Guci Indah

Guci Indah punika papan pariwisata ingkang mapan wonten ing Désa Guci, Kacamatan Bumijawa, Kabupatèn Tegal. Kanthi wiyar 210 Ha ing ngandhaping Gunung Slamet sisih lor kanthi dhuwur kirang langkung 1.050 mèter. Saking kutha Slawi tebihipun kirang langkung ± 30 km, lajeng manawi saking kutha Tegal tebihipun kirang langkung 40 km mangidul.

Toya ingkang mili saking pancuran-pancuran ing papan pariwsata punika dipunpitadosi bilih saged nambani lelara kados rématik, korèng saha lelara kulit sanèsipun. Mliginipun wonten Pemandian Pancuran 13 ingkang gadhah pancuran gunggungipun 13.

Wonten kirang langkung 10 air terjun ingkang wonten tlatah Guci. Ing pérangan nginggil pemandian umum pancuran 13 wonten air terjun kanthi toya ingkang adhem namanipun Air Terjun Jedor. Dipunwastani kados makaten awit saking air terjun kanthi dhuwur 15 mèter punika kagunganipun lurah inggih punika Lurah Jedor. Kanggé muter-muter ing papan wisata punika saged kalampahan kanthi nyéwa jaran kanthi tarif sewa ingkang mirah.