih astronom ingkang nliti srengengé saking Italia.

Giorgio Abetti
Giorgio Abetti
Lair	(1882-10-05)5 Oktober 1882 Padua, Italia
Pati	24 Agustus 1982(1982-08-24) (umur 99) Firenze, Italia
Bangsa	Italia
Karièr ngèlmiah
Babagan	astronomi
Institutions	Collegio Romano

Giorgio Abetti inggih miyos wonten ing Padua, ingkang minangka putranipun saking astronom Antonio Abetti. Piyambakipun inggih ngrampungaken sekolahipun wonten ing University of Padua lan Universitu of Rome La Sapienza. Sasampunipun miwiti sekolah wonten ing Universitas Roma, piyambakipun lulus saking babagan ngèlmu fisika wontn ing Universitas Padua wonten ing taun 1904. Lajeng dados asisten sukarela wonten ing Observatorium astronomi ing Padua lan lajeng ing Berlin dados asisten malih wonten ing Heidelberg saking taun 1906 – 1908. Salajengipun wonten ing semester kaping kalih ing taun 1908, piyambakipun kesah dhateng Observatorium Yerkes ing Jenewa, caket kaliyan Williams Bay ingkang tebihipun kirang langkung 130 kilomèter ing sak loripun Chicago.

Padamelanipun

Giorgio Abetti miwiti padamelanipun wonten ing observatorium Collegio Romano ing Roma minangka asisten astronom. Ing taun 1921 piyambakipun ugi sukses kados bapakipun minangka direktur saking Observatorium Astrofisioco ing Arcetri, lan lajeng dipunterasaken ngantos ing taun 1957. Wiwit ing wekdal ing sami, piyambakipun ugi dados profesor wonten ing University of Florence, lan lajeng dipunterasaken ing kaprigelan punika ngantos taun 1957. Giorgio Abetti inggih naté kecathet kanggé mimpin satunggaling èkspèdhisi kanggé nliti bab lintasanipun srengéngé dhateng Sibria ing taun 1936 lan ing Sudan taun 1952. Piyambakipun ugi dados profesor ing Universitas Kairo ing taun 1948. Giorgio Abetti inggih minangka dados wakil présidhèn saking International Astronomical Union ing taun 1938, lan pikantuk gelar Medaglia d'argento saking Italian Geographic Society ing taun 1915, pikantuk gelar Premio reale saking Accademia dei Lincei ing taun 1925, lan pikantuk medali Janssen ing taun 1937. Satunggaling kawah ing bulan ugi dipunparingi nama "Kawah Abetti" lan satunggaling asteroid ugi dipunparingi nama 2646 Abetti minangka satunggaling pakurmatan kanggé piyambakipun lan bapakipun ingkang sampun manggihaken kalih objek punika.

Bibliografi

Giorgio Abetti inggih ugi satunggaling pujangga ingkang sampun medalaken sapérangan karya populeripun ing babagan astronomi. Tuladhanipun asiling karyanipun ing antawisipun inggih kados makaten:

• Handbook of Astrophysics
• Nebulae and Galaxies
• Solar Research
• Stars and Planets
• The Exploration of the Universe
• The History of Astronomy (1952, English edition)
• The Sun (1963)